ചാഞ്ചാട്ടത്തിനൊടുവില്‍ കാര്യമായ നേട്ടമില്ലാതെ സൂചികകള്‍ ക്ലോസ് ചെയ്തു

മുംബൈ: രാവിലത്തെ വ്യാപാരത്തിൽ മികച്ച ഉയരം കുറിച്ച സൂചികകൾക്ക് നേട്ടം നിലനിർത്താനായില്ല. സെൻസെക്സ് 7.62 പോയന്റ് നേട്ടത്തിൽ 41681.54ലിലും നിഫ്റ്റി 12.10 പോയന്റ് ഉയർന്ന് 12271.80ലുമാണ് വ്യാപാരം അവസാനിപ്പിച്ചത്. ബിഎസ്ഇയിലെ 1244 കമ്പനികളുടെ ഓഹരികൾ നേട്ടത്തിലും 1232 ഓഹരികൾ നഷ്ടത്തിലുമായിരുന്നു. 169 ഓഹരികൾക്ക് മാറ്റമില്ല. നെസ് ലെ ഇന്ത്യ, ടൈറ്റൻ കമ്പനി, ടാറ്റ സ്റ്റീൽ, യുപിഎൽ, എസ്ബിഐ തുടങ്ങിയ ഓഹരികൾ നേട്ടത്തിലായിരുന്നു. വേദാന്ത, കൊട്ടക് മഹീന്ദ്ര ബാങ്ക്, ടാറ്റ മോട്ടോഴ്സ്, ഐടിസി, ഐഷർ മോട്ടോഴ്സ് തുടങ്ങിയ ഓഹരികൾ നഷ്ടത്തിലുമായിരുന്നു. പൊതുമേഖല ബാങ്ക്, ലോഹം, ഐടി ഓഹരികളിൽ വാങ്ങൾ താൽപര്യം പ്രകടമായിരുന്നു. ഫാർമ, ഊർജം, വാഹനം എന്നീ വിഭാഗങ്ങളിലെ ഓഹരികളാണ് സമ്മർദത്തിലായത്.

from money rss http://bit.ly/38XW0c4
via IFTTT