നിഫ്റ്റി 9,900ന് മുകളില്‍ ക്ലോസ് ചെയ്തു: സെന്‍സെക്‌സിലെ നേട്ടം 376 പോയന്റ്

മുംബൈ: ആഗോള വിപണിയിലെ കുതിപ്പ് സൂചികകൾക്ക് കരുത്തുപകർന്നപ്പോൾ ചൈനയുമായുള്ള സംഘർഷം നേട്ടത്തെ ബാധിച്ചു. സെൻസെക്സ് 376.42 പോയന്റ് നേട്ടത്തിൽ 33605.22ലും നിഫ്റ്റി 100.30 പോയന്റ് ഉയർന്ന് 9914 ലിലുമാണ് വ്യാപാരം അവസാനിപ്പിച്ചത്. ബിഎസ്ഇയിലെ 1191 കമ്പനികളുടെ ഓഹരികൾ നേട്ടത്തിലും 1350 ഓഹരികൾ നഷ്ടത്തിലുമായിരുന്നു. 150 ഓഹരികൾക്ക് മാറ്റമില്ല. എച്ച്ഡിഎഫ്സി ബാങ്ക്, എച്ച്ഡിഎഫ്സി, ഐസിഐസി ബാങ്ക്, ഹിൻഡാൽകോ തുടങ്ങിയ ഓഹരികളാണ് മികച്ചനേട്ടമുണ്ടാക്കിയത്. ടാറ്റ മോട്ടോഴ്സ്, ഭാരതി ഇൻഫ്രടെൽ, ടെക് മഹീന്ദ്ര, ഗെയിൽ, ആക്സിസ് ബാങ്ക് തുടങ്ങിയ ഓഹരികൾ നഷ്ടത്തിലുമാണ് ക്ലോസ് ചെയ്തത്. ഐടി, ലോഹം എന്നീ വിഭാഗങ്ങളിലെ ഓഹരികളാണ് മികച്ചനേട്ടമുണ്ടാക്കിയത്. ഫാർമ, ഊർജം, എഫ്എംസിജി, അടിസ്ഥാന സൗകര്യവികസനം തുടങ്ങിയ മേഖലകളിലെ ഓഹരികൾ കനത്ത വില്പന സമ്മർദം നേരിട്ടു. Nifty ends above 9,900, Sensex up 376 pts

from money rss https://bit.ly/3ftbxTz
via IFTTT