റെയില്‍വെ വിറ്റത് 54,000യാത്രക്കാര്‍ക്കായി 10 കോടി രൂപയുടെ ടിക്കറ്റുകള്‍

ന്യൂഡൽഹി: ബുക്കിങ് ആരംഭിച്ച് മണിക്കൂറുകൾക്കകം റെയിൽവെ വിറ്റത് 54,000പേർക്കായി 10കോടി രൂപയുടെ യാത്രാടിക്കറ്റുകൾ. ഏഴാഴ്ച നീണ്ട ലോക്ക്ഡൗണിനുശേഷം തിങ്കളാഴ്ച രാത്രിയാണ് ഐആർസിടിസി വഴി ചിലറൂട്ടുകളിലേയ്ക്ക് ടിക്കറ്റ് വിറ്റത്. രാത്രി 9.15ആയപ്പോഴേയ്ക്കും 30,000 പിഎൻആറുകളാണ് 54,000 യാത്രക്കാർക്കായി അനുവദിച്ചത്. വൈകീട്ട് ആറിന് ബക്കിങ് തുടങ്ങിയെങ്കിലും താമസിയാതെ സൈറ്റ് കിട്ടാതായി. തുടർന്ന് ഏറെനേരംകഴിഞ്ഞാണ് വീണ്ടും ബുക്ക് ചെയ്യാനുള്ള അവസരം ലഭിച്ചത്. ഹൗറ-ന്യൂഡൽഹി ഉൾപ്പടെ എട്ട് തീവണ്ടികൾക്കായി ബുക്കിങ് ആരംഭിച്ചതോടെ മിനുട്ടുകൾക്കകം എല്ലാ ടിക്കറ്റുകളും ബുക്ക് ചെയ്തു. ഐആർസിടിസി വഴിമാത്രമാണ് ബുക്കിങ് അനുവദിച്ചിട്ടുള്ളതെങ്കിലും പ്രത്യേക വിഭാഗങ്ങൾക്ക് റെയിൽവെ സ്റ്റേഷനുകളിലും സൗകര്യം ഒരുക്കിയിരുന്നു. പാർലമെന്റ് അംഗങ്ങൾ, സുപ്രീംകോടി ജഡിജിമാർ തുടങ്ങി ഉന്നതഉദ്യോഗസ്ഥർ ഉൾപ്പടെയുള്ളവർ, സ്വാതന്ത്രസമരസേനാനികൾ, യാത്രാ ആനുകൂല്യമുള്ള പ്രത്യേക വിഭാഗങ്ങൾ എന്നിവർക്കാണ് സ്റ്റേഷനുകളിൽനേരിട്ട് ടിക്കറ്റ് ബുക്ക്ചെയ്യാനുള്ള സൗകര്യമുള്ളത്. 30 തീവണ്ടികളാണ് ഈയാഴ്ച സർവീസ് നടത്തുക. 16 എണ്ണം ദിനംപ്രതിയും രണ്ടെണ്ണം ആഴ്ചയിൽ മൂന്നുവീതവും എട്ട് ട്രെയിനുകൾ ആഴ്ചയിൽ രണ്ടുദിവസംവീതവുമായിരിക്കും സർവീസ് നടത്തുക. നാല് ട്രെയിനുകൾ ആഴ്ചയിലൊരിക്കലും ഓടും.

from money rss https://bit.ly/2YUewiU
via IFTTT