നല്‍കുന്ന കമ്മീഷന്‍ വെളിപ്പെടുത്തണമെന്ന് പിഎംഎസ് സേവനദാതാക്കളോട് സെബി

പോർട്ട്ഫോളിയോ മാനേജുമെന്റ് സർവീസിൽ കൂടതൽ സുതാര്യത ഉറപ്പുവരുത്തുന്നതിന് സെബി നടപടി തുടങ്ങി. പിഎംഎസ് സേവനം നൽകുന്നവർ ബ്രോക്കർമാർക്കും വിതരണക്കാർക്കും നൽകുന്ന കമ്മീഷൻ എത്രയെന്ന് നിക്ഷേകരെ അറിയിക്കണമെന്നാണ് നിർദേശം. സെബിയുടെ ഫ്രീക്വന്റ്ലി ആസ്ക്ഡ് ക്വസ്റ്റ്യൻസ് വിഭാഗത്തിൽ ഇക്കാര്യം വിശദീകരിച്ചിട്ടുണ്ട്. ഈ വർഷം തുടക്കത്തിൽതന്നെ തീരുമാനം നടപ്പാക്കാൻ നിർദേശം നൽകിയിരുന്നെങ്കിലും ഇതുസംബന്ധിച്ച വിശദാംശങ്ങൾ പുറത്തുവരുന്നത് ഇപ്പോഴാണ്. പിഎംഎസിൽ നിക്ഷേപം നടത്തുംമുമ്പ് വ്യവസ്ഥകൾ ഉൾപ്പെട്ട സമ്മതപത്രം വിശദമായി വായിച്ചശേഷംമാത്രം ഒപ്പിടണമെന്നും സെബിയുടെ നിർദേശത്തിലുണ്ട്. പോർട്ട്ഫോളിയോ മാനേജരും നിക്ഷേപകരും തമ്മിലുള്ള കരാർ പ്രകാരമാണ് പദ്ധതിയുടെ പ്രവർത്തനം. സെബിയുടെ നിർദേശങ്ങൾ പാലിച്ചുള്ളതാകണം വ്യവസ്ഥകൾ. കൂട്ടിച്ചേർക്കലുകൾ പരിശോധിച്ചശേഷംമാത്രം പദ്ധതിയിൽ ചേരണമെന്നാണ് സെബി നിക്ഷേപകർക്കുനൽകുന്ന മുന്നറിയിപ്പ്. പിഎംഎസിലെ മിനിമം നിക്ഷേപം 50 ലക്ഷം രൂപയാണ്. കഴിഞ്ഞവർഷമാണ് 25 ലക്ഷത്തിൽനിന്ന് സെബി വർധനവരുത്തിയത്. PMS providers told to give info on commission

from money rss https://bit.ly/3hAeB1G
via IFTTT