സൂചികകൾ നേരിയ നേട്ടത്തിൽ ക്ലോസ്‌ചെയ്തു: ഓട്ടോ, ഐടി ഓഹരികൾ കുതിച്ചു

മുംബൈ: തുടക്കത്തിലെ നേട്ടം നിലനിർത്താനാകാതെ വിപണി. നിക്ഷേപകർ വ്യാപകമായി ലാഭമെടുത്തതാണ് സൂചികകളെ സമ്മർദത്തിലാക്കിയത്. ഒടുവിൽ സെൻസെക്സ് 14.25 പോയന്റ് നേട്ടത്തിൽ 52,588.71ലും നിഫ്റ്റി 26.30 പോയന്റ് ഉയർന്ന് 15,772.80ലുമാണ് വ്യാപാരം അവസാനിപ്പിച്ചത്. മാരുതി സുസുകി, യുപിഎൽ, ശ്രീ സിമെന്റ്സ്, വിപ്രോ, എസ്ബിഐ ലൈഫ് ഇൻഷുറൻസ് തുടങ്ങിയ ഓഹരികളാണ് പ്രധാനമായും നേട്ടമുണ്ടാക്കിയത്. ഏഷ്യൻ പെയിന്റ്സ്, ബജാജ് ഫിനാൻസ്, നെസ് ലെ, ഹിന്ദുസ്ഥാൻ യുണിലിവർ, കൊട്ടക് മഹീന്ദ്ര ബാങ്ക് തുടങ്ങിയ ഓഹരികൾ നഷ്ടത്തിലുമായിരുന്നു. ഓട്ടോ, പവർ, ക്യാപിറ്റൽ ഗുഡ്സ് എന്നീ സൂചികകൾ 1-2ശതമാനംനേട്ടമുണ്ടാക്കി. ബിഎസ്ഇ മിഡ്ക്യാപ്, സ്മോൾ ക്യാപ് സൂചികളും നേട്ടത്തിലാണ് വ്യാപാരം അവസാനിപ്പിച്ചത്. ഓഹരി വിപണിയിൽ തുടക്കത്തിലെ നേട്ടം നിലനിർത്താൻ കഴിയാതെവന്നതോടെ രൂപയുടെ മൂല്യത്തിലും ഇടിവുണ്ടായി. 74.05-74.40 നിലവാരത്തിലായിരുന്നു വ്യാപാരം.

from money rss https://bit.ly/2SKNkCJ
via IFTTT