കോവിഡ്: ഇപിഎഫില്‍നിന്ന് 15 ദിവസംകൊണ്ട് പിന്‍വലിച്ചത് 1954 കോടി രൂപ

പ്രധാൻമന്ത്രി ഗരീഖ് കല്യാൺ യോജന പ്രകാരം എംപ്ലോയീസ് പ്രൊവിഡന്റ് ഫണ്ടിൽനിന്ന് 15 ദിവസംകൊണ്ട് ജീവനക്കാർ പിൻവലിച്ചത് 1954 കോടി രൂപ. കോവിഡ് വ്യാപനത്തെതുടർന്ന് ഇപിഎഫിൽനിന്ന് പണം പിൻവലിക്കാൻ അനുമതി നൽകിയതിനെതുടർന്നാണ് ഇത്രയും തുക ചുരുങ്ങിയ കാലയളവിനുള്ളിൽ പിൻവലിച്ചത്. 6.06 ലക്ഷം അപേക്ഷകളാണ് ഈകാലയളവിൽ പണംപിൻവലിക്കാനായി ഓൺലൈനിൽ ലഭിച്ചത്. ലഭിച്ച അപേക്ഷകൾ പ്രത്യേക സോഫ്റ്റ് വെയർ ഉപയോഗിച്ച് മൂന്നുദിവസത്തിനുള്ളിൽ തീർപ്പാക്കിയതായി ഇപിഎഫ്ഒ പറയുന്നു. കോവിഡ് മൂലം അടച്ചിട്ടിരിക്കുന്നതിനാൽ കുറച്ചുജീവനക്കാരെവെച്ചാണ് ഇത്രയും അപേക്ഷകൾ പരിഗണിച്ചത്. മുന്നുമാസത്തെ ശമ്പളത്തിനുതുല്യമായതുകയോ ആവശ്യപ്പെടുന്നതുകയോ അക്കൗണ്ടിൽ അവശേഷിക്കുന്ന തുകയുടെ 75ശതമാനമോ ഏതാണ് കുറവ് അതാണ് അനുവദിച്ചത്. തിരിച്ചടയ്ക്കേണ്ടാത്ത തുകയാണിത്.

from money rss https://bit.ly/2VwIwz6
via IFTTT