Story Dated: Thursday, January 1, 2015 08:32
മോസ്‌കോ: റഷ്യന്‍ കറന്‍സിയായ റൂബിളിന്റെ വിലയിടിവിനെ തുടര്‍ന്ന്‌ രാജ്യത്ത്‌ രൂക്ഷമായ വിലക്കയറ്റം. എന്നാല്‍ അവശ്യ സാധനങ്ങള്‍ക്ക്‌ മാത്രമാണ്‌ വിലക്കയറ്റമുണ്ടായതെന്ന്‌ തെറ്റിദ്ധരിക്കരുത്‌. രാജ്യത്തെ ലൈംഗിക തൊഴിലാളികളും നിരക്ക്‌ ഉയര്‍ത്തിയിരിക്കുകയാണ്‌. 30 മുതല്‍ 40 ശതമാനം വരെയാണ്‌ ലൈംഗിക തൊഴിലാളികള്‍ നിരക്ക്‌ ഉയര്‍ത്തിയത്‌. രാജ്യത്തിന്റെ ചില മേഖലകളില്‍ ലൈംഗിക തൊഴിലാളികള്‍ 50 മുതല്‍ 100 ശതമാനം വരെ നിരക്ക്‌ ഉയര്‍ത്തിയിട്ടുണ്ട്‌.
ഫ്‌ളാഷ്‌നോര്‍ഡ്‌ ഡോട്ട്‌ കോം എന്ന വെബ്‌സൈറ്റിനെ ഉദ്ധരിച്ച്‌ മോസ്‌കോ ടൈംസാണ്‌ ഇക്കാര്യം റിപ്പോര്‍ട്ട്‌ ചെയ്‌തത്‌. റൂബിളിന്റെ മൂല്യം കൂപ്പുകുത്തുന്നതിന്‌ മുമ്പ്‌ മണിക്കൂറിന്‌ 3000 റൂബിളാണ്‌ റഷ്യന്‍ ലൈംഗിക തൊഴിലാളികള്‍ നിരക്ക്‌ ഈടാക്കിയിരുന്നത്‌. എന്നാല്‍ റൂബിള്‍ വില ഇടിഞ്ഞതോടെ മണിക്കൂര്‍ നിരക്ക്‌ 7000 റൂബിളായി ഉയര്‍ത്തി. ജീവിത ചെലവ്‌ കൂടിയ സാഹചര്യത്തില്‍ നിരക്ക്‌ ഉയര്‍ത്താതെ മുന്നോട്ട്‌ പോകാനാകില്ലെന്ന്‌ ഈ മേഖലയില്‍ നിന്നുള്ളവര്‍ പറയുന്നു.
റഷ്യയില്‍ വേശ്യാവൃത്തി നിയമവിരുദ്ധമാണെങ്കിലും രാജ്യത്ത്‌ വേശ്യാവൃത്തി സജീവമാണ്‌. റൂബിളിന്റെ വിലയിടിവിന്‌ പുറമെ യുദ്ധം രൂക്ഷമായ ഉക്രൈനില്‍ നിന്ന്‌ കുടിയേറിയ യുവതികള്‍ കൂടി ലൈംഗിക തൊഴിലിലേക്ക്‌ കടന്ന്‌ വന്നതും നാട്ടുകാരായ ലൈംഗിക തൊഴിലാളികള്‍ നിരക്ക്‌ വര്‍ധിപ്പിക്കാന്‍ കാരണമായി. 124 മില്യന്‍ ജനസംഖ്യയുള്ള റഷ്യയില്‍ ലൈംഗിക തൊഴിലാളികളുടെ എണ്ണം 1 മില്യനോളം വരുമെന്നാണ്‌ റിപ്പോര്‍ട്ട്‌.
കഴിഞ്ഞ ഒരു വര്‍ഷത്തിനിടെ ഡോളറിനെതിരെ റൂബിളിന്റെ മൂല്യം 40 ശതമാനം ഇടിഞ്ഞു.
from kerala news edited
via IFTTT
