നെഞ്ചിനു മുകളിലേക്ക് ഈഗോ വേണ്ട - സുരാജ് വെഞ്ഞാറമൂട്

കൊച്ചി: 'എല്ലാ മനുഷ്യർക്കും ഈഗോയുണ്ട്... പക്ഷേ, അത് നെഞ്ച് വരെയാകാം കഴുത്തിനു മുകളിലേക്ക് എത്തിയാൽ പ്രശ്നമാണ്' എന്ന് തന്റെ പുതിയ ചിത്രം 'ഡ്രൈവിങ് ലൈസൻസി'ന്റെ പ്രചാരണ വേദിയിൽ സുരാജ് വെഞ്ഞാറമൂട്. 'ഡ്രൈവിങ് ലൈസൻസ്' എന്ന തന്റെ സിനിമയിലും ഇത്തരമൊരു ഈഗോ ക്ലാഷിനെ വിഷയമാക്കുന്നുണ്ട്. സൂപ്പർസ്റ്റാറും ആരാധകനും തമ്മിലുള്ള ക്ലാഷാണ് സിനിമയിലുള്ളത്. കലൂർ അന്താരാഷ്ട്ര സ്റ്റേഡിയത്തിൽ നടക്കുന്ന 'മാതൃഭൂമി മഹാമേള'യിൽ തന്റെ സിനിമയെക്കുറിച്ച് സംസാരിക്കുകയായിരുന്നു അദ്ദേഹം. 'കുടുംബ പ്രേക്ഷകർക്ക് ഇഷ്ടപ്പെടുന്ന സിനിമയാണിത്, അതുകൊണ്ട് കുടുംബസമേതമെത്തി കാണണം. 'ഡ്രൈവിങ് ലൈസൻസ്' ഉണ്ടെങ്കിൽ മാത്രമേ ഇത്തവണത്തെ ക്രിസ്മസ് പൂർണമാകൂ' എന്നും അദ്ദേഹം പറഞ്ഞു. ഒപ്പം, മാതൃഭൂമി മഹാമേളയുടെ സ്റ്റാളുകളിൽ ആസ്വദിക്കാനുള്ള കുറെയധികം വിഭവങ്ങൾ ഒരുക്കിയിരിക്കുന്നുവെന്നും സുരാജ് പറഞ്ഞു. സുഹൃത്തുക്കൾക്കും കുടുംബത്തിനുമൊപ്പം പോയി ആസ്വദിച്ച് കാണാനാകുന്ന ചിത്രമാണ് ഡ്രൈവിങ് ലൈസൻസെന്ന് സിനിമയിലെ നടിമാരായ മിയ ജോർജും ദീപ്തി സതിയും പറഞ്ഞു. മഹാ മേളയിലെത്തിയ ഇരുവരും ഓരോ പാട്ടുകൾ പാടിയും മേളയിലെ കുടുംബശ്രീ സ്റ്റാളുകളിലെ രുചിയറിഞ്ഞുമാണ് മടങ്ങിയത്.

from money rss http://bit.ly/2sO8aUf
via IFTTT