ബജറ്റില്‍ കൂടുതല്‍ ആദായ നികുതിയിളവുകള്‍ പ്രഖ്യാപിച്ചേക്കും

ഫെബ്രുവരി ഒന്നിന് ധനമന്ത്രി നിർമല സീതാരാമൻ അവതരിപ്പിക്കുന്ന ബജറ്റിൽ ആദായ നികുതിയിളവുകൾ പ്രഖ്യാപിച്ചേക്കും. മൊത്തം ബാധ്യതയിൽ 50,000 രൂപമുതൽ 80,000 രൂപവരെ ഇളവുനൽകുമെന്നാണ് സൂചന. സ്റ്റാൻഡേഡ് ഡിഡക് ഷൻ തുക വർധിപ്പിക്കുന്നകാര്യവും പരിഗണിക്കുന്നുണ്ട്. പഴയ നികുതി സ്ലാബ് സ്വീകരിക്കുന്നവർക്കാകും ഇതിന്റെ ആനുകൂല്യംലഭിക്കുക. അതോടൊപ്പം ഭവനവായ്പയുടെ പലിശയിന്മേലുള്ള കിഴിവുപരിധിയും കൂട്ടിയേക്കും. എന്നാൽ ഇതുസംബന്ധിച്ച് സ്ഥിരീകരണം ലഭിച്ചിട്ടില്ല. കഴിഞ്ഞ ബജറ്റിൽ അവതരിപ്പിച്ച പുതിയ നികുതി ഘടനയിലെ സ്ലാബുകളുടെ പരിധി ഉയർത്തുന്നകാര്യവും പരിഗണനയിലുണ്ട്. പുതിയ നികുതി ഘടനയിലേയ്ക്ക് മാറാൻ ഭൂരിഭാഗം നികുതിദായകരും താൽപര്യപ്പെടുന്നില്ലെന്നാണ് നികുതി വിദഗ്ധരിൽനിന്ന് ലഭിച്ച പ്രതികരണം. സർക്കാരിന് താൽപര്യം പുതിയഘടനയിലുമാണ്. അതുകൊണ്ടുതന്നെ വരുന്ന ബജറ്റിൽ നികുതി സ്ലാബിൽ കാര്യമായമാറ്റം പ്രതീക്ഷിക്കാമെന്നാണ് വിലയിരുത്തൽ. നിലവിൽ 2.5 ലക്ഷം രൂപവരെ വാർഷിക വരുമാനമുള്ളവർക്ക് ആദായനികുതിയില്ല. 2.5 ലക്ഷം മുതൽ അഞ്ചു ലക്ഷം രൂപവരെ അഞ്ചുശതമാനവും അഞ്ചുലക്ഷം രൂപമുതൽ 7.5ലക്ഷം രൂപവരെ 10ശതമാനവും 7.5 ലക്ഷം രൂപമുതൽ 10 ലക്ഷംവരെ 15ശതമാനവും 10 ലക്ഷം മുതൽ 12.5ലക്ഷം രൂപവരെ 20ശതമാനവും 12.5ലക്ഷം മുതൽ 15 ലക്ഷംവരെ 25ശതമാനവും അതിനുമുകളിൽ 30ശതമാനവുമാണ് ആദായനികുതിയുള്ളത്. 60 വയസിന് താഴെയുള്ള വ്യക്തികൾക്കുള്ള പുതിയ ഘടനപ്രകാരമുള്ള നികുതിയാണിത്.

from money rss https://bit.ly/2NwRYky
via IFTTT