Story Dated: Friday, January 2, 2015 12:09
കോഴിക്കോട്: കരിപ്പൂര്‍ വിമാനത്താവളം വഴി അനധികൃതമായി കടത്താന്‍ ശ്രമിച്ച 2.45 കോടി രൂപയുടെ സ്വര്‍ണം പിടികൂടി. സ്വര്‍ണം കടത്തിയ കോഴിക്കോട് സ്വദേശി സാദത്ത് അറസ്റ്റിലായി. പുലര്‍ച്ചെ 5.15 നുള്ള എയര്‍ ഇന്ത്യ എക്‌സ്പ്രസില്‍ ദുബായില്‍ നിന്നെത്തിയ യാത്രക്കാരാനാണിയാള്‍. സ്വര്‍ണം ഓരോ കിലോ വീതമുള്ള ഒന്‍പത് ബാറുകളാക്കി റീചാര്‍ജബിള്‍ ഫാനിലും എമര്‍ജന്‍സി ലാമ്പിനുള്ളിലും ഒളിപ്പിച്ച് കടത്താനായിരുന്നു ശ്രമം. കസ്റ്റംസ് അസിസ്റ്റന്റ് കമ്മിഷണര്‍ സി.എന്‍ രവീന്ദ്രന്‍, സൂപ്രണ്ടന്റ് ഗിരീഷ് ബാബു എന്നിവരുടെ നേതൃത്വത്തിലുള്ള സംഘമാണ് സ്വര്‍ണം പിടികൂടിയത്.
കേരളത്തില്‍ കരിപ്പൂര്‍ വിമാനത്താവളത്തില്‍ സ്വര്‍ണക്കടത്ത് പിടികൂടുന്നത് പതിവാണ്. ഇന്നലെ 15 ലക്ഷം രൂപ വിലമതിക്കുന്ന സ്വര്‍ണം പിടികൂടിയിരുന്നു. ഡിസംബര്‍ ഏഴിന് 10 കിലോ സ്വര്‍ണമാണ് പിടികൂടിയത്.
from kerala news edited
via IFTTT
