രണ്ടാംഘട്ട മോറട്ടോറിയം ഭൂരിഭാഗം മൈക്രോ ഫിനാന്‍സ് സ്ഥാപനങ്ങളും പ്രയോജനപ്പെടുത്തിയില്ല

റിസർവ് ബാങ്ക് പ്രഖ്യാപിച്ച രണ്ടാംഘട്ട മോറട്ടോറിയം ഭൂരിഭാഗം മൈക്രോ ഫിനാൻസ് സ്ഥാപനങ്ങളും പ്രയോജനപ്പെടുത്തിയില്ല. കുറഞ്ഞ വരുമാനക്കാർക്ക് കൂടിയ പലിശനിരക്കിൽ ചെറിയതോതിൽ വായ്പ നൽകുന്നവയാണ് മൈക്രോ ഫിനാൻസ് സ്ഥാപനങ്ങൾ. ഇവർക്ക് പ്രധാനമായും പണംലഭിക്കുന്നത് ബാങ്കുകളിൽനിന്നാണ്. 2019 ഡിസംബർവരെയുള്ള കണക്കുപ്രകാരം 5.6കോടി പേർക്കായി 1,05,000 കോടി രൂപയാണ് ഈസ്ഥാപനങ്ങൾ വായ്പ നൽകിയിട്ടുള്ളത്. ലോക്ക്ഡൗണിന് വ്യാപകമായി ഇളവുനൽകിയതോടെ മൈക്രോ ഫിനാൻസ് സ്ഥാപനങ്ങളുടെയും ഇടപാടുകൾ വർധിച്ചിട്ടുണ്ട്. അടിയന്തര വായ്പകൾ നൽകുന്നതിനാണ് ഈ സ്ഥാപനങ്ങൾ ഇപ്പോൾ പ്രാധാന്യം നൽകുന്നത്. അതിനാൽതന്നെ മോറട്ടോറിയം പ്രയോജനപ്പെടുത്താതെതന്നെ മുന്നോട്ടുപോകാൻ കഴിയുമെന്ന ആത്മവിശ്വാസത്തിലാണ് കമ്പനികൾ. രാജ്യത്ത് 148ഓളം മൈക്രോ ഫിനാൻസ് സ്ഥാപനങ്ങളാണ് പ്രവർത്തിക്കുന്നത്. അതിൽതന്നെ 70എണ്ണത്തോളം ബാങ്കിതര ധനകാര്യസ്ഥാപനങ്ങളുമാണ്. ആദ്യഘട്ടമായി മാർച്ച് 27ന് പ്രഖ്യാപിച്ച മോറട്ടോറിയം കമ്പനികളേറെയും പ്രയോജനപ്പെടുത്തിയിരുന്നു.

from money rss https://bit.ly/2UO7FVc
via IFTTT