Story Dated: Sunday, January 11, 2015 01:25
നിലമ്പൂര്‍: അകമ്പാടം ഇടിവണ്ണ സെന്റ്‌ തോമസ്‌് ദേവാലയത്തില്‍ മാര്‍ത്തോമ്മശ്ലീഹായുടെയും, പരിശുദ്ധ കന്യാമറിയത്തിന്റെയും വിശുദ്ധ സെബാസ്‌ത്യാനോസിന്റെയും സംയുക്‌ത തിരുന്നാള്‍ ആഘോഷം 14 മുതല്‍ 18വരെ വിവിധ പരിപാടികളോടെ നടക്കും. 14ന്‌ വൈകീട്ട്‌ 4.30ന്‌ ഇടവക വികാരി ഫാ:സെബാസ്‌റ്റ്യന്‍ പാറയില്‍ തിരുന്നാള്‍ കൊടിയേറ്റുന്നതോടെ തുടക്കമാവും. തുടര്‍ന്ന്‌ ഫാ. ജോബി അന്തിക്കാടന്‍ വി.കുര്‍ബാനക്ക്‌ നേതൃത്വം നല്കും. ജീവകാരുണ്യ പ്രദക്ഷിണം, വി. കര്‍ബ്ബാന, സെമിത്തേരി സന്ദര്‍ശനം, ഒപ്പീസ്‌ എന്നിവ നടക്കും. മാര്‍ത്തോമാശ്ലീഹായുടെ തിരുശേഷിപ്പിന്‌ വെളിയംതോട്‌ ജംഗ്‌ഷനില്‍ ഇടവക സമൂഹം സ്വീകരണം നല്കും. തിരുശേഷിപ്പ്‌ വണക്കം, വചനസന്ദേശം, സണ്‍ഡേ സ്‌കൂള്‍ വാര്‍ഷികം, സാംസ്‌കാരിക സമ്മേളനം, കുട്ടികളുടെ കലാസന്ധ്യ, ആഘോഷമായ തിരുന്നാള്‍ പാട്ടുകുര്‍ബ്ബാന, അകമ്പാടം കുരിശ്ശടിയിലേക്ക്‌ തിരുന്നാള്‍ പ്രദക്ഷിണം, മേളക്കാഴ്‌ച, കരിമരുന്ന്‌ കലാപ്രകടനം എന്നിവ നടക്കും. സമാപന ദിനമായ 18ന്‌ വചന സന്ദേശം,ഇടിവണ്ണ കുരിശ്ശടിയിലേക്ക്‌ പ്രദക്ഷിണം നടക്കും. സമാപന ആശീര്‍വാദം, സ്‌നേഹവിരുന്ന്‌ എന്നിവയും നടക്കും.
from kerala news edited
via IFTTT
