വില്പന സമ്മർദത്തെ അതിജീവിച്ച് സെൻസെക്‌സ് നേരിയ നേട്ടത്തിൽ ക്ലോസ് ചെയ്തു

മുംബൈ:വ്യാപാരത്തിനിടെ ഒരുശതമാനത്തിലേറെ നഷ്ടത്തിലായ സെൻസെക്സ് ഒടുവിൽ നേട്ടത്തിൽ ക്ലോസ്ചെയ്തു. ഫിനാൻഷ്യൽ, മെറ്റൽ ഓഹരികൾ സമ്മർദംനേരിട്ടപ്പോൾ സ്വകാര്യ ബാങ്ക്, എഫ്എംസിജി ഓഹരികളാണ് നേട്ടമുണ്ടാക്കിയത്. ഒരുവേള 722 പോയന്റോളം നഷ്ടംനേരിട്ട സെൻസെക്സ് 21 പോയന്റ് നേട്ടത്തിൽ 52,344ലും നിഫ്റ്റി എട്ട് പോയന്റ് താഴ്ന്ന് 15,683ലുമാണ് ക്ലോസ് ചെയ്തത്. ബിഎസ്ഇ മിഡ്ക്യാപ്, സ്മോൾ ക്യാപ് സൂചികകൾ യഥാക്രമം 0.70ശതമാനവും 0.89ശതമാനവും താഴ്ന്നു. അദാനി പോർട്സ്, ഹിന്ദുസ്ഥാൻ യുണിലിവർ, ബജാജ് ഓട്ടോ, ഭാരതി എയർടെൽ, ഗ്രാസിം ഇ്ൻഡസ്ട്രീസ് തുടങ്ങിയ ഓഹരികളാണ് പ്രധാനമായും നേട്ടമുണ്ടാക്കിയത്. ഒഎൻജിസി, കോൾ ഇന്ത്യ, എൻടിപിസി, യുപിഎൽ, ജെഎസ്ഡബ്ല്യു സ്റ്റീൽ തുടങ്ങിയ ഓഹരികൾ നഷ്ടത്തിലായി. കനത്ത വില്പന സമ്മർദമാണ് സൂചികകളെ പിടിച്ചുലച്ചത്. രൂപയുടെ മൂല്യത്തിൽ 22 പൈസയുടെ നേട്ടമുണ്ടായി. ഡോളറിനെതിരെ 73.86 നിലവാരത്തിലാണ് ക്ലോസ്ചെയ്തത്.

from money rss https://bit.ly/35MWQbr
via IFTTT