ഒരു ടിബി ശേഷിയുള്ള യുഎസ്ബി ടൈപ്പ്-സി പെന്‍ഡ്രൈവ് ഇന്ത്യയില്‍ പുറത്തിറക്കി

ഒരു ടെറാബൈറ്റ് (ടിബി) സ്റ്റോറേജ് ശേഷിയുള്ള യുഎസ്ബി ടൈപ്പ് സി-സ്മാർട്ട്ഫോൺ പെൻഡ്രൈവ് വെസ്റ്റേൺ ഡിജിറ്റൽ ഇന്ത്യയിൽ പുറത്തിറക്കി. സെക്കൻഡിൽ 150 എംബിവരെ വേഗമുള്ളവയാണ് പുതിയ പെൻഡ്രൈവ്. 13,259 രൂപയാണ് വില. സ്മാർട്ട്ഫോൺ, ടാബ്, ലാപ്ടോപ്, ഡെസ്ക് ടോപ്പ് എന്നിവയുമായി പരസ്പരം ഡാറ്റകൈമാറാൻ ശേഷിയുള്ളവയാണ് പുതിയ പെൻഡ്രൈവ്. അതിവേഗ ഡാറ്റ കൈമാറ്റത്തിന്ശേഷിയുള്ള യുഎസ്ബി ടൈപ്പ്-സി പോർട്ടുള്ളവയാണ് ഇപ്പോൾ ഇറങ്ങുന്ന 40ശതമാനം സ്മാർട്ട്ഫോണുകളിലുമുള്ളത്. സാൻഡിസ്ക് മെമ്മറി സോൺ ആപ്പ് പ്രീലോഡ് ചെയ്തിട്ടുള്ളതാണ് പെൻഡ്രൈവ്. ഒരുതവണ ഇൻസ്റ്റാൾ ചെയ്താൽ വിവിധ ഡിവൈസുകൾ താനെതിരിച്ചറിയാൻ പെൻഡ്രൈവിനാകും. ഫോട്ടോ, വീഡിയോ, കോൺടാക്സ്, സോഷ്യൽ മീഡിയ അക്കൗണ്ട് തുടങ്ങിയവയുടെ ബായ്ക്കപ്പിന് ഇത് സാഹയിക്കുമെന്ന് കമ്പനിപറയുന്നു. ജൂലായ് നാലുമുതൽ ആമസോണിൽ പെൻഡ്രൈവ് ലഭ്യമാകും.

from money rss https://bit.ly/3g0DFOi
via IFTTT