നിഫ്റ്റി 9000ന് മുകളില്‍ ക്ലോസ് ചെയ്തു: സെന്‍സെക്‌സില്‍ നഷ്ടം 63 പോയന്റ്

മുംബൈ: ഓഹരി സൂചികകളിൽ നഷ്ടംതുടരുന്നു. മികച്ച നേട്ടത്തോടെയായിരുന്നു വ്യാപാരം ആരംഭിച്ചതെങ്കിലും കനത്ത വില്പന സമ്മർദം സൂചികകളെ തളർത്തി. സെൻസെക്സ് 63.29 പോയന്റ് നഷ്ടത്തിൽ 30,609.30ലും നിഫ്റ്റി 10.20 പോയന്റ് താഴ്ന്ന് 9029.05ലുമാണ് വ്യാപാരം അവസാനിപ്പിച്ചത്. ബിഎസ്ഇയിലെ 1211 കമ്പനികളുടെ ഓഹരികൾ നേട്ടത്തിലും 1109 ഓഹരികൾ നഷ്ടത്തിലുമായിരുന്നു. 175 ഓഹരികൾക്ക് മാറ്റമില്ല. ചൊവാഴ്ചയിലെ ഉയർന്ന നിലവാരത്തിൽനിന്ന് 477 പോയന്റാണ് സെൻസെക്സിന് നഷ്ടമായത്. ഐഷർ മോട്ടോഴ്സ്, ജെഎസ് ഡബ്ലിയു സ്റ്റീൽ, ടൈറ്റാൻ കമ്പനി, അൾട്രടെക്ക് സിമെന്റ്, ശ്രീ സിമെന്റ്സ് തുടങ്ങിയ ഓഹരികളാണ് നേട്ടമുണ്ടാക്കിയത്. ഭാരതി എയർടെൽ, ബജാജ് ഫിൻസർവ്, ബജാജ് ഫിനാൻസ്, ടിസിഎസ്, സൺ ഫാർമ തുടങ്ങിയ ഓഹരികൾ നഷ്ടത്തിലുമായിരുന്നു. ഐടി, ഫാർമ വിഭാഗങ്ങളിലെസൂചികകളാണ് വില്പന സമ്മർദം നേരിട്ടത്. മെറ്റൽ സൂചിക 2.5ശതമാനം ഉയർന്നു. വാഹനം, ബാങ്ക്, എഫ്എംസിജി, ബിഎസ്ഇ മിഡക്യാപ്, സ്മോൾ ക്യാപ് സൂചികകൾ 0.6 മുതൽ 1.2ശതമാനംവരെയും നേട്ടമുണ്ടാക്കി. Nifty manages to close above 9K amid volatility

from money rss https://bit.ly/2yC1fAU
via IFTTT