ആരോഗ്യ സഞ്ജീവനി ഹെല്‍ത്ത് ഇന്‍ഷുറന്‍സ് പോളിസിയുടെ പരിരക്ഷാ പരിധി ഉയര്‍ത്തി

കോവിഡിന്റെ പശ്ചാത്തലത്തിൽ രാജ്യത്തെ ചികിത്സാചെലവുകൾ വർധിക്കുന്ന സാഹചര്യംകണക്കിലെടുത്ത് സ്റ്റാന്റേഡ് ഇൻഷുറൻസ് പദ്ധതിയായ ആരോഗ്യ സഞ്ജീവനി പോളിസിയുടെ പരിരക്ഷാ പരിധി ഉയർത്തി. പരിധി അഞ്ചുലക്ഷത്തിൽനിന്ന് ഉയർത്താനാണ് ഇൻഷുറൻസ് കമ്പനികൾക്ക് ഐആർഡിഎഐ അനുമതി നൽകിയത്. അതുപോലെ ചുരുങ്ങിയ തുകയിലും മാറ്റംവരുത്തിയിട്ടുണ്ട്. മിനിമം പരിരക്ഷാതുക ഒരു ലക്ഷത്തിൽനിന്ന് 50,000ആയാണ് കുറച്ചത്. ഇനിമുതൽ 50,0000 രൂപയുടെ ഗുണിതങ്ങൾ പരിരക്ഷയ്ക്കായി തിരഞ്ഞെടുക്കാം. പൊതുവായ മാനദണ്ഡങ്ങൾ പാലിക്കുന്ന നിലവിൽ താരതമ്യേന ചെലവുകുറഞ്ഞ ആരോഗ്യ ഇൻഷുറൻസ് പദ്ധതിയാണ് ആരോഗ്യ സഞ്ജീവനി. മുറിവാടക പരിരക്ഷയുടെ രണ്ടുശതമാനമായി പരിമിതപ്പെടുത്തിയിട്ടുണ്ട്. ഇതുപ്രകാരം പരമാവധി ഒരുദിവസം ലഭിക്കുക 5,000 രൂപയാണ്. അതോടൊപ്പം കോ പെയ്മെന്റുമുണ്ട്. അതായത് മൊത്തം ക്ലെയിം ചെയ്യുന്ന തുകയുടെ അഞ്ചുശതമാനം പോളിസി ഉടമവഹിക്കണം. ഇൻഷുറൻസ് റെഗുലേറ്ററി ആൻഡ് ഡെവലപ്മെന്റ് അതോറിറ്റി ഓഫ് ഇന്ത്യയുടെ നിർദേശ പ്രകാരമാണ് ഈ ആരോഗ്യ ഇൻഷുറൻസ് പദ്ധതി കഴിഞ്ഞ ഏപ്രിൽ ഒന്നിന് ആരംഭിച്ചത്. വിവിധ കമ്പനികൾ പോളിസി തുടങ്ങിയിട്ടുണ്ട്. പദ്ധതിയെക്കുറിച്ച് കൂടുതലറിയാൻ താഴെയുള്ള ലിങ്കിൽ ക്ലിക്ക് ചെയ്യുക.

from money rss https://bit.ly/3eheB4t
via IFTTT