പ്രതിസന്ധിയെ മറികടക്കാന്‍ ബജറ്റില്‍നിന്ന് എന്ത് പ്രതീക്ഷിക്കാം?

സമീപകാല ചരിത്രത്തിലൊന്നും നേരിടാത്ത പ്രതിസന്ധിയിൽനിന്ന് ലോകം കരകയറുകയാണ്. ഘട്ടംഘട്ടമായുള്ള തിരിച്ചവരവിനിടയിലാണ് 2021-22 സാമ്പത്തികവർഷത്തെ ബജറ്റ് ധനമന്ത്രി നിർമല സീതാരാമൻ അവതരിപ്പിക്കുന്നത്. സാമ്പത്തിക പ്രതിസന്ധിയിൽനിന്ന് കുതിച്ചുകയറുമെന്ന സാമ്പത്തിക സർവെയിലെ വിലയിരുത്തൽ അടിസ്ഥാനമാക്കി ബജറ്റ് എപ്രകാരമായിരിക്കുമെന്ന് വിലയിരുത്താം. വ്യവസായമേഖല നേരത്തെതന്നെ കോർപറേറ്റ് നികുതികുറച്ചതുകൊണ്ട് അത്തരത്തിലുള്ള ഒരുനടപടി ഇനിയും പ്രതീക്ഷിക്കേണ്ടതില്ല. അതേസമയം, അടച്ചിടൽ കാലത്തുണ്ടായ നഷ്ടംനേരിടാൻ കമ്പനികളെ സഹായിക്കുന്നതിന് നിക്ഷേപ സൗഹൃദപദ്ധതികളും മുൻവർഷത്തെ നഷ്ടംക്രമീകരിക്കുന്നതിനുള്ള ആശ്വാസനടപടികളും പ്രതീക്ഷിക്കാം. പ്രതിസന്ധിനേരിടുന്ന സെക്ടറുകൾ ദീർഘകാലം രാജ്യവ്യാപകയമായി അടച്ചിടൽ പ്രഖ്യാപിച്ചതിനാൽ വ്യോമയാനം, വിനോദസഞ്ചാരം തുടങ്ങിയ മേഖലകൾ കടുത്ത പ്രതിസന്ധിയാണ് നേരിട്ടത്. ഈ മേഖലകളിലെ വ്യവസായങ്ങൾക്ക് ആശ്വാസംനൽകുന്ന നടപടികളുണ്ടാകും. പ്രവാസികളുടെ നികുതി രാജ്യവ്യാപകമായി ലോക്ഡൗൺ പ്രഖ്യാപിച്ചിതനാലും വിമാനസർവീസുകൾ ദീർഘകാലം തടസ്സപ്പെട്ടതിനാലും പ്രവാസികൾക്ക് ഏറെകാലം രാജ്യത്ത് തങ്ങേണ്ടിവന്നു. നിശ്ചിതകാലപരിധികഴിഞ്ഞാൽ രാജ്യത്തെ ആദായനികുതി ആനുകൂല്യത്തിന് അർഹത ലഭിക്കാത്ത സാഹചര്യംഉണ്ടാകും. നടപ്പ് സാമ്പത്തിക വർഷത്തിൽ ഇക്കാര്യത്തിൽ ഇളവുകൾ നൽകിയിരുന്നെങ്കിലും അടുത്ത സാമ്പത്തികവർഷവും ഇതുസംബന്ധിച്ച് ആനുകൂല്യം പ്രഖ്യാപിച്ചേക്കാം. ആരോഗ്യമേഖല നാലുവർഷത്തിനുള്ളിൽ ആരോഗ്യമേഖലയിലെ ചെലവ് മൊത്തം ആഭ്യന്തര ഉത്പാദനത്തിന്റെ നാലുശതമാനമായി ഉയർത്തുകയെന്ന ലക്ഷ്യത്തോടെയുള്ള പദ്ധതികൾ പ്രതീക്ഷിക്കാം. നിലവിലുള്ള ഒരുശതമാനം ആരോഗ്യനികുതി വർധിപ്പിച്ചും കോർപറേറ്റ് നികുതിയിൽനിന്ന് അധികവരുമാനംകണ്ടെത്തിയുമാകും പദ്ധതി നടപ്പാക്കുക. നിക്ഷേപസമാഹരണം പൊതുമേഖല കമ്പനികളുടെ ഓഹരി വിറ്റഴിച്ച് വരുമാനംനേടാൻ സർക്കാർ ഇത്തവണയും വൻപദ്ധതി തയ്യാറാക്കിയേക്കും. എൽഐസി പോലുള്ള വൻകിട കമ്പനികളുടെ ന്യൂനപക്ഷ ഓഹരികൾ വിറ്റഴിച്ച് 40 ബില്യൺ ഡോളറെങ്കിലും സമാഹരിക്കാനാണ് സർക്കാർ ലക്ഷ്യമിടുന്നത്. ഇറക്കുമതി തീരുവ കൂടുതൽ വരുമാനം കണ്ടെത്തുക, രാജ്യത്ത് നിർമിക്കുന്നത് പ്രോത്സാഹിപ്പിക്കുക എന്നിവയുടെ ഭാഗമായി വിവിധ ഉത്പന്നങ്ങളുടെ ഇറക്കുമതിതീരുവ വർധിപ്പിച്ചേക്കും. സ്മാർട്ട്ഫോണുകൾ, ഇലകട്രോണിക് ഘടകങ്ങൾ, ഉപകരണങ്ങൾ എന്നിവ ഉൾപ്പടെ 50ലധികം ഇനങ്ങളുടെ ഇറക്കുമതി തീരുവ 10ശതമാനംവരെ വർധിപ്പിക്കാൻ സാധ്യതയുണ്ട്. റിയൽ എസ്റ്റേറ്റ് കോവിഡിനെതുടർന്ന് റിയൽ എസ്റ്റേറ്റ് മേഖല സ്തംഭിച്ച സ്ഥിതിയിലാണ്. വിപണിമൂല്യംകുത്തനെ ഇടിഞ്ഞിട്ടും സ്റ്റാമ്പ് ഡ്യൂട്ടി, സർക്കിൾ നിരക്കുകൾ എന്നിവ അതേപടി തുടരുകയാണ്. അതുകൊണ്ടുതന്നെ വസ്തു കുറഞ്ഞ മാർക്കറ്റ്വിലയ്ക്ക് വിറ്റുപോയാലും നികുതിബാധ്യതയിൽ കുറവുണ്ടാകുന്നില്ല. മാർക്കറ്റ് വിലയിൽ നികുതി കണക്കാക്കുന്നതരത്തിലുള്ള ഭേദഗതികൾ ബജറ്റിൽ പ്രതീക്ഷിക്കാം. വിവാദ് വിശ്വാസ് പദ്ധതി 2020ലെ ബജറ്റിൽ പദ്ധതി പ്രഖ്യാപിച്ചിരുന്നുവെങ്കിലും കോവിഡ് വ്യാപനത്തെതുടർന്ന് ഫലപ്രദമായി നടപ്പാക്കാനായില്ല. തർക്കനികുതിയുടെ 100ശതമാനം അടച്ച് കേസ് തീർപ്പാക്കാൻ സാഹയിക്കുന്നതാണ് പദ്ധതി. അതിലൂടെ പിഴയും പലിശയും ഒഴിവാക്കാനുള്ള അവസരമാണ് നൽകിയത്. പ്രതിസന്ധികാരണം പദ്ധതിയിൽ പങ്കാളിത്തം പരിമിതമായിരുന്നു. പുതിയ സാഹചര്യത്തിൽ പദ്ധതിയുടെ വിപുലീകരണം സർക്കാർ ആലോചിച്ചേക്കാം. ലാഭവിഹിതവിതരണ നികുതി രാജ്യത്ത് താമസിക്കുന്നവരും പ്രവാസികളും നൽകേണ്ട ലാഭവിഹിത നികുതിയിൽ 2020ലെ ബജറ്റ് അസമത്വം സൃഷ്ടിച്ചിരുന്നു. പ്രവാസികൾക്ക് 20ശതമാനംവരെയാണ് ഈയിനത്തിൽ നികുതി നൽകേണ്ടത്. എന്നാൽ രാജ്യത്ത് താമസിക്കുന്നവർക്ക് സർചാർജുൾപ്പടെ 35.88ശതമാനംവരെ നികുതി ബാധകമായിരുന്നു. നിശ്ചിതശതമാനം നികുതിനിരക്ക് ഏർപ്പെടുത്തി ഇക്കാര്യത്തിലെ അസമത്വംനീക്കുമെന്ന് പ്രതീക്ഷിക്കാം. ഇൻഷുറൻസിന്റെ വ്യാപനം ലൈഫ് ഇൻഷുറൻസ്, ആരോഗ്യ ഇൻഷുറൻസ് എന്നിവയിലേയ്ക്ക് കൂടുതൽപേരെ ആകർഷിക്കുന്നതിനുള്ള നടപടികൾ ബജറ്റിൽ പ്രതീക്ഷിക്കാം. നികുതികിഴിവ് വർധിപ്പിച്ചുകൊണ്ടായിരിക്കും ഇതിന്റെ സാധ്യത പരീക്ഷിക്കുക. കോർപറേറ്റുകൾക്കും ജീവനക്കാർക്കും ഗ്രൂപ്പ് മെഡിക്കൽ ഇൻഷുറൻസ് ആരോഗ്യപരിപാലന പരിശോധനകൾ എന്നിവയ്ക്ക് ഉയർന്ന നികുതി ആനുകൂല്യങ്ങൾ പ്രഖ്യാപിച്ചേക്കാം. ഇൻഷുറൻസിന്റെ പ്രാധാന്യത്തെക്കുറിച്ച് കൂടുതൽ അവബോധം സൃഷ്ടിക്കുന്നതിനാകും പ്രാധാന്യംനൽകുക. വികസനത്തിന് ധനകാര്യസ്ഥാപനം അടിസ്ഥാനസൗകര്യവികസനത്തിന് 1.02 ലക്ഷംകോടി രൂപചെലവഴിക്കുകയെന്ന ലക്ഷ്യത്തോടെ ഇൻഫ്രസ്ട്രക്ചർ പ്രൊജക്ടുകൾക്ക് ധനസഹായം നൽകുന്നതിന് പുതിയ ധനകാര്യ പദ്ധതി പ്രഖ്യാപിക്കാനിടയുണ്ട്. പൊതുമേഖല ബാങ്കുകളുടെ മൂലധനം ഉയർത്തുന്നതിനും ബജറ്റിൽ നടപടികളുണ്ടാകും. വ്യക്തിഗത ആദായ നികുതി സ്ലാബുകളുടെ പരിധി ഉയർത്തുകയും സ്റ്റാൻഡേഡ് ഡിഡക്ഷൻ തുകവർധിപ്പിക്കുകയുംചെയ്ത് വ്യക്തികളുടെ ഉപഭോഗശേഷി വർധിപ്പിക്കാനും സർക്കാർ തയ്യാറായേക്കും.

from money rss https://bit.ly/2MIcWNe
via IFTTT