പ്രധാനമന്ത്രി നരേന്ദ്ര മോദി സ്വത്ത് വിവരങ്ങള്‍ പ്രഖ്യാപിച്ചു: വിശദാംശങ്ങള്‍ അറിയാം

ന്യൂഡൽഹി: പ്രധാനമന്ത്രി നരേന്ദ്രമോദി സ്വത്തുവിവരങ്ങൾ സ്വമേധയാ പ്രഖ്യാപിച്ചു. 2020 ജൂൺ 30വരെയുള്ള കണക്കുപ്രകാരം അദ്ദേഹത്തിന്റെ ആസ്തി 2.85 കോടി രൂപയാണ്. ഒരുരൂപപോലും കടബാധ്യതയില്ല. 2.49 കോടി രൂപയായിരുന്നു 2019ലുണ്ടായിരുന്ന മൊത്തം ആസ്തി. ബാങ്ക് ബാലൻസ് വർധിച്ചതും സ്ഥിരനിക്ഷേപത്തിൽനിന്നുള്ള മൂല്യവർധനവുമാണ് 2019നെ അപേക്ഷിച്ച് ആസ്തിയിൽ വർധനവുണ്ടാകാൻ കാരണം. പണമായി 31,450 രൂപയണ് കൈവശമുള്ളത്. സേവിങ്സ് അക്കൗണ്ടിൽ 3.38 ലക്ഷംരൂപയുമുണ്ട്. എസ്ബിഐയുടെ ഗാന്ധിനഗർ ശാഖയിൽ സ്ഥിര നിക്ഷേപമായി 1,60,28,039 രൂപയാണുള്ളത്. കഴിഞ്ഞ സാമ്പത്തികവർഷം അവിടെ 1,27,81,574 രൂപയാണ് സ്ഥിര നിക്ഷേപമായി ഉണ്ടായിരുന്നത്. സ്വർണവും റിയൽ എസ്റ്റേറ്റും 45 ഗ്രാം തൂക്കമുള്ള നാല് സ്വർണമോതിരങ്ങൾ മോദിക്കുണ്ട്. 1,51,875 രൂപയാണ് അതിന്റെ മൂല്യം. ഗാന്ധിനഗറിൽ വീടുൾപ്പടെയുള്ള ഭൂമിക്ക് 1.1 കോടി രൂപയാണ് മൂല്യം. വസ്തുവിന് മോദിയുൾപ്പടെ മൂന്നുപേർക്ക് അവകാശമുണ്ട്. സ്വന്തമായി കാറില്ല കാറോ മറ്റ് വാഹനങ്ങളോ ഇല്ലെന്ന് ആസ്തി വിവരണത്തിൽ പ്രധാനമന്ത്രി വ്യക്തമാക്കിയിട്ടുണ്ട്. നികുതിയിളവിനുള്ള നിക്ഷേപങ്ങൾ ലൈഫ് ഇൻഷുറൻസ്, നാഷണൽ സേവിങ്സ് സർട്ടിഫിക്കറ്റ്, ഇൻഫ്ര ബോണ്ട് എന്നിവയിലാണ്നികുതിയിളവിന് അദ്ദേഹം നിക്ഷേപം നടത്തിയിട്ടുള്ളത്. 8,43,124 രൂപയാണ് നാഷണൽ സേവിങ്സ് സർട്ടിഫിക്കറ്റിൽ നിക്ഷേപമായുള്ളത്. 1,50,957 രൂപ ഇൻഷുറൻസ് പ്രീമിയവുമായി അടച്ചിട്ടുണ്ട്. 2019-20 സാമ്പത്തിക വർഷത്തിൽ 7,61,646 രൂപയായിരുന്നു നാഷണൽ സേവിങ്സ് സർട്ടിഫിക്കറ്റിലെ നിക്ഷേപം. 1,90,347 രൂപ ഇൻഷുറൻസ് പ്രീമിയവുമായി അടച്ചു. 2012ൽ എൽആൻഡ്ടി ഇൻഫ്ര ബോണ്ടിൽ 20,000 രൂപ നിക്ഷേപം നടത്തിയിട്ടുണ്ട്. അതിന്റെ കാലാവധി പൂർത്തിയായിട്ടില്ല. PM Modi declares his assets

from money rss https://bit.ly/3o3qOQi
via IFTTT