ക്രിപ്‌റ്റോകറന്‍സിക്ക് 15ശതമാനം മൂലധനനേട്ട നികുതി ചുമത്താന്‍ തായ്‌ലന്‍ഡ്

ക്രിപ്റ്റോകറൻസി ഇടപാടുകൾ 2021ൽ വൻതോതിൽ വർധിച്ചതോടെ 15 ശതമാനം മൂലധനനേട്ട നികുതി ചുമത്താൻ തായ്ലൻഡ്. തീരുമാനം നിലവിൽവരുന്നതോടെ ക്രിപ്റ്റോകറൻസിയിൽനിന്ന് നേട്ടമുണ്ടാക്കുന്നവരെല്ലാം 15ശതമാനം നികുതി നൽകാൻ ബാധ്യസ്ഥരാകും. അതേസമയം, ക്രിപ്റ്റോ എക്സ്ചേഞ്ചുകളെ മൂലധനനേട്ട നികുതിയിൽനിന്ന് ഒഴിവാക്കിയിട്ടുമുണ്ട്. അതിവേഗം വ്യാപിക്കുന്ന ക്രിപ്റ്റോ ഇടപാടുകൾക്ക് ഘട്ടംഘട്ടമായി നിയന്ത്രണംകൊണ്ടുവരുന്നതിന്റെ ഭാഗമായാണ് തായ്ലൻഡ് സർക്കാർ നികുതി ഏർപ്പെടുത്തിയത്. ഇടപാടിൽനിന്ന് ലഭിക്കുന്ന ലാഭം ഇതോടെ നികുതി വിധേയമായ വരുമാനമായി കണക്കാക്കാൻ കഴിയും. അതേസമയം, അസ്ഥിര സ്വാഭാവം കണക്കിലെടുത്ത് ക്രിപ്റ്റോ കറൻസി ഇടപാടിൽ നേരിട്ട് ഇടപെടരുതെന്ന് തായ്ലൻഡിലെ കേന്ദ്ര ബാങ്കായ ബാങ്ക് ഓഫ് തായ്ലൻഡ് രാജ്യത്തെ വാണിജ്യ ബാങ്കുകളോട് ആവശ്യപ്പെട്ടിരുന്നു. കഴിഞ്ഞ ഡിസംബറിലായിരുന്നു ഈ നിർദേശം നൽകിയത്. തായ്ലൻഡിലെ ഒരുലക്ഷത്തോളം പേരാണ് ക്രിപ്റ്റോ ഖനനമേഖലയുമായി ബന്ധപ്പെട്ട് പ്രവർത്തിക്കുന്നത്.

from money rss https://bit.ly/3r02Sj7
via IFTTT