ഉപഭോഗം വര്‍ധിപ്പിക്കാന്‍ എല്‍.ടി.സി: ആര്‍ക്കൊക്കെ പ്രയോജനം ലഭിക്കും?

വിപണിയിൽ പണമെത്തിച്ച് സമ്പദ് വ്യവസ്ഥയെ ഉത്തേജിപ്പിക്കുകയെന്ന നടപടിതന്നെയാണ് ഇത്തവണയും ധനമന്ത്രി നിർമല സീതാരാമൻ പ്രഖ്യാപനത്തിലൂടെ ആവർത്തിച്ചത്.ഉത്സവ സീസണിൽ ഉപഭോക്താവിന്റെ ചലവിടൽശേഷി വർധിപ്പിക്കുന്നതിലൂടെ വ്യാപരമേഖലയ്ക്ക് ഉത്തേജനം പകരാൻ പദ്ധതി സഹായകരമാകും. സർക്കാർ ജീവനക്കാരും മറ്റുസംഘടിത തൊഴിൽമേഖലയിലുള്ളവരും കോവിഡ് വ്യാപനത്തിന്റെ ആഘാതത്തിൽനിന്ന് മോചിതരായി തുടങ്ങിയെന്നാണ് ധനമന്ത്രി വിശദീകരിക്കുന്നത്. ഈ സാഹചര്യത്തിൽ സർക്കാർ ജീവനക്കാർക്ക് കൂടുതൽ ആനുകൂല്യങ്ങൾ നൽകി ഉപഭോക്തൃ വിപണി ഉണർത്താനുള്ള ശ്രമമാണ് എൽ.ടി.സിയുയുടെയും പലിശ രഹിത ഉത്സവ ബത്തയുടെയും പിന്നിലുള്ളത്. എന്താണ് എൽ.ടി.സി? നാലുവർഷത്തെ ഒരു ബ്ലോക്കായി കണക്കാക്കി ഇന്ത്യയിൽ എവിടെയും യാത്രചെയ്യുന്നതിനുള്ള ചെലവാണ് സർക്കാർ നൽകുക. വിമാനത്തിലോ തീവണ്ടിയിലോ യാത്രചെയ്യാം. പേ സ്കെയിലനുസരിച്ച് പത്തുദിവസത്തെ ശമ്പളത്തിന് തുല്യമായ തുകയും ക്ഷാമബത്തയുമാണ് നൽകുക. എൽ.ടി.സി കാഷ് വൗച്ചർ കോവിഡ് വ്യാപനംമൂലം 2018-21 കാലയളവിലെ ബ്ലോക്കിൽ ജീവനക്കാർക്ക് എൽ.ടി.സി നൽകുക പ്രായോഗികമല്ല. ഈ സാഹചര്യത്തിലാണ് എൽ.ടി.സി കാഷ് വൗച്ചർ നൽകുന്നത്. ഇതുപ്രകാരം സർക്കാർ ജീവനക്കാർക്ക് ലീവ് എൻകാഷ്മെന്റും മൂന്നിരട്ടി ടിക്കറ്റ് തുകയും നൽകുന്നതാണ് പദ്ധതി. 12ശതമാനമോ അതിൽകൂടുതലോ ജിഎസ്ടിയുള്ള ഉത്പന്നങ്ങൾ വാങ്ങാനായി ഈതുക ഉപയോഗിക്കാം. ഈ പദ്ധതി തിരഞ്ഞെടുക്കുന്ന ജീവനക്കാരൻ യാത്രാനിരക്കിന്റെ മൂന്നിരട്ടി തുകയ്ക്കുള്ള സാധനങ്ങൾ വിപണിയിൽനിന്ന് വാങ്ങുകയോ സേവനങ്ങൾ പ്രയോജനപ്പെടുത്തുകയോ വേണം. 2021 മാർച്ച് 31നുള്ളിലായിരിക്കണം ഇത്. ജി.എസ്.ടി രജിസ്ട്രേഷനുള്ള കച്ചവടക്കാരിൽനിന്ന് ഡിജിറ്റലായാണ് ഇടപാട് നടത്തേണ്ടത്. 12ശതമാനമോ അതിൽകൂടുതലോ അധികം ജിഎസ്ടിയുള്ളവയുമായിരിക്കണം വാങ്ങേണ്ടത്. ജി.എസ്.ടി ഇൻവോയ്സ് ഹാജരാക്കുകയുവേണം. എൽ.ടി.സി പ്രയോജനപ്പെടുത്തുന്നവർക്ക് നികുതിയിളവുകളുംലഭിക്കും. കേന്ദ്രസർക്കാരിന് 5,675 കോടി രൂപയും പൊതുമേഖലയിലെ ബാങ്കുകൾക്കും സ്ഥാപനങ്ങൾക്കും 1,900 കോടി രൂപയുമാണ് ഇതിനായി കണ്ടെത്തേണ്ടിവരിക. ഉത്സവബത്തയുമുൾപ്പെടുന്ന പദ്ധതിയിലൂടെ മൊത്തം 28,000 കോടി രൂപ വിപണിയിലെത്തുമെന്നാണ് സർക്കാരിന്റെ പ്രതീക്ഷ. LTC Cash Voucher Scheme to boost demand

from money rss https://bit.ly/2SOwOhs
via IFTTT