![]()
![]()
Story Dated: Sunday, January 11, 2015 10:13
കറാച്ചി: പാകിസ്‌ഥാനില്‍ ബസ്‌ പെട്രോള്‍ ടാങ്കറുമായി നടന്ന കൂട്ടിയിടിയിലും ഇതേ തുടര്‍ന്നുണ്ടായ തീപിടുത്തത്തിലും 57 മരണം. മരണമടഞ്ഞവരില്‍ സ്‌ത്രീകളും കുട്ടികളും ഉണ്ടായിരുന്നു. കറാച്ചിയില്‍ ഇന്ന്‌ പുലര്‍ച്ചെയായിരുന്നു അപകടം. മൃതദേഹങ്ങളില്‍ പലതും കത്തിപ്പോയെന്നും തിരിച്ചറിയാന്‍ കഴിയാത്ത വിധത്തിലായി പോയെന്നും മരണ സംഖ്യ ഇനിയും കൂടിയേക്കുമെന്നും വിവരമുണ്ട്‌. നാമമാത്ര യാത്രക്കാര്‍ രക്ഷപ്പെട്ടു.
ഡി എന്‍ എ ടെസ്‌റ്റ് വഴിയാണ്‌ പല മൃതദേഹങ്ങളും തിരിച്ചറിഞ്ഞത്‌. മോശമായ റോഡില്‍ സൈഡ്‌ തെറ്റിവന്ന ടാങ്കര്‍ ബസില്‍ ഇടിക്കുകയായിരുന്നു. 60 ലധികം യാത്രക്കാരുമായി കറാച്ചിയില്‍ നിന്നും ശിക്കാര്‍പൂര്‍ നഗരത്തിലേക്ക്‌ പോയ ബസിലാണ്‌ ടാങ്കര്‍ വന്നിടിച്ചത്‌. തീ പടരുന്നതിന്‌ മുമ്പ്‌ ബസിന്റെ ജനാലവഴി പുറത്ത്‌ ചാടിയവരാണ്‌ രക്ഷപ്പെട്ടവര്‍. മിക്കവാറും ശരീരങ്ങള്‍ കത്തിപ്പോകുകയും പരസ്‌പരം ഒട്ടിപ്പോകുകയുമൊക്കെ ചെയ്‌തതായും കറാച്ചിയിലെ ജിന്നാ ഹോസ്‌പിറ്റിലിലെ ഡോക്‌ടര്‍മാര്‍ പറഞ്ഞു.
അമ്മമാരോട്‌ ഒട്ടിപ്പിടിച്ച നിലയില്‍ ആറു കുട്ടികളുടെ ശരീരം വേര്‍പെടുത്തുന്നത്‌ ഏറെ ദുഷ്‌ക്കരമായിരുന്നെന്നും ഇവര്‍ പറഞ്ഞു. പരിക്കേറ്റവരെ കണ്ടെത്താനും മൃതശരീരങ്ങള്‍ നീക്കാനും രക്ഷാ പ്രവര്‍ത്തകര്‍ നടത്തുന്ന ശ്രമങ്ങള്‍ പാക്‌ ടെലിവിഷന്‍ ചാനലുകള്‍ പുറത്തുവിട്ടു. മൂന്ന്‌ മാസത്തിനിടെ പാകിസ്‌ഥാനിലുണ്ടാകുന്ന രണ്ടാമത്തെ വലിയ റോഡപകടമാണ്‌ ഇത്‌. കഴിഞ്ഞ നവംബറില്‍ ട്രക്കുമായി ബസ്‌ കൂട്ടിയിടിച്ച്‌ സ്‌ത്രീകളും കുട്ടികളുമടക്കം 57 പേര്‍ മരണമടിഞ്ഞിരുന്നു. അതിന്‌ മുമ്പ്‌ ഏപ്രിലില്‍ 42 പേരാണ്‌ സിന്ധിലെ അപകടത്തില മരിച്ചത്‌.
from kerala news edited
via
IFTTT
Related Posts:
എയര്‍ ഏഷ്യ: ബ്ലാക്ക്‌ ബോക്സ് കണ്ടെത്താന്‍ ഒരാഴ്‌ച വൈകിയേക്കുമെന്ന്‌ റിപ്പോര്ട്ട് Story Dated: Thursday, January 1, 2015 08:08സുരബായ: കാണാതായ എയര്‍ ഏഷ്യാ വിമാനത്തിന്റെ ബ്ലാക്‌ ബോക്സ് കണ്ടെത്താനുള്ള ശ്രമം തുടരുന്നു. കാലാവസ്‌ഥ പ്രതികൂലമായ സാഹചര്യത്തില്‍ ബ്ലാക്‌ ബോക്സ് കണ്ടെത്താന്‍ ഒരാഴ്‌ച എങ്കിലും വേ… Read More- പെട്രോള്‍, ഡീസല്‍ എക്‌സൈസ്‌ തീരുവ വര്‍ധിപ്പിച്ചു Story Dated: Thursday, January 1, 2015 08:10ന്യൂഡല്‍ഹി: പെട്രോളിന്റെയും ഡീസലിന്റെയും എക്‌സൈസ്‌ തീരുവ കേന്ദ്ര സര്‍ക്കാര്‍ വര്‍ധിപ്പിച്ചു. ലിറ്ററിന്‌ രണ്ട്‌ രൂപ നിരക്കിലാണ്‌ വര്‍ധനവ്‌. എന്നാല്‍ പെട്രോള്‍, ഡീസല്‍ വില കൂടുമോ… Read More
- കറന്‍സി വിലയിടിഞ്ഞു; ലൈംഗിക തൊഴിലാളികള് നിരക്ക്‌ കൂട്ടി Story Dated: Thursday, January 1, 2015 08:32മോസ്കോ: റഷ്യന്‍ കറന്‍സിയായ റൂബിളിന്റെ വിലയിടിവിനെ തുടര്‍ന്ന്‌ രാജ്യത്ത്‌ രൂക്ഷമായ വിലക്കയറ്റം. എന്നാല്‍ അവശ്യ സാധനങ്ങള്‍ക്ക്‌ മാത്രമാണ്‌ വിലക്കയറ്റമുണ്ടായതെന്ന്‌ തെറ്റിദ്ധരിക… Read More
- അനധികൃത സ്വത്ത്‌ കേസ്‌: ജയലളിതയുടെ അപ്പീല്‍ പരിഗണിക്കുന്നതിന്‌ പ്രത്യേക ബെഞ്ച്‌ Story Dated: Thursday, January 1, 2015 08:56ചെന്നൈ: അനധികൃത സ്വത്ത്‌ സമ്പാദനക്കേസില്‍ തമിഴ്‌നാട്‌ മുന്‍ മുഖ്യമന്ത്രി ജയലളിതയുടെ അപ്പീല്‍ ജസ്‌റ്റിസ്‌ സി.ആര്‍ കുമാരസ്വാമിയുടെ അധ്യക്ഷതയിലുള്ള ബെഞ്ച്‌ പരിഗണിക്കും. സുപ്രീം കോ… Read More
- ടിറ്റ്വറിലും ചുവടുറപ്പിച്ച്‌ മമത ബാനര്‍ജി Story Dated: Thursday, January 1, 2015 08:38ന്യൂഡല്‍ഹി: പശ്‌ചിമ ബംഗാള്‍ മുഖ്യമന്ത്രി മമതാ ബാനര്‍ജി ട്വിറ്ററില്‍ അക്കൗണ്ട്‌ തുടങ്ങി. ടിറ്റ്വറിലൂടെ ഏവര്‍ക്കും പുതുവത്സര ആശംസകള്‍ നേര്ന്നുകൊണ്ടാണ് താന്‍ സോഷ്യല് മീഡിയയില്… Read More
