Story Dated: Thursday, January 1, 2015 04:09
ന്യൂഡല്‍ഹി: പുതുവര്‍ഷത്തില്‍ ഓരോ വ്യക്‌തിയും സ്വന്തമായി പുതിയ തീരുമാനങ്ങളെടുക്കുമ്പോള്‍ മുന്‍ പോണ്‍ താരവും ബോളിവുഡ്‌ താരവുമായ സണ്ണി ലിയോണും ഒരു തീരുമാനമെടുത്തു. തീരുമാനം എന്നതിലുപരി ഒരു ആവശ്യം എന്ന്‌ പറയുന്നതാണ്‌ ശരി. എന്നാല്‍ സണ്ണി ലിയോണിന്റെ ഈ പുതുവര്‍ഷ ആവശ്യം നടപ്പിലാക്കാന്‍ പ്രധാനമന്ത്രി സാക്ഷാല്‍ നരേന്ദ്ര മോഡി തന്നെ മനസുവയ്‌ക്കുകയും വേണം.
എന്‍.ആര്‍.ഐ കള്‍ക്ക്‌ രാജ്യത്ത്‌ ബിസിനസ്‌ ആരംഭിക്കാനുള്ള അവസരം പ്രധാനമന്ത്രി ഒരുക്കി തരണമെമെന്നാണ്‌ സണ്ണി ലിയോണിന്റെ ആവശ്യം. ഇത്‌ പ്രധാനമന്ത്രി നടപ്പിലാക്കിത്തരണമെന്നും സണ്ണി ലിയോണ്‍ ആവശ്യപ്പെട്ടു.
പ്രവാസികള്‍ക്ക്‌ ഇന്ത്യയില്‍ വ്യവസായം തുടങ്ങുന്നതിന്‌ സഹായം നല്‍കുന്ന പദ്ധതികള്‍ സംബന്ധിച്ച്‌ തന്റെ വിദേശ സന്ദര്‍ശനങ്ങളില്‍ മോഡി ചര്‍ച്ച നടത്തിയിരുന്നു. ഈ ചര്‍ച്ചകളിലെ പദ്ധതികള്‍ സര്‍ക്കാര്‍ ഏത്രയും വേഗം ആരംഭിക്കുമെന്ന്‌ പ്രതീക്ഷിക്കുന്നതായും സണ്ണി ലിയോണ്‍ പറഞ്ഞു.
എന്നാല്‍ താരത്തിന്റെ പുതുവര്‍ഷ തീരുമാനത്തില്‍ ആരാധകര്‍ അത്ര തൃപ്‌തരല്ല. 2015ല്‍ പുതിയ തീരുമാനങ്ങളുമായി സണ്ണി ലിയോണ്‍ വീണ്ടും വാര്‍ത്തകളില്‍ നിറയുമെന്ന പ്രതീക്ഷയിലാണ്‌ അവര്‍.
from kerala news edited
via IFTTT
