പിഴപ്പലിശ ഒഴിവാക്കല്‍: സര്‍ക്കാരിന്റെ സത്യവാങ്മൂലം തൃപ്തികരമല്ലെന്ന് കോടതി

ന്യൂഡൽഹി: മൊറട്ടോറിയം കാലയളവിലെ പലിശ ഒഴിവാക്കുന്നതു സംബന്ധിച്ച ഹർജികളിൽ വാദംകേൾക്കുന്നത് ഒക്ടോബർ 13ലേയ്ക്ക് നീട്ടി. സർക്കാരിന്റെ സത്യവാങ്മൂലം തൃപ്തിരമല്ലെന്ന് കോടതി നിരീക്ഷിച്ചു. മറ്റൊരു സത്യാവാങ്മൂലംകൂടി നൽകാൻ സർക്കാരിനോടും റിസർവ് ബാങ്കിനോടും കോടതി ആവശ്യപ്പെട്ടിട്ടുണ്ട്. കാമത്ത് സമിതിയുടെ ശുപാർശയുമായി ബന്ധപ്പെട്ട് എന്താണ് ചെയ്തെന്ന് കേന്ദ്രത്തിന്റെ സത്യവാങ്മൂലത്തിലില്ലെന്ന് കോടതി ചൂണ്ടിക്കാട്ടി. ഹർജിക്കാർ ഉന്നയിച്ച നിരവധി പ്രശ്നങ്ങൾക്ക് പരിഹാരംകാണുന്നതിൽ സത്യവാങ്മൂലം പരാജയപ്പെട്ടുവെന്ന് കോടിതി പറഞ്ഞു. റിയൽ എസ്റ്റേറ്റ്, വൈദ്യുതി മേഖലകലിലുള്ളവരുടെ ആശങ്കകൾ പരിഗണിക്കാൻ കേന്ദ്ര സർക്കാരിനോട് ആവശ്യപ്പെട്ടിട്ടുണ്ട്. തീരുമാനങ്ങൾ നടപ്പാക്കുന്നതിനായി സർക്കാരോ റിസർവ് ബാങ്കോ ഉത്തരവുകളോ സർക്കുലറുകളോ പുറപ്പെടുവിച്ചിട്ടില്ല. അന്തരഫലങ്ങളെക്കുറിച്ച് സൂചിപ്പിച്ചിട്ടുമില്ല-കോടതി നിരീക്ഷിച്ചു. ഹർജിയുമായി ബന്ധപ്പെട്ട എല്ലാ സത്യവാങ്മൂലങ്ങളും 12നകം നൽകണമെന്നും കോടതി ആവശ്യപ്പെട്ടിട്ടുണ്ട്. രണ്ടുകോടി രൂപവരെയുള്ള വായ്പകളുടെ പിഴപ്പലിശ ഒഴിവാക്കാം എന്നുവ്യക്തമാക്കുന്ന സത്യവാങ്മൂലം കേന്ദ്ര സർക്കാർ നേരത്തെ കോടതിയിൽ സമർപ്പിച്ചിരുന്നു. മൊറട്ടോറിയം കാലത്തെ പലിശ ഒഴിവാക്കണമെന്ന്ആവശ്യപ്പെട്ട് നൽകിയ ഒരുകൂട്ടം ഹർജികൾ പരിഗണിക്കവെയാണ് കോടതി ഇക്കാര്യം അറിയിച്ചത്. ജസ്റ്റിസ് അശോക് ഭൂഷൺ അധ്യക്ഷനായ ബെഞ്ചാണ് ഹർജി പരിഗണിക്കുന്നത്. Centres Plan Fails To Deal With Issues: Top Court On Waiver Of Compound Interest On Loans

from money rss https://bit.ly/34qfO6n
via IFTTT