Story Dated: Thursday, January 1, 2015 08:08
സുരബായ: കാണാതായ എയര്‍ ഏഷ്യാ വിമാനത്തിന്റെ ബ്ലാക്‌ ബോക്‌സ് കണ്ടെത്താനുള്ള ശ്രമം തുടരുന്നു. കാലാവസ്‌ഥ പ്രതികൂലമായ സാഹചര്യത്തില്‍ ബ്ലാക്‌ ബോക്‌സ് കണ്ടെത്താന്‍ ഒരാഴ്‌ച എങ്കിലും വേണ്ടിവരുമെന്നാണ്‌ അധികൃതര്‍ വെളിപ്പെടുത്തിയത്‌.ബ്ലാക്‌ ബോക്‌സ് കണ്ടെത്തിയാല്‍ മാത്രമേ അപകടത്തിന്റെ യഥാര്‍ത്ഥ കാരണം വ്യക്‌തമാകൂ.
കടലില്‍ 100 മുതല്‍ 165 അടി താഴ്‌ചയില്‍ വിമാനം കിടക്കുന്നതായാണ്‌ അന്വേഷണ സംഘത്തിന്റെ നിഗമനം. ഞായറാഴ്‌ച സുരബായയില്‍ നിന്നും 162 യാത്രക്കാരുമായി സിങ്കപ്പൂരിലേക്ക്‌ പറന്ന എയര്‍ ഏഷ്യാ വിമാനമാണ്‌ കടലില്‍ തകര്‍ന്നുവീണത്‌. പ്രതികൂല കാലാവസ്‌ഥയാണ്‌ അപകട കാരണമെന്നാണ്‌ പ്രാഥമിക നിഗമനം.
from kerala news edited
via IFTTT
