നിഫ്റ്റി 14,000ന് താഴെ: സെന്‍സെക്‌സ് 938 പോയന്റ് നഷ്ടത്തില്‍ ക്ലോസ് ചെയ്തു

മുംബൈ: കനത്ത വില്പന സമ്മർദത്തിൽ കുരുങ്ങി ഓഹരി സൂചികകൾ തുടർച്ചയായി നാലാമത്തെ ദിവസവും നഷ്ടത്തിൽ ക്ലോസ്ചെയ്തു. ബാങ്ക്, വാഹനം, ലോഹം, ഫാർമ ഓഹരികളാണ് നഷ്ടത്തിൽ മുന്നിൽ. 937.66 പോയന്റാണ് സെൻസെക്സിലുണ്ടായ നഷ്ടം. 47,409.93ലാണ് ക്ലോസ് ചെയ്തത്. നിഫ്റ്റി 271.40 പോയന്റ് താഴ്ന്ന് 13,967.50ലുമാണ് വ്യാപാരം അവസാനിപ്പിച്ചത്. ബിഎസ്ഇയിലെ 1053 കമ്പനികളുടെ ഓഹരികൾ നേട്ടത്തിലും 1809 ഓഹരികൾ നഷ്ടത്തിലുമായിരുന്നു. 141 ഓഹരികൾക്ക് മാറ്റമില്ല. ടാറ്റ മോട്ടോഴ്സ്, ആക്സിസ് ബാങ്ക്, ടാറ്റ സ്റ്റീൽ, ഗെയിൽ, ടൈറ്റാൻ തുടങ്ങിയ ഓഹരികളാണ് കനത്ത നഷ്ടംനേരിട്ടത്. ടെക് മഹീന്ദ്ര, എസ്ബിഐ ലൈഫ്, വിപ്രോ, ഐടിസി, പവർഗ്രിഡ് കോർപ് തുടങ്ങിയ ഓഹരികൾ നേട്ടത്തിലുമായിരുന്നു. എഫ്എംസിജി ഒഴികെയുള്ള സൂചികകളെല്ലാം നഷ്ടത്തിലായി. ബിഎസ്ഇ മിഡ്ക്യാപ്, സ്മോൾ ക്യാപ് സൂചികകൾ 0.5-1.3ശതമാനം താഴ്ന്നു. Nifty ends below 14K, Sensex drops 938 pts

from money rss https://bit.ly/3t1t7py
via IFTTT