കോവിഡ്: 82ശതമാനംപേരുടെയും സാമ്പത്തിക സ്ഥിതിയെ ബാധിച്ചതായി സര്‍വെ

കോവിഡ് രാജ്യത്തെ കുടുംബങ്ങളുടെ സാമ്പത്തിക സ്ഥിതിയെ കാര്യമായി ബാധിച്ചതായി സർവെ. ഡിജിറ്റൽ ലെന്റിങ് പ്ലാറ്റ്ഫോമായ ഇന്ത്യലെൻഡ്സാണ് രാജ്യവ്യാപകമായി സർവെ സംഘടിപ്പിച്ചത്. അടച്ചിടലിലെതുടർന്ന് ജോലി നഷ്ടമായതും ശമ്പളംകുറച്ചതുമൊക്കെയാണ് സാമ്പത്തിക സ്ഥിതിയെ ബാധിക്കാനിടയാക്കിയത്. സർവെയിൽ പങ്കെടുത്ത 82ശതമാനംപേരും കോവിഡ്മൂലം സാമ്പത്തിക തകർച്ചനേരിട്ടതായി വ്യക്തമാക്കി. 5000പേരാണ് സർവെയിൽ പങ്കെടുത്തത്. 84ശതമാനംപേരും ചെലവുകൾ വെട്ടിക്കുറച്ചു. 90ശതമാനംപേർ സാമ്പത്തികഭാവിയെക്കുറിച്ച് ആശങ്ക പ്രകടിപ്പിച്ചതായും ഇന്ത്യലെൻഡ്സിന്റെ റിപ്പോർട്ടിൽ പറയുന്നു. പ്രതസന്ധിനേരിടാൻ 72ശതമാനംപേരും വ്യക്തിഗതവായ്പയെ ആശ്രയിക്കുമെന്നാണറിയിച്ചത്. ചികിത്സ, വിദ്യാഭ്യാസത്തിനുള്ള ഫീസ്, ഭവന അറ്റകുറ്റപ്പണികൾ എന്നിവയ്ക്കാകും മുൻഗണന നൽകുക. 76ശതമനംപേരും പുതിയ നിക്ഷേപങ്ങൾ നടത്താൻകഴിയില്ലെന്നും വ്യക്തമാക്കി.

from money rss https://bit.ly/3dA9pZV
via IFTTT