Story Dated: Thursday, January 1, 2015 04:32
മേപ്പാടി: മേപ്പാടി പഞ്ചായത്തിലെ മൂന്നാം വാര്‍ഡ്‌ പാത്രംമാങ്ങ കോളനിയിലെ ആദിവാസി വിഭാഗത്തില്‍പെട്ട ചന്ദ്രന്റെ മകന്‍ ജോബിഷി (21)നെ കഴിഞ്ഞ ദിവസം രാത്രി ഒരുസംഘം ആളുകള്‍ മര്‍ദ്ദിച്ച സംഭവത്തില്‍ ബി.ജെ.പി. പഞ്ചായത്ത്‌ കമ്മിറ്റി പ്രതിഷേധിച്ചു. പ്രതികള്‍ രാഷ്ര്‌ടീയ സ്വാധീനമുപയോഗിച്ച്‌ പോലീസിനെ നിഷ്‌ക്രിയമാക്കുകയും, കേസ്‌ അട്ടിമറിക്കാന്‍ ശ്രമിക്കുകയാണെന്നും ബി.ജെ.പി. ആരോപിച്ചു. യോഗത്തില്‍ പ്രസിഡന്റ്‌ നടുവത്ത്‌ ശ്രീനിവാസന്‍, ജനറല്‍ സെക്രട്ടറി ഷാജിമോന്‍, വൈസ്‌ പ്രസിഡന്റുമാരായ കെ. വിശ്വനാഥന്‍, ജി.കെ. ബിനീഷ്‌ കുമാര്‍, ജോയിന്റ്‌ സെക്രട്ടറിമാരായ ടി.പി. ടിവാനന്ദന്‍, രാധാകൃഷ്‌ണന്‍, പഞ്ചായത്ത്‌ ഭാരവാഹികളായ അനന്തഗിരി, കെ. കേളു, ശ്രീധരന്‍, നരേന്ദ്രന്‍ എന്നിവര്‍ പ്രസംഗിച്ചു.
from kerala news edited
via IFTTT
