ബിഗ് ബില്യണ്‍ ഡെയ്‌സ്: 70ലെറെ കച്ചവടക്കാര്‍ മൂന്നുദിവസംകൊണ്ട് കോടിപതികളായി

ഉത്സവസീസൺ വില്പനയ്ക്കിടയിൽ ഇ-കൊമേഴ്സ് പ്ലാറ്റ്ഫോമുകളിലെ വില്പനക്കാർ ആദ്യദിവസങ്ങളിൽതന്നെ കോടികൾ വരുമാനമുണ്ടാക്കി. ടയർ 2 നഗരങ്ങളിൽനിന്നും പട്ടണങ്ങളിൽനിന്നുമുൾപ്പടെ ലക്ഷക്കണക്കിന് വില്പനക്കാർക്ക് ഓർഡറുകൾ ലഭിച്ചതായി ഫ്ളിപ്കാർട്ടും ആമസോണും പറയുന്നു. ബിഗ് ബില്യൺ ഡെയ്സ് വില്പനയുടെ ആദ്യ മൂന്നുദിവസങ്ങൾക്കുള്ളിൽ 70ഓളം വില്പനക്കാർക്ക് ഒരുകോടി രൂപയിലധികം വരുമാനംലഭിച്ചതായി ഫ്ളിപ്കാർട്ട് അവകാശപ്പെട്ടു. 10,000ലേറെ കച്ചവടക്കാർക്ക് ലക്ഷങ്ങളും സമ്പാദിക്കാനായി. മൂന്നുലക്ഷത്തലേറെ വില്പനക്കാർക്കാണ് ആദ്യമൂന്നുദിവസങ്ങൾക്കുള്ളിൽ ഓർഡറകുൾ ലഭിച്ചത്. ഇതിൽ 60ശതമാനം വില്പനക്കാരും ചെറുനഗരങ്ങളിൽനിന്നുള്ളവരാണ്. കഴിഞ്ഞവർഷത്തെ വില്പനയിൽ ആറുദിവസംകൊണ്ടുണ്ടായ നേട്ടം ഇത്തവണ രണ്ടുദിവസംകൊണ്ട് നേടാനായതായാണ് കമ്പനി അവകാശപ്പെടുന്നത്. ഇത്തവണ വൻതോതിൽ ഡിമാൻഡ് കൂടിയതായി പറയുന്നു. അതേസമയം, ഗ്രേറ്റ് ഇന്ത്യൻ ഫെസ്റ്റിവെലിലൂടെ 48 മണിക്കൂറിനുള്ളിൽ 1.1 ലക്ഷം കച്ചവടക്കാർക്ക് ഓർഡറുകൾ ലഭിച്ചതായി ആമസോണും അവകാശപ്പെട്ടു. 5000ലധികം വില്പനക്കാർക്ക് ആദ്യ 48 മണിക്കൂറിനുള്ളിൽ 10 ലക്ഷത്തിലധികംരൂപയുടെ കച്ചവടം നടത്താനായെന്നാണ് കമ്പനി പറയുന്നത്. Over 70 sellers become crorepatis in first 3 days of sale

from money rss https://bit.ly/3lX2ygI
via IFTTT