സെന്‍സെക്‌സില്‍ 813 പോയന്റ് നേട്ടം; നിഫ്റ്റി 17,300ന് മുകളില്‍|Market Closing

മുംബൈ: ഫെബ്രുവരി ഒന്നിന് ധനമന്ത്രി ബജറ്റ് അവതരിപ്പിക്കാനിരിക്കെ വിപണിയിൽ മുന്നേറ്റം. 2022-23 സാമ്പത്തിക വർഷത്തിൽ രാജ്യം 8-8.5ശതമാനം വളർച്ച നേടുമെന്ന സാമ്പത്തിക സർവെ അനുമാനം പുറത്തുവന്നതോടെ വിപണി അനുകൂലമായാണ് പ്രതികരിച്ചത്. സെൻസെക്സ് 813.94 പോയന്റ് നേട്ടത്തിൽ 58,014.17ലും നിഫ്റ്റി 237.80 പോയന്റ് ഉയർന്ന് 17,339.80ലുമാണ് വ്യാപാരം അവസാനിപ്പിച്ചത്. ആഗോള വിപണികളിൽനിന്നുള്ള അനുകൂല പ്രതികരണങ്ങളും സൂചികകൾക്ക് കരുത്തായി. ഭാവിയിലെ വെല്ലുവിളികൾ നേരിടാൻ രാജ്യം സജ്ജമാണെന്ന സാമ്പത്തിക സർവെയിലെ നിരീക്ഷണം നിക്ഷേപകർക്ക് ആത്മവിശ്വാസംനൽകി. ടെക് മഹീന്ദ്ര, ടാറ്റ മോട്ടോഴ്സ്, വിപ്രോ, ബിപിസിഎൽ, ബജാജ് ഫിൻസർവ് തുടങ്ങിയ ഓഹരികളാണ് പ്രധാനമായും നേട്ടമുണ്ടാക്കിയത്. ഇൻഡസിൻഡ് ബാങ്ക്, കൊട്ടക് മഹീന്ദ്ര ബാങ്ക്, യുപിഎൽ, കോൾ ഇന്ത്യ, ഹിന്ദുസ്ഥാൻ യുണിലിവർ തുടങ്ങിയ ഓഹരികൾ നഷ്ടംനേരിട്ടു. സെക്ടറൽ സൂചികകളിൽ ഓട്ടോ, ഫാർമ, ഐടി, ഓയിൽ ആൻഡ് ഗ്യാസ്, പൊതുമേഖല ബാങ്ക് സൂചികകൾ 1-3ശതമാനം ഉയർന്നു. ബിഎസ്ഇ മിഡ്ക്യാപ്, സ്മോൾ ക്യാപ് സൂചികകൾ 1-1.7ശതമാനവും നേട്ടമുണ്ടാക്കി. Nifty above 17,300, Sensex up 813.

from money rss https://bit.ly/35E6qR1
via IFTTT