ജിയോജിതിന്റെ അറ്റാദായത്തില്‍ 26ശതമാനം വര്‍ധന

കൊച്ചി: രാജ്യത്തെ പ്രമുഖ നിക്ഷേപ സേവന സ്ഥാപനമായ ജിയോജിത് ഡിസംബറിൽ അവസാനിച്ച പാദത്തിൽ 39.76 കോടി രൂപ അറ്റാദായം നേടി.മുൻ വർഷം ഇതേകാലയളവിനെ അപേക്ഷിച്ച് 26 ശതമാനത്തിന്റെ വർധനയാണ് രേഖപ്പെടുത്തിയത്. 31.50 കോടിരൂപയായിരുന്നു 2020-21 സാമ്പത്തിക വർഷത്തിലെ മൂന്നാം പാദത്തിൽ കമ്പനിയുടെ അറ്റാദായം. കമ്പനിയുടെമൊത്തം വരുമാനം 129.58 കോടി രൂപയായി വർധിച്ചു. 24 ശതമാനത്തിന്റെ വർധനയാണ് ഉണ്ടായിരിക്കുന്നത്. കഴിഞ്ഞ സാമ്പത്തിക വർഷം ഇതേകാലയളവിൽ 104.61 കോടി രൂപയായിരുന്നു മൊത്തംവരുമാനം. നികുതി കണക്കാക്കുന്നതിനു മുൻപുള്ള ലാഭം മുൻവർഷത്തെ 40.63 കോടി രൂപയിൽ നിന്ന് 52.14 കോടി രൂപയിലെത്തി. 28 ശതമാനത്തിന്റെ വർധനയാണ് രേഖപ്പെടുത്തിയത്. 2021-22 സാമ്പത്തിക വർഷത്തിലെ ആദ്യത്തെ ഒമ്പതുമാസം118.62 കോടി രൂപ അറ്റാദായം രേഖപ്പെടുത്തി. 2020-21 സാമ്പത്തിക വർഷത്തിൽ ഇതേ കാലയളവിൽ 89.3 കോടി രൂപയായിരുന്നു കമ്പനി നേടിയ അറ്റാദായം. മൊത്ത വരുമാനം 304.26 കോടി രൂപയിൽ നിന്ന് 377.78 കോടി രൂപയായി വർധിച്ചു. നികുതി കണക്കാക്കുന്നതിനു മുൻപുള്ള ലാഭം 117.45 കോടിരൂപയിൽ നിന്ന് വർധിച്ച് 156.16 കോടിരൂപയായി. ജിയോജിത്തിന് നിലവിൽ 11.5 ലക്ഷത്തിലധികം ഇടപാടുകാരുണ്ട്. 64,000 കോടിയിലധികം രൂപയുടെ ആസ്തി കമ്പനി കൈകാര്യം ചെയ്യുന്നുണ്ട്.

from money rss https://bit.ly/3AKUTe4
via IFTTT