Story Dated: Sunday, January 11, 2015 07:29
നാവായിക്കുളം: കാറ്റില്‍ തെങ്ങ്‌ വീടിനുമുകളില്‍ വീണ്‌ മേല്‍ക്കൂര തകര്‍ന്നു. വീട്ടുകാര്‍ അത്ഭുതകരമായി രക്ഷപ്പെട്ടു. ചിറ്റായിക്കോട്‌ ജയശ്രീ വിലാസത്തില്‍ മധുസൂദനന്‍ പിള്ളയുടെ ഓടിട്ട വീടിനു മുകളിലാണ്‌ സമീപത്തുനിന്ന ഇരുപത്തഞ്ച്‌ വര്‍ഷം പഴക്കമുള്ള പടുകൂറ്റന്‍ തെങ്ങ്‌ ശക്‌തമായ കാറ്റില്‍ മൂട്‌ വച്ച്‌ ഒടിഞ്ഞു വീണത്‌.
കഴിഞ്ഞ ദിവസം രാത്രി പതിനൊന്നു മണിയോടെയായിരുന്നു സംഭവം. മധുസൂദനന്‍, ഭാര്യ ജയശ്രീ, മക്കള്‍ ഗംഗ, വിമല്‍, ഗൗരി, ജയശ്രീയുടെ അമ്മ സരസമ്മ എന്നിവര്‍ വീടിനുള്ളില്‍ ഉറക്കത്തിലായിരുന്നു.
വീടിന്റെ ഓടും മേല്‍ക്കൂരയുടെ ചില ഭാഗങ്ങളും തകര്‍ന്ന്‌ വീടിനുള്ളില്‍ വീണെങ്കിലും ആര്‍ക്കും പരുക്കേറ്റില്ല. ശബ്‌ദംകേട്ട്‌ നാട്ടുകാര്‍ ഓടികൂടിയപ്പോഴേക്കും മധുസൂദനനും കുടുംബവും വീടിനു പുറത്തെത്തി. ഇരുപത്തഞ്ച്‌ വര്‍ഷം പഴക്കമുള്ള വീടാണ്‌ ഭാഗികമായി തകര്‍ന്ന്‌. നാവായിക്കുളം വില്ലേജ്‌ അധികൃതര്‍ക്ക്‌ പരാതി നല്‍കി.
from kerala news edited
via IFTTT
