Story Dated: Sunday, January 11, 2015 07:02
കുമളി: വഴിയരുകില്‍ ഉപേക്ഷിച്ച നിലയില്‍ കണ്ടെത്തിയ നവജാത ശിശുവിനെ കൊലപ്പെടുത്തിയതാണെന്ന്‌ പോസ്‌റ്റ്‌മോര്‍ട്ടം റിപ്പോര്‍ട്ട്‌. തലയ്‌ക്കടിയേറ്റാണ്‌ മരണമെന്നാണു കോട്ടയം മെഡിക്കല്‍ കോളജ്‌ ആശുപത്രിയില്‍ നടത്തിയ പോസ്‌റ്റ്‌മോര്‍ട്ടത്തില്‍ കണ്ടെത്തിയിട്ടുള്ളത്‌.
മാതാവിനെ കണ്ടെത്താനായി പോലീസ്‌ അന്വേഷണം ഊര്‍ജിതമാക്കി. രണ്ടുദിവസം പ്രായമായ പെണ്‍കുഞ്ഞിന്റെ മൃതദേഹം പ്ലാസ്‌റ്റിക്‌ കവറില്‍ പൊതിഞ്ഞ്‌ റോഡ്‌ വക്കില്‍ ഉപേക്ഷിച്ച നിലയില്‍ വെള്ളിയാഴ്‌ച അമരാവതി മൂന്നാംമൈലിനു സമീപമാണ്‌ കണ്ടിരുന്നത്‌.
പൊക്കിള്‍കൊടി കെട്ടിയശേഷം ക്ലിപ്പ്‌ ഘടിപ്പിച്ചിരുന്നു. കുട്ടിയെ ആശുപത്രിയിലാണ്‌ പ്രസവിച്ചതെന്നാണ്‌ ഇതുനല്‍കുന്ന സൂചന. ക്ലിപ്പില്‍നിന്ന്‌ ആശുപത്രിയെക്കുറിച്ച്‌ സൂചന ലഭിക്കുമെന്ന പ്രതീക്ഷയിലാണ്‌ പോലീസ്‌. കുമളി മേഖലയിലെ ആശുപത്രികളില്‍ അന്വേഷണം നടത്തിയെങ്കിലും ഫലമുണ്ടായില്ല.
from kerala news edited
via IFTTT
