മോദി സര്‍ക്കാര്‍ വന്നു: ഇതാ ക്രൂഡ് ഓയില്‍ വില വീണ്ടും കുറയുന്നു

ന്യൂഡൽഹി: നരേന്ദ്ര മോദി സർക്കാർ രണ്ടാമതും അധികാരത്തിലേറിയപ്പോൽ ആദ്യത്തെപ്പോലെ ഇതാ വീണ്ടും അസംസ്കൃത എണ്ണവില ഇടിയുന്നു. അന്താരാഷ്ട വിപണിയിൽ ക്രൂഡ് ഓയിൽ ബാരലിന് ഒമ്പത് ഡോളറാണ് താഴ്ന്നത്. മെയ് 28ന് ബാരലിന് 70 ഡോളർ നിരക്കിലാണ് വ്യാപാരം നടന്നത്. ജൂൺ നാല് ആയപ്പോഴേയ്ക്കും ബാരലിന് ഒമ്പത് ഡോളറാണ് ഇടിഞ്ഞത്. ചൈനയും മെക്സിക്കോയുമായുള്ള യുഎസ് വ്യാപാര ആശങ്കകളും ആഗോള സാമ്പത്തിക മാന്ദ്യ സാഹചര്യങ്ങളുമാണ് അസംസ്കൃത എണ്ണയെ ബാധിച്ചത്. ആഗോള വിപണിയിൽ വിലയിടിഞ്ഞതിന് സമാനമായി രാജ്യത്തെ പൊതുമേഖല എണ്ണക്കമ്പനികളും വിലകുറച്ചു. പെട്രോളിന് 56 പൈസയും ഡീസലിന് 93 പൈസയുമാണ് കുറവുവരുത്തിയത്. വ്യതിയാനം ഇങ്ങനെ: 2014 മെയ് -മോദി സർക്കാർ അധികാരത്തിൽ വന്നയുടനെ അസംസ്കൃത എണ്ണവില കൂപ്പുകുത്തി. 2014 ജൂൺ 20ന് ബാരലിന് 114.81 ഡോളറായിരുന്ന വില 2015 ജനുവരി 23 ആയപ്പോൾ 48.79 ഡോളറായി. കാരണം: വിപണിയിൽ ആവശ്യത്തിൽകൂടുതൽ എണ്ണയെത്തിയത്. 2015 ജനുവരി - ബാരലിന് 28 ഡോളറിലേയ്ക്ക് കൂപ്പുകുത്തി. രാജ്യത്തെ പണപ്പെരുപ്പം കുറയുന്നതിന് ഇത് സഹായകമായി. ഇറക്കുമതി, സബ്സിഡി ബില്ലുകൾ കുറയുന്നതിനും ഇത് ഇടയാക്കി. 2019 മെയ് 21 -ഓയിൽ വില ഇടയ്ക്ക് കയറിയെങ്കിലും ബാരലിന് 72.18 ഡോളറിൽനിന്ന് 61 ഡോളറായി താഴ്ന്നു. കാരണം: യുഎസ്-ചൈന വ്യാപാര ആശങ്കകളും ആഗോള മാന്ദ്യ സൂചനകളും അസംസ്കൃത എണ്ണയെ ബാധിച്ചു.

from money rss http://bit.ly/2WQjX1S
via IFTTT