121

Powered By Blogger

Monday, 6 December 2021

പാഠം 153| നിക്ഷേപമെന്നാല്‍ സാമ്പത്തിക ആസൂത്രണമല്ല; പിന്നെ എന്താണ്-അറിയാം വിശദമായി

അബുദാബിയിലെ ഒരുവിദേശ കമ്പനിയിൽ അക്കൗണ്ടന്റാണ് സുനിൽകുമാർ. രണ്ടുലക്ഷത്തിലേറെ ശമ്പളയിനത്തിൽ പ്രതിമാസം ലഭിക്കുന്നു. 45 വയസ്സാണ് പ്രായം. കോവിഡ് ആദ്യമായി വ്യാപിച്ച 2020ൽ ജോലി പോകുമോയെന്ന ആശങ്കയുണ്ടായിരുന്നു. അങ്ങനെ സംഭവിച്ചില്ലെന്നുമാത്രമല്ല, ജോലിക്കയറ്റവും ശമ്പളവർധനവും ലഭിക്കുകയുംചെയ്തു. 2020ലെ തകർച്ചക്കുശേഷം വിപണി കുതിക്കാൻ തുടങ്ങിയപ്പോഴാണ്, ഇങ്ങനെ പോയാൽപറ്റില്ല ഭാവിയിലേക്ക് നിക്ഷേപം കരുതിവെക്കണമെന്ന ചിന്ത സുനിൽകുമാറിനുണ്ടായത്. ഫ്രീഡം @ 40 എന്ന ടാഗ് ലൈനിൽ ഈകോളത്തിൽ തുടക്കമിട്ട കാമ്പയിനാണ് അതിന് പ്രേരണയായത്. ഉടനെതന്നെ ഡീമാറ്റ് അക്കൗണ്ടെടുത്തു. സമൂഹമാധ്യമങ്ങളും സുഹൃത്തുക്കളും ശുപാർശചെയ്ത മികച്ച ഓഹരികളിൽ തുടരെതുടരെ നിക്ഷേപം നടത്തി. മ്യൂച്വൽ ഫണ്ടിലും കൈവെച്ചു. സുനിൽകുമാർ ഇ-മെയിലിൽഅയച്ചുതന്ന നിക്ഷേപ വിവരങ്ങൾ വിശദമാക്കുന്ന എൻഎസ്ഡിഎലിന്റെ കൺസോളിഡേറ്റഡ് അക്കൗണ്ട് സ്റ്റേറ്റുമെന്റ്(കാസ്) പരിശോധിക്കാൻ ഏറെസമയംവേണ്ടിവന്നു. 50ലേറെ ഓഹരികളിലാണ് നിക്ഷേപിച്ചിട്ടുള്ളത്. 28 മ്യൂച്വൽ ഫണ്ടുകളിലം പണംമുടക്കിയിരിക്കുന്നു. വിപണി മികച്ചനേട്ടമുണ്ടാക്കിയപ്പോൾ ഒരുവർഷത്തിനിടെതന്നെ ഓഹരികളിൽനിന്നും മ്യൂച്വൽ ഫണ്ടിൽനിന്നും ഭാഗികമായി നിക്ഷേപം തിരിച്ചെടുത്തു. 50 ലക്ഷത്തോളമുണ്ടായിരുന്ന പോർട്ട്ഫോളിയോ മൂല്യം ഇപ്പോൾ 20ലക്ഷത്തിലേയ്ക്ക് ശോഷിച്ചിരിക്കുന്നു. ജോലി നഷ്ടമാകില്ലെന്ന് ഉറപ്പായപ്പോഴുണ്ടായ ആത്മവിശ്വസവും ശമ്പളവർധനവും ജീവതം കുറച്ചുകൂടി ആഢംബരമാക്കാൻ അദ്ദേഹത്തെ പ്രേരിപ്പിച്ചു. അഞ്ചുവർഷം കഴിഞ്ഞാൽ നാട്ടിൽ സ്ഥിരതാമസമാക്കിയാലോയെന്ന ചിന്ത ഉണ്ടായപ്പോഴാണ് നിക്ഷേപത്തെക്കുറിച്ച് വീണ്ടും ആലോചിച്ചത്. നാട്ടിലെത്തിയാൽ ജീവിക്കാൻ എത്രതുകവേണമെന്നോ, കുട്ടികളുടെ ഉന്നത വിദ്യാഭ്യാസം ഉൾപ്പടെയുള്ള സാമ്പത്തിക ലക്ഷ്യങ്ങൾ എങ്ങനെ നിറവേറ്റുമെന്നോ അദ്ദേഹത്തിന് അറിയില്ല. ഗൾഫിലുള്ളവരുടെമാത്രമല്ല, നാട്ടിലുള്ള 99ശതമാനംപേരുടെയും നിക്ഷേപരീതി ഇപ്രകരാമാണ്. സാമ്പത്തികലക്ഷ്യങ്ങൾ മുന്നിൽകണ്ട് നിശ്ചിതതുക നീക്കിവെയ്ക്കാൻ മിക്കവാറുംപേർ തയ്യാറാകുന്നില്ലെന്നതാണ് വാസ്തവം. ആസൂത്രണം ആവശ്യമാണോ? പ്രതികൂല സാഹചര്യങ്ങൾ നിരവധിയുണ്ടെങ്കിലും ഓഹരി വിപണി ഇപ്പോഴും കുതിപ്പിന്റെ പാതയിലാണ്. സമ്പദ്ഘടന മുന്നേറ്റത്തിന്റെ ട്രാക്കിലായതിനാൽ ഓഹരി അധിഷ്ഠിത പദ്ധതികളിൽനിന്ന് ഭാവിയിൽ മികച്ചനേട്ടം സ്വന്തമാക്കാമെന്നകാര്യത്തിൽ സംശയമില്ല. അതുകൊണ്ടുതന്നെ ഓഹരിയിലെനേട്ടം ദീർഘകാലയളവിൽ സ്വന്തമാക്കാൻ നിക്ഷേപകർ ശ്രദ്ധിക്കേണ്ടതുണ്ട്. ചിട്ടയായി നിക്ഷേപിക്കാൻ തയ്യാറാണെങ്കിൽ ഭാവിയിൽ മികച്ചനേട്ടമുണ്ടാക്കാൻ അവസരമുണ്ട്. ഉയർന്ന മൂല്യത്തിൽ തുടരുന്നതിനാൽ ഓഹരിയിൽ ഇപ്പോൾ നിക്ഷേപം തുടങ്ങാൻ ശങ്കിക്കുന്നവരുണ്ട്. ദീർഘകാലയളവിൽ ചിട്ടയായി നിക്ഷേപിക്കുന്നവർ അതൊന്നും കാര്യമായെടുക്കേണ്ടതില്ല. മുന്നോട്ടുമാത്രം ഓടുന്ന വാഹനമല്ല ഓഹരി വിപണി, ഇടക്കൊക്കെ റിവേഴ്സ് ഗിയറിട്ട് പിന്നോട്ടുംപോകും. എന്നിരുന്നാലും ദീർഘകാലയളവിൽ നോക്കിയാൽ ആത്യന്തികമായി മുന്നോട്ടാകും പ്രയാണമെന്ന് മനസിലാക്കാം. ഓരോതവണ വിപണിയിൽ തിരുത്തലുണ്ടാകുമ്പോഴും നിക്ഷേപകന് ഗുണകരമാകുകയാണ് ചെയ്യുക. കൃത്യമായ ആസുത്രണംവേണം ഇതൊക്കെയാണെങ്കിലും നഷ്ടസാധ്യത കുറയ്ക്കാനുംപരമാവധി നേട്ടമുണ്ടാക്കാനും മികച്ച ആസൂത്രണംതന്നെവേണം. ഓഹരിയിലോ ഓഹരി അധിഷ്ഠിത പദ്ധതികളിലോ നിക്ഷേപം നടത്തുന്നയാളോ, പുതിയതായി തുടങ്ങാനിരിക്കുന്നയാളോ ആണെങ്കിൽ വ്യക്തമായ പ്ലാനോടുകൂടി മുന്നോട്ടുപോകാൻ കഴിയണം. തുടക്കത്തിലെന്നതുപോലെ യാത്രയിലെ ഓരോഘട്ടത്തിലും തടസ്സങ്ങൾ മറികടന്ന് മുന്നോട്ടുപോകാൻ മുന്നിലുള്ള ലക്ഷ്യം സഹായകരമാകും; യാത്ര അനിശ്ചിതത്വം നിറഞ്ഞതാണെങ്കിൽപോലും. ഓഹരി വിപണിയിൽ അനിശ്ചിതത്വമുണ്ടാകുമ്പോൾ നിക്ഷേപർക്ക് സ്വാഭാവികമായും ആശങ്കയുണ്ടാകും. നിക്ഷേപം പുനഃക്രമീകരിക്കേണ്ടതുണ്ടോ എന്നചിന്തയുണ്ടാകും. ലക്ഷ്യംഎത്തിപ്പിടിക്കാനുള്ള പ്രയാണത്തിൽ, വ്യക്തമായ സാമ്പത്തിക ലക്ഷ്യവും അതിനനുസരിച്ചുള്ള ആസുത്രണവുമില്ലെങ്കിൽ പണംനഷ്ടമാകുമോയെന്ന ഭയവുംപിടികൂടും. ആത്യന്തികമായി, സാമ്പത്തിക ലക്ഷ്യങ്ങൾ പൂർത്തിയാക്കുന്നതിനാണ് എല്ലാവരും നിക്ഷേപംനടത്തുന്നത്. ആസൂത്രണമെന്നത് വലിയൊരു പ്രക്രിയയുടെ ഭാഗംമാത്രമാണ്. സാമ്പത്തിക ആസൂത്രണമില്ലാതെ നിക്ഷേപ ആസ്തികൾ തിരഞ്ഞെടുക്കാതിരിക്കുകയാണ് നല്ലത്. ഓരോ നിക്ഷേപ ആസ്തിയുടെയും സവിശേഷതകൾ മനസിലാക്കി അനുയോജ്യമായവത നിശ്ചിത അനുപാതത്തിൽ തിരഞ്ഞെടുക്കാൻ ശ്രദ്ധിക്കണം. സ്വന്തമായി നിക്ഷേപം നടത്തുന്നവരിൽ ഭൂരിഭാഗംപേരും മികച്ചരീതിയിൽ സാമ്പത്തിക ആസൂത്രണംചെയ്യാൻ കഴിയുന്നവരായിരിക്കില്ല. ഹ്രസ്വ-മധ്യ-ദീർഘകാല ലക്ഷ്യങ്ങൾക്കായി ഇത്തരക്കാർക്കുമുന്നിൽ ഒരുപ്ലാൻപോലും ഉണ്ടാകില്ല. ആസൂത്രണമില്ലെങ്കിൽ ഇടക്കുവെച്ചുണ്ടാകുന്ന ആവശ്യങ്ങൾക്കായി നിലവിലെ നിക്ഷേപത്തിൽനിന്ന് പണംപിൻവലിച്ചേക്കാം. ദീർഘകാല ലക്ഷ്യങ്ങളെ അത് അപകടത്തിലാക്കും. മിക്കവാറും നിക്ഷേപകർ ഇക്വിറ്റി മ്യൂച്വൽ ഫണ്ടിൽ നിക്ഷേപിക്കുന്നതും പണംപിൻവലിക്കുന്നതും വിപണിയുടെ നീക്കംനോക്കിയായിരിക്കും. ലക്ഷ്യം ദീർഘകാലയളവിലുള്ളതാണെങ്കിൽ വിപണി സാഹചര്യങ്ങൾ പരിഗണിക്കാതെ നിക്ഷേപം തുടരുകതന്നെവേണം. ശരിയായ തുടക്കം സാമ്പത്തിക ലക്ഷ്യങ്ങൾക്കനുസരിച്ച് എത്രതുകനേടണമെന്നും അതിനുവേണ്ട റോഡ്മാപ്പും മികച്ച ആസൂത്രണത്തിന്റെ ഭാഗമാണ്. ലക്ഷ്യങ്ങൾ തിരിച്ചറിയുകയെന്നതാണ് സാമ്പത്തികാസൂത്രണത്തിന്റെ ആദ്യഘട്ടം. വീടുവാങ്ങുക, കുട്ടികളുടെ വിദ്യാഭ്യാസത്തിനായി പണംസമാഹരിക്കുക. റിട്ടയർമെന്റിനുശേഷമുള്ള ജീവിതത്തിനായി പണംകണ്ടെത്തുക എന്നിവ അവയിൽ ഉൾപ്പെടുന്നു. ലക്ഷ്യങ്ങൾ തിരിച്ചറിയുകയും അതിനുവേണ്ട തുക കണക്കാക്കുകയുംചെയ്യുമ്പോൾ സ്വയം രൂപപ്പെടുത്തുന്ന സാമ്പത്തിക നിയന്ത്രണത്തിനുള്ളിലാകുന്നു. ആസൂത്രണപ്രകാരം മുന്നോട്ടുപോകുമ്പോൾ വിപണിയല്ല നിങ്ങളെ നിയന്ത്രിക്കുക, ഹ്രസ്വകാല, ദീർഘകാല ലക്ഷ്യങ്ങളാണ്. ലക്ഷ്യങ്ങളിലെ മുൻഗണന ലക്ഷ്യങ്ങൾ തീരുമാനിച്ചുകഴിഞ്ഞാൽ അവയ്ക്ക് മുൻഗണന നൽകുകയാണ് അടുത്തപടി. പ്രധാനപ്പെട്ട ലക്ഷ്യങ്ങൾ അവഗണിക്കാതെ മുന്നോട്ടുപോകാൻ അത് സാഹയിക്കും. ഉദാഹരണത്തിന്, ആഡംബര കാർ വാങ്ങുന്നതിനോ, വിദേശ വിനോദയാത്ര പോകുന്നതിനോ ഉള്ളതിനേക്കാൾ പ്രാധാന്യം റിട്ടയർമെന്റ് ജീവിതത്തിന് നൽകേണ്ടതുണ്ട്. കുട്ടികളുള്ളവരാണെങ്കിൽ അവരുടെ വിദ്യാഭ്യാസവുംമറ്റും പരിഗണിക്കേണ്ടിവരും. എത്രയുംനേരത്തെ ആരംഭിക്കാൻ കഴിയുന്നുവോ അത്രയും കുറച്ചുതുകമതി നിക്ഷേപിക്കാൻ. മുൻകൂട്ടിയുള്ള ആസൂത്രണം അതിന് സഹായകമാകുന്നു. പ്രത്യേക പോർട്ട്ഫോളിയോ എല്ലാ ലക്ഷ്യങ്ങളും ഒരേ കാലയളവിൽ പൂർത്തിയാക്കേണ്ടവയല്ലാത്തതിനാൽ വ്യത്യസ്ത പോർട്ട്ഫോളിയോതന്നെ ഉണ്ടാക്കേണ്ടിവരും. വീടുണ്ടാക്കാൻ 3-5വർഷം വേണ്ടിവന്നേക്കാം. കുട്ടികളുടെ വിദ്യാഭ്യാസം 10-15 വർഷം കഴിഞ്ഞായിരിക്കാം. വിരമിക്കാൻ 30-35വർഷം മുന്നിലുണ്ടായേക്കാം. കാലയളവിനനുസരിച്ച് വ്യത്യസ്ത ആസ്തികളിലും നിക്ഷേപിക്കേണ്ടിവരും. സാമ്പത്തിക ലക്ഷ്യങ്ങൾക്കനുസരിച്ചുതന്നെ മുന്നേറേണ്ടത് പ്രധാനമാണ്. ഉദാഹരണത്തിന്, കുട്ടികളുടെ ഉന്നത വിദ്യാഭ്യാസമെന്ന ലക്ഷ്യത്തിൽനിന്ന് പിന്മാറിയാൽ വിരമിച്ചതിനുശേഷമുള്ള ജീവതത്തിന് നീക്കിവെക്കുന്നത് ഗുണകരമാകില്ല. ഈ ലക്ഷ്യത്തിന് നീക്കിവെച്ചതുക വകമാറ്റേണ്ടിവന്നേക്കാം. അതുമാത്രമല്ല, നിക്ഷേപവളർച്ച അവലോകനംചെയ്യാനും ലക്ഷ്യംനേടുന്നതിനുള്ള പ്രയാണത്തിൽ യാത്രശരിയായ ദിശയിലാണെന്ന് ഇടക്കിടെ ഉറപ്പുവരുത്താനും അത് ആവശ്യമാണ്. ഭാവിയിൽ നിക്ഷേപ തുകവർധിപ്പിക്കാനും പോർട്ട്ഫോളിയോയിൽനിന്ന് ചലി പദ്ധതികൾ നീക്കംചെയ്യാനും കൂട്ടിച്ചേർക്കാനും ഇത് അനിവാര്യമാണ്. പദ്ധതികളുടെ തിരഞ്ഞെടുപ്പ് ദീർഘകാല ലക്ഷ്യമാണെങ്കിൽ, മറ്റെല്ലാ ആസ്തികളെയും മറകടക്കുന്ന നേട്ടംനൽകാൻ ഓഹരി അധിഷ്ഠിത പദ്ധതികൾക്ക് കഴിയും. പണപ്പെരുപ്പത്തെ അതിജീവിക്കാനുള്ളനേട്ടം ഓഹരി പദ്ധതികളിൽനിന്ന് ലഭിക്കുമെന്ന് ചരുക്കും. സാമ്പത്തിക ലക്ഷ്യങ്ങൾ നേടുന്നതിന് മുന്നിലുള്ള ഏറ്റവുംവലിയ വെല്ലുവിളി പണപ്പെരുപ്പമാണ്. റിസ്ക് പ്രൊഫൈൽ വിലിയുരുത്തി ഓഹരിയിൽ നേരിട്ടോ, മ്യൂച്വൽ ഫണ്ടിന്റെവഴിയോ തിരഞ്ഞെടുക്കേണ്ടിയിരിക്കുന്നു. അസ്ഥിര സ്വാഭാവം കണക്കിലെടുത്ത് ഹ്രസ്വ-മധ്യകാലയളവിലെ ലക്ഷ്യങ്ങൾക്ക് ഓഹരിയേക്കാൾ ഡെറ്റ് അധിഷ്ഠിത പദ്ധതികൾക്ക് പ്രാധാന്യംനൽകണം. ബാങ്ക് സ്ഥിരനിക്ഷേപം, പോസ്റ്റ് ഓഫീസ് പദ്ധതികൾ, കടപ്പത്രം എന്നിവ അസ്ഥിരമല്ലാത്തതിനാൽ മൂലധനം സംരക്ഷിക്കാൻ പര്യാപ്തമാണ്. ഇതുകൂടാതെ പണമാക്കൽ(ലിക്വിഡിറ്റി), ആദായത്തോടൊപ്പമുള്ള നികുതി ബാധ്യത, നിർബന്ധമായുള്ള നിക്ഷേപ കാലാവധി-തുടങ്ങിയവ കണക്കിലെടുക്കണം. നിക്ഷേപിക്കേണ്ട തുക ലക്ഷ്യം നിർണയിക്കുകയും മുൻഗണന നൽകുകയുംചെയ്തുകഴിഞ്ഞാൽ, അത് നിറവേറ്റാൻ എത്രതുക നിക്ഷേപിക്കേണ്ടിവരുമെന്ന് കണ്ടെത്താം. നിർദ്ദിഷ്ടലക്ഷ്യം കൈവരിക്കുന്നതിന് വിലക്കയറ്റതോതുകൂടി ക്രമീകരിച്ചതിനുശേഷം ഭാവിയിൽ ആവശ്യമായ മൊത്തംതുകയാണ് കണക്കാക്കേണ്ടത്. ഉദാഹരണത്തിന്, ഇപ്പോൾ 15 ലക്ഷം രൂപ വണ്ടിവരുന്ന മകന്റെ വിദ്യാഭ്യാസത്തിന് 21വർഷത്തിനുശേഷം എത്രതുകവരുമെന്ന് കണ്ടെത്താം. ഇതിനായി ശരാശരി 7 ശതമാനം വാർഷിക പണപ്പെരുപ്പം കൂടിചേർക്കാം. അതുപ്രകാരം 62 ലക്ഷം രൂപയായിയിരിക്കും ലക്ഷ്യതുക. ഇക്വിറ്റി മ്യൂച്വൽ ഫണ്ടിലാണ് നിക്ഷേപിക്കുന്നതെങ്കിൽ ചുരുങ്ങിയത് 12ശതമാനം വാർഷികാദായം പ്രതീക്ഷിക്കാം. അതിനനസുരിച്ച് പ്രതിമാസം നിക്ഷേപിക്കേണ്ടുത ഇപ്പോൾ തീരുമാനിക്കാം. മാസം 5,500 രൂപ നിക്ഷേപിക്കാനായാൽ നിശ്ചിത സമയത്ത് ലക്ഷ്യതുക കണ്ടെത്താം. നിക്ഷേപ പദ്ധതി നിക്ഷേപ ലക്ഷ്യങ്ങൾക്കനുസരിച്ചുള്ള പദ്ധതികൾ തിരഞ്ഞെടുത്താൽ ഏറെക്കുറെ പൂർത്തിയായി. ദീർഘകാല ലക്ഷ്യങ്ങൾക്ക് ഇക്വിറ്റി മ്യൂച്വൽ ഫണ്ടുകൾ, ഇടത്തരം കാലയളവിലെ ലക്ഷ്യങ്ങൾക്ക് ഹൈബ്രിഡ് ഫണ്ടുകൾ, ഹ്രസ്വകാല ലക്ഷ്യങ്ങൾക്ക് ഡെറ്റ് ഫണ്ടുകൾ എന്നിങ്ങനെ ക്രമീകരിക്കാം. മികച്ചതും അനുയോജ്യമായതുമായ ഫണ്ടുകൾ തിരഞ്ഞെടുത്ത് എസ്ഐപിയായി നിക്ഷേപംതുടങ്ങാം. വിപണിയുടെ ഉയർച്ചതാഴ്ചകളിൽ നിക്ഷേപകർ പതറരുത്. വിപണി ഇടിയുമ്പോൾ നടത്തുന്ന നിക്ഷേപം ഭാവിയിൽ മികച്ചനേട്ടം ലഭിക്കാൻ സാഹയിക്കുമെന്നകാര്യം മറക്കരുത്. ലക്ഷ്യതുകയെത്തിയാൽ ഇക്വിറ്റിയിൽനിന്ന് ഡെറ്റിലേക്ക് ഘട്ടംഘട്ടമായി മാറാം. അതിനും വ്യക്തമായ ആസൂത്രണമുണ്ടാകണം. പരിരക്ഷ ഉറപ്പാക്കാം നിക്ഷേപ ലക്ഷ്യങ്ങൾക്കനുസരിച്ച് പോർട്ട്ഫോളിയോ രൂപപ്പെടുത്തുമ്പോൾ സ്വന്തം ജീവിതത്തിനും പരിരക്ഷ ഏർപ്പെടുത്താൻ ശ്രദ്ധിക്കണം. നമ്മുടെ അഭാവത്തിൽ കുടുംബത്തിന് മുന്നോട്ടുപോകാൻ ടേം പ്ലാൻ ഉറപ്പാക്കാം. ആവശ്യത്തിന് ആസ്തി ഇതിനകം സമാഹരിക്കാനായില്ലെങ്കിൽ ഭാവിയിലെ ആവശ്യങ്ങൾക്കൂടി നിർവഹിക്കാനുതകുന്ന തുകക്ക് ഇൻഷുറൻസ് പരിരക്ഷ ഏർപ്പെടുത്താം. ഒന്നോ രണ്ടോ കോടി രൂപയുടെ പരിരക്ഷയെങ്കിലും വേണമെന്നുചരുക്കം. അതിനായി എൻഡോവ്മെന്റ്, മണിബാക്ക്, യുലിപ് പോലുള്ള നിക്ഷേപവും ഇൻഷുറൻസും കൂട്ടികലർത്തിയുള്ള പ്ലാനുകളല്ല അനുയോജ്യം. കുറഞ്ഞ പ്രീമിയത്തിൽ കൂടുതൽ പരിരക്ഷ ലഭിക്കുന്ന ടേം പ്ലാൻതന്നെ ഉറപ്പാക്കുക. feedback to: antonycdavis@gmail.com ശ്രദ്ധിക്കാൻ:സ്വന്തമായി നിക്ഷേപംനടത്തുന്ന(DIY) മിക്കവാറും നിക്ഷേപകരും കരുതുന്നത്, സാമ്പത്തികാസൂത്രണമെന്നത് നിക്ഷേപആസൂത്രണത്തിന് സമാനമാണെന്നാണ്. സാമ്പത്തികാസൂത്രണത്തിന്റെ ഒരുഭാഗംമാത്രമാണതെന്ന് മനസിലാക്കുക. സാമ്പത്തിക ലക്ഷ്യങ്ങൾ ക്രമീകരിച്ച് അതിനനുസരിച്ച് മുന്നോട്ടുപോകാൻ കഴിയില്ലെങ്കിൽ ഉപദേഷ്ടാവിന്റെ സേവനംതേടാം. ഓഹരിയിലും മ്യൂച്വൽ ഫണ്ടിലും ഉൾപ്പടെ സ്വന്തമായി നിക്ഷേപംനടത്തുന്നവർ പ്രകടിപ്പിക്കുന്ന അമിത ആത്മവിശ്വാസം അപകടത്തിലാകും കൊണ്ടെത്തിക്കുക. നിക്ഷേപ പദ്ധതികളെക്കുറിച്ച് വ്യക്തമായ ധാരണയും ആവശ്യമാണ്. ഉപദേശകൻ മുന്നോട്ടുവെക്കുന്ന പദ്ധതികളെക്കുറിച്ചും അവയുടെ പ്രവർത്തനരീതിയെക്കുറിച്ചും ചെലവിനത്തിൽ നിക്ഷേപ പദ്ധതികൾ ഈടാക്കുന്നതുകയെക്കുറിച്ചും മനസിലാക്കിയിരിക്കണം.

from money rss https://bit.ly/33bhmV7
via IFTTT

സെൻസെക്‌സിൽ 448 പോയന്റ് നേട്ടത്തോടെ തുടക്കം: നിഫ്റ്റി 17,000ന് മുകളിൽ

മുംബൈ: കഴിഞ്ഞ ദിവസത്തെ വില്പന സമ്മർദത്തെ അതിജീവിച്ച് വിപണി. അനിശ്ചിതത്വം തുടരുമ്പോഴും ആഗോള വിപണികളിലെ മുന്നേറ്റം രാജ്യത്തെ സൂചികകൾ നേട്ടമാക്കി. സെൻസെക്സ് 448 പോയന്റ് നേട്ടത്തിൽ 57,195ലും നിഫ്റ്റി 135 പോയന്റ് ഉയർന്ന് 17,047ലുമാണ് വ്യാപാരം ആരംഭിച്ചത്. സെൻസെക്സിലെ 30 ഓഹരികളിൽ 29 എണ്ണവും നേട്ടത്തിലാണ്. ആക്സിസ് ബാങ്ക്, അൾട്രടെക് സിമെന്റ്സ്, മാരുതി സുസുകി, ടാറ്റ സ്റ്റീൽ, മഹീന്ദ്ര ആൻഡ് മഹീന്ദ്ര, ബജാജ് ഫിനാൻസ്, ബജാജ് ഓട്ടോ, എച്ച്ഡിഎഫ്സി, ടിസിഎസ്, ഭാരതി എയർടെൽ, എൽആൻഡ്ടി, സൺ ഫാർമ തുടങ്ങിയ ഓഹരികളാണ് നേട്ടത്തിൽ. മിഡ്ക്യാപ്, സ്മോൾ ക്യാപ് സൂചികകൾ യഥാക്രമം 0.6ശതമാനവും 0.9ശതമാനവും ഉയർന്നു. സെക്ടറൽ സൂചികകളും ഒരുശതമാനത്തോളം നേട്ടത്തിലാണ്.

from money rss https://bit.ly/3020tL7
via IFTTT

സെന്‍സെക്‌സില്‍ 949 പോയന്റ് നഷ്ടം: നിഫ്റ്റി 17,000ന് താഴെ | Stock Market Closing

മുംബൈ: ഒമിക്രോൺ വ്യാപനഭീതിയിൽ രണ്ടാമത്തെ വ്യാപാര ദിനത്തിലും സൂചികകൾ നഷ്ടത്തിൽ ക്ലോസ്ചെയ്തു. നിഫ്റ്റി വീണ്ടും 17,000ന് താഴെയെത്തി. സെൻസെക്സ് 949.32 പോയന്റ് താഴ്ന്ന് 56,747.14ലിലും നിഫ്റ്റി 284.40 പോയന്റ് നഷ്ടത്തിൽ 16,912.30ലുമാണ് വ്യാപാരം അവസാനിപ്പിച്ചത്. ഒമിക്രോണിനൊപ്പം വരാനിരിക്കുന്ന വായ്പാനയവും നിക്ഷേപകരെ കരുതലെടുക്കാൻ പ്രേരിപ്പിച്ചു. ഐടി, എഫ്എംസിജി ഓഹരികളാണ് കനത്ത വില്പന സമ്മർദംനേരിട്ടത്. ഓട്ടോ, ധനകാര്യ ഓഹരികളിലും ദുർബലാവസ്ഥ തുടർന്നു. യുപിഎൽ ഒഴികെ നിഫ്റ്റി50യിലെ എല്ലാ ഓഹരികളും നഷ്ടത്തിലാണ് വ്യാപാരം അവസാനിപ്പിച്ചത്. കോൾ ഇന്ത്യ, ഇൻഡസിൻഡ് ബാങ്ക്, ടാറ്റ കൺസ്യൂമർ പ്രൊഡക്ട്സ്, ബജാജ് ഫിൻസർവ്, എച്ച്സിഎൽ ടെക്നോളജീസ് തുടങ്ങിയ ഓഹരികളാണ് പ്രധാനമായും നഷ്ടംനേരിട്ടത്. ഐടി സൂചിക രണ്ടുശതമാനം നഷ്ടംനേരിട്ടു. മറ്റ് സെക്ടറുകൾ ഒരുശതമാനംവീതം താഴ്ന്നു. ബിഎസ്ഇ മിഡ്ക്യാപ്, സ്മോൾ ക്യാപ് സൂചികകളും ഒരുശതമാനം സമ്മർദത്തിലായി. Sensex plunges 949pts, Nifty ends 285pts lower.

from money rss https://bit.ly/3dl4ldn
via IFTTT

വായ്പാനയ പ്രഖ്യാപനം എട്ടിന്: ഒമിക്രോണ്‍ ഭീഷണിക്കിടയില്‍ ആര്‍ബിഐ നിരക്കുകള്‍ ഉയര്‍ത്തുമോ?

ഡിസംബർ എട്ടിന് പ്രഖ്യാപിക്കുന്ന റിസർവ് ബാങ്കിന്റെ വായ്പാനയത്തിൽ നിരക്കുകൾ കൂട്ടുമോ? വിലക്കയറ്റത്തോടൊപ്പം ഒമിക്രോൺ വകഭേദം ഉണ്ടാക്കിയേക്കാവുന്ന സമ്മർദവും സമ്പദ് വ്യവസ്ഥക്ക് ആഘാതം സൃഷ്ടിച്ചേക്കാമെന്ന വിലയിരുത്തൽ നിലനിൽക്കെയാണ് ഇത്തവണത്തെ എംപിസി യോഗം. റിപ്പോ നിരക്ക് നാലുശതമാനത്തിൽതന്നെ നിലനിർത്തിയേക്കുമെന്നാണ് വിലയിരുത്തൽ. ഉൾക്കൊള്ളാവുന്നത്(അക്കൊമഡേറ്റീവ്)നയംതന്നെ തുടർന്നേക്കാമെന്നുമാണ് റിപ്പോർട്ടുകൾ. റിവേഴ്സ് റിപ്പോ നിരക്ക് നിലവിലെ 3.35ശതമാനത്തിൽതന്നെ തുടർന്നേക്കാം. റിവേഴ്സ് നിരക്ക് ഉയർത്തിയേക്കുമെന്ന് നേരത്തെ റിപ്പോർട്ടുകളുണ്ടായിരുന്നെങ്കിലും പുതിയ സാഹചര്യം കണക്കിലെടുത്ത് അതുംനീട്ടിവെച്ചേക്കുമെന്നാണ് സൂചന. കോവിഡിനെതുടർന്ന് തുടർച്ചയായി അടച്ചിടാനുണ്ടായ സാഹചര്യത്തിൽ സമ്പദ്ഘടനക്ക് കരുത്തേകുകയെന്ന ലക്ഷ്യത്തോടെ പണലഭ്യത വർധിപ്പിക്കാനാണ് റിവേഴ്സ് റിപ്പോനിരക്കിൽ കറവുവരുത്തിയത്. റിപ്പോനിരക്കും റിവേഴ്സ് റിപ്പോനിരക്കും തമ്മിൽ 0.25ശതമാനത്തിന്റെ വ്യത്യാസമാണ് സാധാരണ ഉണ്ടാകാറുള്ളത്. നിലവിൽ ഈ വ്യത്യാസം 0.65ശതമാനമാണ്. മുമ്പ് കണക്കാക്കിയിരുന്ന 7.9ശതമാനത്തിൽനിന്ന് രണ്ടാംപാദത്തിൽ 8.4ശതമാനം വളർച്ചനേടിയതും ഉത്തേജനപദ്ധതികളിൽനിന്ന് ഘട്ടംഘട്ടമായി പിന്മാറാൻ ആർബിഐയെ പ്രേരിപ്പിച്ചിരുന്നു. ഇപ്പോൾ റിവേഴ്സ് റിപ്പോ ഉയർത്തി, ഘട്ടംഘട്ടമായി റിപ്പോ നിരക്കിലും വർധനവരുത്താനായിരുന്നു ആർബിഐ ലക്ഷ്യമിട്ടിരുന്നത്. ആഗോളതലത്തിലും ഇന്ത്യയിലും പണപ്പെരുപ്പ നിരക്കുകൾ ഉയരുന്നത് ആർബിഐയെ സമ്മർദത്തിലാക്കുന്നുണ്ട്.

from money rss https://bit.ly/31wnPcr
via IFTTT

Sunday, 5 December 2021

ഈ ബാങ്കുകൾ സ്ഥിര നിക്ഷേപത്തിന് 6.30%വരെ പലിശ നൽകും: ടാക്‌സ് സേവിങിന് പരിഗണിക്കാം

നടപ്പ് സാമ്പത്തിക വർഷം പിന്നിടാൻ ഇനി നാലുമാസംമാത്രം. അതുകൊണ്ടുതന്നെ നികുതിയിളവിനുള്ള നിക്ഷേപം ഇപ്പോഴേ ക്രമീകരിക്കാം. നികുതിയിളവിനുള്ള നിക്ഷേപം പരിഗണിക്കുമ്പോൾ 10ശതമാനംവരെ നികുതി സ്ലാബിലുള്ളവരാണെങ്കിൽ ബാങ്ക് എഫ്ഡിക്ക് മുൻഗണന നൽകാം. 80 സി പ്രകാരം ഒരുവർഷം 1.50 ലക്ഷം രൂപവരെയുള്ള നിക്ഷേപത്തിനാണ് നികുതിയിളവ് ലഭിക്കുക. അഞ്ചുവർഷത്തെ സ്ഥിര നിക്ഷേപം നടത്തിയാൽ ഇളവ് നേടാം. ഇടയ്ക്കുവെച്ച്നിക്ഷേപം പിൻവലിക്കാൻ അനുവദിക്കില്ലെന്നകാര്യം മറക്കേണ്ട. ചെറുകിട സ്വകാര്യ ബാങ്കുകളാണ് കൂടുതൽ പലിശ വാഗ്ദാനംചെയ്യുന്നത്. അഞ്ചു ലക്ഷം രൂപവരെയുള്ള നിക്ഷേപത്തിനും പലിശക്കും ക്രഡിറ്റ് ഗ്യാരണ്ടി കോർപറേഷന്റെ ഇൻഷുറൻസ് പരിരക്ഷയുള്ളതുകൊണ്ട് നിക്ഷേപം സുരക്ഷിതമായിരിക്കും. ടാക്സ് സേവിങ് നിക്ഷേപത്തിന് ആർബിഎൽ ബാങ്ക് നൽകുന്നത് 6.30ശതമാനം പലിശയാണ്. 1.5 ലക്ഷം രൂപ നിക്ഷേപിച്ചാൽ അഞ്ചുവർഷക്കാലാവധിയെത്തുമ്പോൾ പലിശയടക്കം 2.05 ലക്ഷം രൂപയാണ് ലഭിക്കുക. യെസ് ബാങ്കിൽ 6.25ശതമാനമാണ് പലിശ. 1.50 ലക്ഷം രൂപയുടെ നിക്ഷേപം കാലാവധിയെത്തുമ്പോൾ 2.05 ലക്ഷം രൂപയാകും. ഐഡിഎഫ്സി ഫെസ്റ്റ് ബാങ്ക്, ഇൻഡസിൻഡ് ബാങ്ക് എന്നിവ ടാക്സ് സേവിങ് എഫ്ഡിക്ക് നൽകുന്നത് ആറുശതമാനം പലിശയാണ്. 1.50 ലക്ഷം രൂപ നിക്ഷേപിച്ചാൽ കാലാവധിയെത്തുമ്പോൾ 2.02 ലക്ഷം രൂപ ലഭിക്കും. ഡിസിബി ബാങ്ക് നൽകുന്നത് 5.95ശതമാനം പലിശയാണ്. അഞ്ചുവർഷം പൂർത്തിയാകുമ്പോൾ 1.50 ലക്ഷം രൂപയുടെ നിക്ഷേപം 2.02ലക്ഷമാകും. ആക്സിസ് ബാങ്കും കരൂർ വൈശ്യ ബാങ്കും 5.75ശതമാനം പലിശയാണ് വാഗ്ദാനംചെയ്യുന്നത്. 1.50 ലക്ഷം രൂപയുടെ നീക്ഷേപം 2 ലക്ഷമാകും.

from money rss https://bit.ly/3opGwXV
via IFTTT

നഷ്ടം ഓട്ടോ, ബാങ്ക് ഓഹരികളില്‍; നിഫ്റ്റി 17,150നുമുകളില്‍ | Market Opening

മുംബൈ: വ്യാപാര ആഴ്ചയുടെ ആദ്യദിനത്തിൽ സൂചികകളിൽ കാര്യമായ നേട്ടമില്ല. സെൻസെക്സ് 83 പോയന്റ് താഴ്ന്ന് 57,612ലും നിഫ്റ്റി 28 പോയന്റ് നഷ്ടത്തിൽ 17,168ലുമാണ് വ്യാപാരം ആരംഭിച്ചത്. ഭാരതി എയർടെൽ, ഐസിഐസിഐ ബാങ്ക്, എൽആൻഡ്ടി, ടൈറ്റാൻ, പവർഗ്രിഡ് കോർപ്, എസ്ബിഐ, ഐടിസി, ഏഷ്യൻ പെയിന്റ്സ്, ഡോ.റെഡ്ഡീസ് ലാബ്, ബജാജ് ഫിൻസർവ്, സൺ ഫാർമ, എച്ച്സിഎൽ ടെക്, ആക്സിസ് ബാങ്ക് തുടങ്ങിയ ഓഹരികളാണ് പ്രധാനമായും നഷ്ടത്തിൽ. ടെക് മഹീന്ദ്ര, എച്ച്ഡിഎഫ്സി, ടിസിഎസ്, നെസ് ലെ, റിലയൻസ്, ഹിന്ദുസ്ഥാൻ യുണിലിവർ തുടങ്ങിയ ഓഹരികൾ നേട്ടത്തിലുമാണ്. റിയാൽറ്റി, മീഡിയ സെക്ടറുകൾമാത്രമാണ് നേട്ടത്തിൽ. ഓട്ടോ, ഐടി, ധനകാര്യം തുടങ്ങിയ സൂചികകൾ നഷ്ടത്തിലുമാണ്. ബിഎസ്ഇ മിഡ് ക്യാപ് സൂചിക 0.15ശതമാനവും സ്മോൾ ക്യാപ് 0.14ശതമാനവും ഉയർന്നാണ് വ്യാപാരം നടക്കുന്നത്.

from money rss https://bit.ly/3DrwKJ6
via IFTTT

Saturday, 4 December 2021

എടിഎംവഴി പണംപിൻവലിക്കൽ: ജനുവരിമുതൽ ചെലവേറും

സൗജന്യ പരിധിക്കുപുറത്തുവരുന്ന എടിഎം ഇടാപാടുകൾക്ക് ജനുവരിമുതൽ കൂടുതൽ നിരക്ക് നൽകേണ്ടിവരും. എടിഎം ഇടപാടുകളുടെ ഫീസ് ഉയർത്താൻ റിസർവ് ബാങ്ക് അനുമതി നൽകിയതിനെതുടർന്നാണിത്. 2022 ജനുവരി മുതൽ ഓരോ ഇടപാടിനും 20 രൂപയ്ക്കുപകരം 21 രൂപയും ജിഎസ്ടിയുമാണ് നൽകേണ്ടിവരിക. പ്രതിമാസം അനുവദിച്ചിട്ടുള്ള സൗജന്യ ഇടപാടുകൾക്ക് പുറമെവരുന്നതിനാണ് അധികനിരക്ക് ബാധകമായിട്ടുള്ളത്. നിലവിൽ പ്രതിമാസം അഞ്ച് സൗജന്യ ഇടപാടുകളാണ് അനുവദിച്ചിട്ടുള്ളത്. സാമ്പത്തിക-സാമ്പത്തികേതര ഇടപാടുകൾ ഉൾപ്പടെയുള്ളതാണിത്. മെട്രോ നഗരങ്ങളിൽ മൂന്ന് ഇടപാടുകളാണ് സൗജന്യമായി നടത്താനാകുക. നിരക്ക് വർധന സംബന്ധിച്ച് ഇതിനകം ബാങ്കുകൾ ഉപഭോക്താക്കളെ അറിയിച്ചിട്ടുണ്ട്.

from money rss https://bit.ly/3oksVBl
via IFTTT

സിൽവർ ഇടിഎഫ് തുടങ്ങാൻ ഫണ്ട് കമ്പനികൾ: ബ്ലോക്ക്‌ചെയിൻ ഫണ്ടുമായി സച്ചിൻ ബൻസാൽ

രാജ്യത്ത് സിൽവർ ഇടിഎഫിന് അനുമതി നൽകിയതോടെ നിരവധി മ്യൂച്വൽ ഫണ്ട് കമ്പനികൾ ഓഫർ ഡോക്യുമെന്റുകളുമായി സെബിയെ സമീപിച്ചു. ആദിത്യ ബിർള സൺലൈഫ്, നിപ്പോൺ ഇന്ത്യ, മിറ അസറ്റ് തുടങ്ങിയവയാണ് സിൽവർ ഇടിഎഫ് തുടങ്ങാനുള്ള നടപടിക്രമങ്ങൾക്ക് തുടക്കമിട്ടത്.കഴിഞ്ഞമാസമാണ് സെക്യൂരിറ്റീസ് ആൻഡ് എക്സ്ചേഞ്ച് ബോർഡ് ഓഫ് ഇന്ത്യ സിൽവർ ഇടിഎഫ് തുടങ്ങുന്നതിനുള്ള വ്യവസ്ഥകൾക്ക് അംഗീകാരം നൽകിയത്. സ്വർണത്തെപ്പോലെ വെള്ളിയിലും നിക്ഷേപിച്ച് അതിലെ നേട്ടം നിക്ഷേപകർക്ക് കൈമാറുകയാണ് ഇടിഎഫ് വഴി ചെയ്യുന്നത്.പണലഭ്യത ഉറപ്പുവരുത്താൻ നിക്ഷേപത്തിന്റെ ചെറിയൊരുഭാഗം ഡെറ്റ് പദ്ധതികളിലും നിക്ഷേപിക്കും. വാങ്ങൽ, വിൽക്കൽ നടപടികൾ എളുപ്പമാക്കുന്നതിന് സിൽവർ ഇടിഎഫിന്റെ യൂണിറ്റുകൾ സ്റ്റോക്ക് എക്സ്ചേഞ്ചുകളിൽ ലിസ്റ്റ് ചെയ്യും. ഇതോടെ വിപണി സമയത്ത് എപ്പോൾ വേണമെങ്കിലും നിക്ഷേപിക്കാനും നിക്ഷേപം പിൻവലിക്കാനും കഴിയും. ബ്ലോക്ക് ചെയിൻ ഫണ്ട് സച്ചിൻ ബെൻസാലിന്റെ നേതൃത്വത്തിലുള്ള നവി മ്യൂച്വൽ ഫണ്ട് ബ്ലോക്ക്ചെയിൻ ഇൻഡക്സ് ഫണ്ട് ഓഫ് ഫണ്ട് (എഫ്ഒഎഫ്) തുടങ്ങും. അതിന്റെ മുന്നോടിയായി ഓഫർ ഡോക്യുമെന്റ് സെബിക്ക് കൈമാറി. അതിനിടെ ഇൻവെസ്കോ മ്യൂച്വൽ ഫണ്ടിന്റെ ഗ്ലോബൽ ബ്ലോക്ക്ചെയിൻ ഇടിഎഫ് തൽക്കാലം തുടങ്ങേണ്ടെന്ന് തീരുമാനിച്ചു. രാജ്യത്ത് ക്രിപ്റ്റോകറൻസി നിയന്ത്രണവുമായി ബന്ധപ്പെട്ട് അനിശ്ചിതത്വം നിലനിൽക്കുന്നതിനാലാണിതന്നെ് കമ്പനി വ്യക്തമാക്കി. ഇൻവെസ്കോ കോയിൻഷെയർ ഗ്ലോബൽ ബ്ലോക്ക്ചെയിൻ ഇടിഎഫ് -എന്നായിരുന്നു ഫണ്ടിന്റെ പേര്. MFs rush to launch silver ETF.

from money rss https://bit.ly/2ZRgPWO
via IFTTT

Friday, 3 December 2021

വളര്‍ച്ച അനുകൂലം: വിലക്കയറ്റവും ഒമിക്രോണും സമ്പദ്ഘടനയ്ക്ക് ഭീഷണി |Analysis

ഇന്ത്യൻ സമ്പദ്വ്യവസ്ഥ 2022 സാമ്പത്തികവർഷം രണ്ടാംപാദ വളർച്ചാ നിരക്ക് 8.4 ശതമാനമെന്ന ആകർഷകമായ നിരക്ക് രേഖപ്പെടുത്തിയിരിക്കയാണ്. സാമ്പത്തിക പ്രവർത്തനങ്ങൾ വീണ്ടും സജീവമായതും കുത്തിവെപ്പ് വ്യാപകമായതും വീണ്ടെടുപ്പിനെ സഹായിച്ചു. വ്യത്യസ്ത സൂചികകളും വിരൽചൂണ്ടുന്നത് സമ്പദ്വ്യവസ്ഥ കോവിഡിനുമുമ്പുള്ള നിലവാരത്തിലേക്കുമടങ്ങുന്നു എന്ന വസ്തുതയിലേക്കാണ്. കുതിപ്പിന്റെ പാതയിൽ ജിഡിപിയുടെ 50 ശതമാനത്തിനു മുകളിൽവരുന്ന ഉപഭോഗ ഡിമാന്റാണ് ഇന്ത്യൻ സമ്പദ്വ്യവസ്ഥയുടെ നട്ടെല്ലായി പരിഗണിക്കപ്പെടുന്നത്. സ്വകാര്യ അന്തിമ ഉപഭോഗ ചിലവു(പിഎഫ്സിഇ)കണക്കുകൾ പ്രകാരം 2022 സാമ്പത്തികവർഷം രണ്ടാംപാദത്തിൽ മുൻവർഷത്തെയപേക്ഷിച്ച് 8.64 ശതമാനം വളർച്ചാനിരക്കു രേഖപ്പെടുത്തി. 2021 സാമ്പത്തികവർഷം രണ്ടാം പാദത്തിൽ ഇത് 11 ശതമാനം സങ്കോചിച്ചിരുന്നു. മുൻപാദത്തിലെ 15 ശതമാനം കുറവിനെയപേക്ഷിച്ച് 2022 സാമ്പത്തികവർഷം രണ്ടാം പാദത്തിൽ 11.4 ശതമാനം വളർച്ച രേഖപ്പെടുത്തിയിട്ടുണ്ട്. ഇതേ കാലയളവിൽ ചരക്കുകളുടേയും സേവനങ്ങളുടേയും ഇറക്കുമതിയിൽ 40 ശതമാനം വളർച്ചയാണു രേഖപ്പെടുത്തിയിട്ടുള്ളത്. മുകളിൽപറഞ്ഞ രണ്ടുസൂചകങ്ങളും വിരൽചൂണ്ടുന്നത് സമ്പദ് വ്യവസ്ഥയിൽ അഭ്യന്തര ഡിമാന്റ് വളർന്നുകൊണ്ടിരിക്കുന്നു എന്നവസ്തുതയിലേക്കാണ്. അനുകൂലമായ അടിസ്ഥാനഫലങ്ങളും ഈ കുതിപ്പിന് ആക്കം കൂട്ടിയിട്ടുണ്ട്. അതുപോലെ, നിക്ഷേപ ഡിമാന്റ്, മൊത്ത സ്ഥിരആസ്തി നിർണയ (ജിഎഫ്സിഎഫ്) കണക്കുകളനുസരിച്ച് 2022 സാമ്പത്തികവർഷം രണ്ടാം പാദത്തിൽ 11.1 ശതമാനം എന്നതോതിൽ രണ്ടക്ക വളർച്ചാനിരക്കും രേഖപ്പെടുത്തുകയുണ്ടായി. ഉത്പാദന, കാർഷിക മേഖലകളിലും മുന്നേറ്റം മഹാമാരിയുടെ വരവിനു മുമ്പുതന്നെ സമ്പദ്വ്യവസ്ഥയിൽ നിക്ഷേപ ഡിമാന്റ് കുറവായിരുന്നു. നിക്ഷേപരംഗത്തെ വളർച്ചാനിരക്കു നിലനിർത്തുന്നതിന് ഉപഭോഗ ഡിമാന്റിന്റെ ശക്തമായ തിരിച്ചുവരവ് അനിവാര്യമാണ്. സർക്കാരിന്റെ അന്തിമ ഉപഭോഗ ചിലവുകളുടെ (ജിഎഫ്സിഇ)കണക്കുകളിൽ 8.7 ശതമാനം വളർച്ചയാണു രേഖപ്പെടുത്തിയിട്ടുള്ളത്. അനുകൂലമായ അടിസ്ഥാന ഫലങ്ങളുടെ പിന്തുണയാണ് പ്രധാനമായും ഈവളർച്ചക്കു കാരണം. 2021 സാമ്പത്തിക വർഷം രണ്ടാം പാദത്തിൽ ജിഎഫ്സിഇ 23.5 ശതമാനം സങ്കോചം രേഖപ്പെടുത്തിയിരുന്നു. 2022 സാമ്പത്തികവർഷം രണ്ടാംപാദത്തിൽ ചേർക്കപ്പെട്ട മൊത്തമൂല്യ (ജിവിഎ) കണക്കുകളിലും 8.5 ശതമാനം വളർച്ച രേഖപ്പെടുത്തിയിട്ടുണ്ട്. മുൻവർഷത്തെയപേക്ഷിച്ച് ഇതേകാലയളവിൽ കാർഷികരംഗവും 4.49 ശതമാനം വളർച്ചപ്രകടിപ്പിച്ചു. മുൻപാദത്തിലെ 4.52 ശതമാനത്തേക്കാൾ നേരിയകുറവുണ്ട്. ഉൽപന്ന നിർമ്മാണ മേഖലയിലെ വളർച്ച 2022 സാമ്പത്തിക വർഷം രണ്ടാംപാദത്തിൽ മുൻവർഷം ഇതേകാലയളവിലെ 1.5 ശതമാനത്തെയപേക്ഷിച്ച് 5.5 ശതമാനം വളർച്ചരേഖപ്പെടുത്തി. അടിസ്ഥാന ഫലങ്ങൾ അനുകൂലമെങ്കിലും ഈരംഗത്തെ പ്രകടനം ആകർഷകം തന്നെയായിരുന്നു. കോവിഡിനുമുമ്പുള്ള 2020 സാമ്പത്തിക വർഷം രണ്ടാംപാദത്തിൽ ഈ മേഖല 3 ശതമാനം സങ്കോചിക്കുകയുണ്ടായി. വിലക്കയറ്റ ഭീഷണി ഇന്ത്യൻ സമ്പദ്വ്യവസ്ഥ സാവധാനം വളർച്ചാ പാതയിലേക്കു കുതിക്കുകയാണ്. എങ്കിലും ഈകുതിപ്പിന്റെ വേഗംകുറയ്ക്കാവുന്ന ചില ഘടകങ്ങൾ കാണാതിരുന്നുകൂട. ഒന്നാമതായി വർധിക്കുന്ന വിലക്കയറ്റ നിരക്കിന് ഈ വളർച്ചാ മാർഗത്തിൽ തടസംസൃഷ്ടിക്കാൻ കഴിയും. പെട്രോൾ, ഡീസൽ വിലകളുടെ എക്സൈസ് നികുതി അൽപം കുറച്ചത് ഗുണകരമെങ്കിലും വിലക്കയറ്റ ഭീഷണി ഇനിയും അകന്നിട്ടില്ല. വളരുന്ന വില നിരക്കുകൾ ഉണ്ടാക്കുന്ന സമ്മർദ്ദം പണനയം കർശനമാക്കാൻ റിസർവ് ബാങ്കിനെ പ്രേരിപ്പിച്ചേക്കും. ആഗോളവും അഭ്യന്തരവുമായ ഘടകങ്ങൾ വിലകൾ വർധിക്കാനിടയാക്കുന്നുണ്ട്. രണ്ടാമതായി, കോവിഡിന്റെ പുതിയ വകഭേദമായ ഒമിക്രോൺ സൃഷ്ടിക്കുന്ന അനിശ്ചിതാവസ്ഥയും സാമ്പത്തിക വീണ്ടെടുപ്പിന്റെ കാര്യത്തിൽ അതുസൃഷ്ടിച്ചേക്കാവുന്ന പ്രശ്നങ്ങളും ഇനിയും വ്യക്തമല്ല. വളർച്ചയുടെ പാതയിൽ നിലനിൽക്കാൻ സമ്പദ്വ്യവസ്ഥയ്ക്ക് ഇനിയും പിന്തുണ ആവശ്യമുണ്ട്. അവ പിൻവലിക്കുന്ന കാര്യം ആലോചിക്കാറായിട്ടില്ല. (ജിയോജിത് ഫിനാൻഷ്യൽ സർവീസസിലെ സാമ്പത്തിക വിദഗ്ധയാണ് ലേഖിക)

from money rss https://bit.ly/3Ggo226
via IFTTT

നേട്ടംനിലനിർത്താനായില്ല: സെൻസെക്‌സിലെ നഷ്ടം 765 പോയന്റ്, നിഫ്റ്റി 17,200നുതാഴെ|Market Closing

മുംബൈ: രണ്ടുദിവസത്തെ നേട്ടത്തിനുശേഷം സൂചികകൾ വീണ്ടും കനത്ത തകർച്ചനേരിട്ടു. റിലയൻസ് ഇൻഡസ്ട്രീസിന്റെയും ബാങ്ക്, എഫ്എംസിജി ഓഹരികളുടെയും ഇടിവാണ് സൂചികകളെ ബാധിച്ചത്. രാവിലത്തെ വ്യാപാരത്തിനിടെ 300 പോയന്റോളം സെൻസെക്സ് നേട്ടമുണ്ടാക്കിയെങ്കിലും കനത്ത വില്പന സമ്മർദമാണ് പിന്നീട് വിപണി നേരിട്ടത്. സെൻസെക്സ് 764.83 പോയന്റ് താഴ്ന്ന് 57,696.46ലും നിഫ്റ്റി 205 പോയന്റ് നഷ്ടത്തിൽ 17,196.70ലുമാണ് വ്യാപാരം അവസാനിപ്പിച്ചത്. പവർഗ്രിഡ് കോർപ്, റിലയൻസ് ഇൻഡസ്ട്രീസ്, ടെക് മഹീന്ദ്ര, ഏഷ്യൻ പെയിന്റ്സ്, കൊട്ടക് മഹീന്ദ്ര ബാങ്ക് തുടങ്ങിയ ഓഹരികളാണ് പ്രധാനമായും നഷ്ടംനേരിട്ടത്. യുപിഎൽ, ബിപിസിഎൽ, ഒഎൻജിസി, ഐഒസി, എൽആൻഡ്ടി തുടങ്ങിയ ഓഹരികൾ നേട്ടമുണ്ടാക്കുകയുംചെയ്തു. ക്യാപിറ്റൽ ഗുഡ്സ് ഒഴികെയുള്ള സെക്ടറുകൾ നഷ്ടത്തിലായി. ബിഎസ്ഇ മിഡ്ക്യാപ്, സ്മോൾ ക്യാപ് സൂചികകൾക്കും കാര്യമായ നേട്ടമുണ്ടാക്കാനായില്ല. Sensex slumps 765pts, Nifty ends below 17,200.

from money rss https://bit.ly/3xPMep4
via IFTTT

സ്റ്റാർ ഹെൽത്ത് ഐപിഒ: ആവശ്യത്തിന് നിക്ഷേപകരെ കിട്ടിയില്ല, സമാഹരിക്കാനുദ്ദേശിച്ച തുകകുറച്ചു

രാജ്യത്തെ ഐപിഒ വിപണിയിൽ നിക്ഷേപക താൽപര്യം കുറയുകയാണോ? പേടിഎമ്മിന്റെ ലിസ്റ്റിങിനെതുടർന്ന് വിപണിയിലെത്തിയ സ്റ്റാർ ഹെൽത്ത് ഐപിഒക്ക് ആവശ്യത്തിന് നിക്ഷേപകരെ ലഭിച്ചില്ല. വിപണിയിൽ ലിസ്റ്റ്ചെയ്ത് രണ്ടുദിവത്തിനുള്ളിൽ പേടിഎമ്മിന്റെ ഓഹരി വില 40ശതമാനത്തോളം താഴ്ന്നിരുന്നു. 18,000 കോടിയോളം രൂപയാണ് പേടിഎം സമാഹരിച്ചതെങ്കിൽ 7,249 കോടി രൂപയെന്ന ലക്ഷ്യമായിരുന്നു സ്റ്റാർ ഹെൽത്തിനുണ്ടായിരുന്നത്. ഓഫർ ഫോർ സെയിൽവഴിയുള്ള ഓഹരി വില്പനയുടെ ഒരുഭാഗം ഇതേതുടർന്ന് സ്റ്റാർ ഹെൽത്തിന് കുറയ്ക്കേണ്ടിവന്നു. വില്പനക്കുവെച്ച ഓഹരികൾ മുഴുവനും വാങ്ങാനുള്ള അപേക്ഷകൾ ലഭിക്കാതിരുന്നതാണ് സ്റ്റാർ ഹെൽത്തിന് തിരിച്ചടിയായത്. സമയംനീട്ടിയിട്ടും 79ശതമാനം ഓഹരികൾക്കുമാത്രമാണ് അപേക്ഷ ലഭിച്ചത്. റീട്ടെയിൽ, ഇൻസ്റ്റിറ്റിയൂഷണൽ നിക്ഷേപകരുടെ ഭാഗം പൂർണമായും സബ്സ്ക്രൈബ് ചെയ്തെങ്കിലും അതിസമ്പന്നർക്ക് നീക്കിവെച്ചിട്ടുള്ള ഓഹരികൾക്കാണ് ആവശ്യത്തിന് അപേക്ഷകൾ ലഭിക്കാതിരുന്നത്. 750 കോടി (10 കോടി ഡോളർ) രൂപമൂല്യമുള്ള ഓഹരികൾക്കുള്ള അപേക്ഷകളുടെ കുറവാണുണ്ടായത്. ഇതേതുടർന്ന് ഓഫർ ഫോർ സെയിൽ വഴിയുള്ള ഓഹരി വില്പനയുടെ ഭാഗം കമ്പനിക്ക് കുറയ്ക്കേണ്ടിവന്നു. 7,249 കോടി രൂപ സമാഹരിക്കുകയെന്ന ലക്ഷ്യത്തോടെയാണ് കമ്പനി ഐപിഒയുമായെത്തിയത്. 2000 കോടി രൂപയുടെ പുതിയ ഓഹരികളും 5249 കോടി രൂപയുടെ ഓഫർ ഫോർ സെയി(നിലവിലുള്ള ഓഹരി ഉടമകൾ വിറ്റൊഴിയുന്നത്)ലുമാണ് ഉദ്ദേശിച്ചിരുന്നത്. ഓഹരിയൊന്നിന് 870-900 നിലവാരത്തിലാണ് വില നിശ്ചിയിച്ചിരുന്നത്.

from money rss https://bit.ly/3dgsYI3
via IFTTT

Thursday, 2 December 2021

ക്രിപ്‌റ്റോ നിരോധിച്ചേക്കില്ല; ആസ്തിയായി പരിഗണിച്ച് സെബിക്കുകീഴിൽ കൊണ്ടുവന്നേക്കും

ക്രിപ്റ്റോകറൻസി നിരോധിക്കുന്നതിനുപകരം ആസ്തിയായി പരിഗണിച്ച് സെബിയുടെ നിയന്ത്രണത്തിന് കീഴിൽ കൊണ്ടുവന്നേക്കും. നിർദിഷ്ട നിയമപ്രകാരം ക്രിപ്റ്റോകറൻസിയെ ക്രിപ്റ്റോ-അസറ്റ്(ആസ്തി)ആയിപുനർനാമകരണംചെയ്ത് സെക്യൂരിറ്റീസ് ആൻഡ് എക്സ്ചേഞ്ച് ബോർഡ് ഓഫ് ഇന്ത്യ(സെബി)യുടെ പരിധിയിൽ ഉൾപ്പെടുത്താനാണ് സാധ്യത. ക്രിപ്റ്റോ എക്സ്ചേഞ്ചുകളെല്ലാം ഇതോടെ സെബിയുടെ നിയന്ത്രണത്തിൽവരും. സെബി രജിസ്ട്രേഡ് പ്ലാറ്റ്ഫോമിലൂടെയും എക്സ്ചേഞ്ചുകളിലൂടെയുമാകും ഇടപാട് സാധ്യമാകുക. നിയന്ത്രണങ്ങൾ ലംഘിച്ചാൽ 20 കോടി രൂപവരെ പിഴയും തടവും നേരിടേണ്ടിവന്നേക്കാം. നിലവിൽ ക്രിപ്റ്റോ ഇടപാട് നടത്തുന്ന എക്സ്ചേഞ്ചുകൾക്ക് സെബിയിൽ രജിസ്റ്റർ ചെയ്യാൻ നിശ്ചിത സമയം അനുവദിക്കും. സെബിയുടെ നിയന്ത്രണംവരുന്നതോടെ ഇടപാടുകൾ സുതാര്യമാകുകയും ദിനംപ്രതിയെന്നോണം പുതിയതായി വരുന്ന ക്രിപ്റ്റോ പ്ലാറ്റ്ഫോമുകൾക്ക് തടയിടനുമാകും. നിയന്ത്രണങ്ങൾ ഫലപ്രദമായി നടപ്പാക്കുന്നതിന് ആഗോളതലത്തിലുള്ള കെവൈസി മാനദണ്ഡങ്ങൾ, നിക്ഷേപക സംരക്ഷണ സംവിധാനം, നികുതിവ്യവസ്ഥകൾ തുടങ്ങിയവ രൂപപ്പെടുത്തുകയും നടപ്പാക്കുകയും ചെയ്യുകയെന്നത് വെല്ലുവിളിയാകുമെന്നാണ് വിലയിരുത്തൽ. നിലവിൽ ക്രിപ്റ്റോക്ക് നിയന്ത്രണമേർപ്പെടുത്താൻ ആഗോളതലത്തിൽപ്പോലും റെഗുലേറ്ററി സംവിധാനമില്ല. എല്ലാ ഇടപാടുകളും എക്സ്ചേഞ്ചുകളിലൂടെമാത്രമാണ്. അതുകൊണ്ടുതന്നെ എല്ലാ ഇടപാടുകളും ഓരോ വാലറ്റും സൂക്ഷിക്കാൻ കേന്ദ്രീകൃത ഡീമാറ്റ് സംവിധാനം ഒരിക്കേണ്ടിവന്നേക്കാം. കള്ളപ്പണംവെളുപ്പിക്കൽ തടയുന്നതിന് പിഎംഎൽഎ നിയമത്തിലെ വ്യവസ്ഥകളും ബാധകമാക്കേണ്ടിവരും. ക്രിപ്റ്റോയെ ആസ്തിയായി പരിഗണിക്കുന്നതോടൊപ്പം റിസർവ് ബാങ്ക് പുറത്തിറക്കുന്ന ഡിജിറ്റൽ കറൻസിയുമായി സാമ്യമില്ലെന്ന് ഉറപ്പാക്കുമെന്നുമാണ് റിപ്പോർട്ടുകൾ. ആർബിഐയുടെ ഡിജിറ്റൽ കറൻസി ബില്ലുമായും ബന്ധമുണ്ടാവില്ല. ഇപ്പോൾ നടക്കുന്ന പാർലമെന്റിന്റെ ശീതകാല സമ്മേളനത്തിന്റെ മൂന്നാംആഴ്ച പുതുക്കിയ ബില്ല് അവതരിപ്പിച്ചേക്കുമെന്നാണ് റിപ്പോർട്ടുകൾ.

from money rss https://bit.ly/3xRRcC4
via IFTTT

ക്രഡിറ്റ് കാർഡുവഴിയുള്ള ചെലവഴിക്കൽ ഒക്ടോബറില്‍ ഒരു ലക്ഷം കോടി കടന്നു

ഉത്സവസീസണിന്റെ ആവേശത്തിൽ ഉപഭോക്താക്കളിലെ ചെലവിടൽ ശീലത്തിൽ വൻവർധന. ഇതാദ്യമായി ഒക്ടോബർ മാസത്തിൽ ക്രഡിറ്റ് കാർഡുവഴിയുള്ള ചെലവഴിക്കൽ ഒരു ലക്ഷം കോടി രൂപ കടന്നു. ക്രഡിറ്റ് കാർഡ് ഉപയോഗിച്ചുള്ള ചെലവിടൽ പരിശോധിച്ചാൽ കഴിഞ്ഞമാസത്തെ അപേക്ഷിച്ച് 25ശതമാനമാണ് വർധന. വർഷിക വർധന വിലയിരുത്തുകയാണെങ്കിൽ 56ശതമാവും. ആർബിഐയാണ് ഇതുസംബന്ധിച്ച റിപ്പോർട്ട് പുറത്തുവിട്ടത്. സെപ്റ്റംബറിലാണ് ഇതിനുമുമ്പുള്ള ഏറ്റവുംകൂടിയ തുക രേഖപ്പെടുത്തിയത്. 80,477.18 കോടി രൂപ. ഓഗസ്റ്റിലാകട്ടെ 77,981 രൂപയുമായിരുന്നു ഇത്. കോവിഡിനുമുമ്പ് 2020 ജനുവരിയിലും ഫെബ്രുവരിയിലും യഥാക്രമം 67,402.25 കോടിയും 62,902.93 കോടിയുമായിരുന്നു ക്രഡിറ്റ് കാർഡുവഴി ചെലവഴിച്ചത്. ക്രഡിറ്റ് കാർഡ് ഉപയോഗിക്കുന്നവരുടെ എണ്ണത്തിലും ഈകാലയളവിൽ ഇരട്ടിയിലേറെ വർധനവുണ്ടായിട്ടുണ്ട്. എച്ച്ഡിഎഫ്സി ബാങ്കാണ് ഏറ്റവുംകൂടുതൽ കാർഡുകൾ വിതരണംചെയ്തിട്ടുള്ളത്. ഒക്ടോബറിൽമാത്രം 2,58,285 ക്രഡിറ്റ്കാർഡുകളാണ് വിതരണം ചെയ്തത്. Credit card spend crosses Rs 1 trillion first time in a month.

from money rss https://bit.ly/3DnYZse
via IFTTT

മൂന്നാംദിവസവും നേട്ടം: നിഫ്റ്റി 17,450 മുകളില്‍|Market Opening

മുംബൈ: മൂന്നാമത്തെ ദിവസവും വിപണിയിൽ മുന്നേറ്റത്തോടെ തുടക്കം. സെൻസെക്സ് 206 പോയന്റ് നേട്ടത്തിൽ 58,667ലും നിഫ്റ്റി 59 പോയന്റ് ഉയർന്ന് 17,461ലുമാണ് വ്യാപാരം ആരംഭിച്ചത്. രാജ്യത്തെ ജിഡിപി നിരക്കുകളിലെ മുന്നേറ്റവും ജിഎസ്ടി വരുമാനത്തിലെ വർധനവും സമ്പദ്ഘടന മുന്നേറ്റത്തിന്റെ പാതയിലാണെന്നതിന് തെളിവായത് നിക്ഷേപകരിൽ ആത്മവിശ്വാസമുയർത്തി. എൽആൻഡ്ടി, ആക്സിസ് ബാങ്ക്, കൊട്ടക് മഹീന്ദ്ര ബാങ്ക് തുടങ്ങിയ ഓഹരികളാണ് പ്രധാനമായും നേട്ടത്തിൽ. നെസ് ലെ, ഹിൻഡാൽകോ, ടാറ്റ കൺസ്യൂമർ പ്രൊഡക്ട്സ്, ബജാജ് ഓട്ടോ, ഹിന്ദുസ്ഥാൻ യുണിലിവർ തുടങ്ങിയ ഓഹരികൾ നഷ്ടത്തിലുമാണ്. ബിഎസ്ഇ മിഡ്ക്യാപ്, സ്മോൾ ക്യാപ് സൂചികകൾ യഥാക്രമം 0.34ശതമാനവും 0.5ശതമാനവും നേട്ടത്തിലാണ്. സെക്ടറൽ സൂചികകളിൽ നിഫ്റ്റി എഫ്എംസിജി, ഫാർമ എന്നിവ സമ്മർദത്തിലാണ്. ക്യാപിറ്റൽ ഗുഡ്സ്, പവർ സൂചികകൾ ഒരുശതമാനം ഉയർന്നു.

from money rss https://bit.ly/3Ernuq0
via IFTTT

സെൻസെക്‌സിൽ 776 പോയന്റിന്റെ കുതിപ്പ്: നിഫ്റ്റി 17,400ന് മുകളിൽ |Market Closing

മുംബൈ: ഡിസംബറിലെ രണ്ടാമത്തെ ദിവസവും ദലാൾ സ്ട്രീറ്റിൽ കരടികൾ പിടിമുറുക്കി. ദിനവ്യാപാരത്തിലെ ഏറ്റവും ഉയർന്ന നിലവാരത്തിലാണ് വിപണി ക്ലോസ് ചെയ്തത്. ഐടി, ധനകാര്യ ഓഹരികളിലെ മുന്നേറ്റമാണ് വിപണി നേട്ടമാക്കിയത്. സെൻസെക്സ് 776.50 പോയന്റ് ഉയർന്ന് 58,461.29ലും നിഫ്റ്റി 234.80 പോയന്റ് നേട്ടത്തിൽ 17,401.70ലുമാണ് വ്യാപാരം അവസാനിപ്പിച്ചത്. എച്ച്ഡിഎഫ്സി നാലുശതമാനം ഉയർന്ന് 2,810 നിലവാരത്തിലെത്തി. പവർഗ്രിഡ് കോർപ്, സൺ ഫാർമ, ടെക് മഹീന്ദ്ര, എച്ച്സിഎൽ ടെക്, ടാറ്റ സ്റ്റീൽ തുടങ്ങിയ ഓഹരികളും നേട്ടത്തിൽമുന്നിലെത്തി. ഐസിഐസിഐ ബാങ്ക്, ആക്സിസ് ബാങ്ക് തുടങ്ങിയ ഓഹരികൾ നഷ്ടമുണ്ടാക്കുകയുംചെയ്തു. ഒമിക്രോൺ ഭീതി ആഗോള വിപണികളെ ബാധിച്ചപ്പോഴാണ് ആഭ്യന്തര സൂചികകൾ മികച്ചനേട്ടമുണ്ടാക്കിയത്. ഐടി, മെറ്റൽ, റിയാൽറ്റി, ഓട്ടോ, എഫ്എംസിജി, ഓയിൽ ആൻഡ് ഗ്യാസ് ഉൾപ്പടെ എല്ലാ സൂചികകളും നേട്ടത്തിലാണ് ക്ലോസ്ചെയ്തത്. ബിഎസ്ഇ മിഡ്ക്യാപ്, സ്മോൾ ക്യാപ് സൂചികകൾ ഒരുശതമാനംവീതം ഉയർന്നു. Sensex gains 776 points, Nifty around 17,400.

from money rss https://bit.ly/3rtNrBn
via IFTTT

കല്യാൺ സിൽക്സിന്റെ ത്രീ ഇൻ വൺ കോംബോ ഓഫർ

തൃശ്ശൂർ: കല്യാൺ സിൽക്സിന്റെ കേരളത്തിലുടനീളമുള്ള ഷോറൂമുകളിലും ബെംഗളൂരു, യു.എ.ഇ., മസ്കത്ത് ഷോറൂമുകളിലും ത്രീ ഇൻ വൺ കോംബോ ഓഫറിന് തിരിതെളിഞ്ഞു. ഓരോ ഷോപ്പിങ്ങിലൂടെയും മൂന്ന് ഇരട്ടി ലാഭം നേടുവാനുള്ള അവസരമാണ് കോംബോ ഓഫറിലൂടെ കല്യാൺ സിൽക്സ് ലഭ്യമാക്കുന്നത്. സാരി, ലേഡീസ് വെയർ, മെൻസ് വെയർ, കിഡ്സ് വെയർ, ടീൻ വെയർ തുടങ്ങി എല്ലാ വിഭാഗങ്ങളിലും കോംബോ ഓഫറിന്റെ ആനുകൂല്യങ്ങൾ ലഭിക്കും. കല്യാൺ സിൽക്സിന്റെ സ്വന്തം തറികളും പ്രൊഡക്ഷൻ യൂണിറ്റുകളും ഡിസൈൻ സെന്റുകളുമാണ് ഇത്തരമൊരു ബൃഹത്തായ കോംബോ ഓഫർ സാധ്യമാക്കിയതെന്ന് കല്യാൺ സിൽക്സിന്റെ ചെയർമാനും മാനേജിങ് ഡയറക്ടറുമായ ടി.എസ്. പട്ടാഭിരാമൻ പറഞ്ഞു. കോംബോ ഉത്സവത്തിന്റെ ഭാഗമായി ന്യൂ ഇയർ - ക്രിസ്മസ് സീസണിൽ പ്രത്യേകം രൂപകല്പനചെയ്ത കളക്ഷനുകളും കല്യാൺ സിൽക്സിന്റെ ഷോറൂമുകളിൽ എത്തിയിട്ടുണ്ട്. 2022-നായി കല്യാൺ സിൽക്സ് ഒരുക്കുന്ന വസ്ത്രങ്ങൾ മെൻസ് വെയർ, ലേഡീസ് വെയർ, കിഡ്സ് വെയർ എന്നീ വിഭാഗങ്ങളിൽ ഇടം നേടും. കോംബോ ഓഫർ ഇല്ലാതെയും കല്യാൺ സിൽക്സിന്റെ ഏറ്റവും പുതിയ ശ്രേണികൾ ഷോറൂമുകളിൽ ലഭ്യമാണ്.

from money rss https://bit.ly/3DfPJq6
via IFTTT

ഭാരത് ബോണ്ട് ഇടിഎഫിൽ ഡിസംബർ മൂന്നുമുതൽ നിക്ഷേപിക്കാം: വിശദാംശങ്ങൾ അറിയാം

മൂന്നാംഘട്ടമായി പുറത്തിറക്കുന്ന ഭാരത് ബോണ്ട് ഇടിഎഫിൽ ഡിസംബർ മൂന്നുമുതൽ ഒമ്പതുവരെ നിക്ഷേപിക്കാം. പൊതുമേഖല സ്ഥാപനങ്ങളുടെ ഉയർന്ന റേറ്റിങ്(ട്രിപ്പിൾ എ)ഉള്ള കടപ്പത്രങ്ങളിലാണ് ഇടിഎഫ് നിക്ഷേപം നടത്തുക. 1000 കോടി രൂപയാണ് സമാഹരിക്കാൻ ലക്ഷ്യമിട്ടിട്ടുള്ളത്. അപേക്ഷകൾക്കനുസരിച്ച് തുകവർധിപ്പിച്ചേക്കാം. 2021 ഒക്ടോബർ 31പ്രകാരം 36,359 കോടി രൂപയാണ് ഭാരത് ബോണ്ട് ഇടിഎഫിന്റെ മൊത്തം ആസ്തി. ഡെറ്റ് ഉപകരണങ്ങളിൽ നിക്ഷേപിക്കുന്ന ഫിക്സ്ഡ് മെച്യൂരിറ്റി പ്ലാനാണിത്. 2031 ഏപ്രിൽ 15നാണ് കാലാവധിയെത്തുക. എൻഎസ്ഇയിലാകും ബോണ്ട് ലിസറ്റ്ചെയ്യുക. 2031വരെ കാലാവധിയുണ്ടെങ്കിലും എക്സ്ചേഞ്ചുവഴി എപ്പോൾവേണമെങ്കിലും നിക്ഷേപം പിൻവലിക്കാൻ കഴിയും. ചെലവ് ഫണ്ട് കൈകാര്യംചെയ്യുന്നതിന് ചെറിയതുകയാണ് ചെലവിനത്തിൽ ഈടാക്കുക. അതായത് പ്രതിവർഷം 0.0005ശതമാനംമാത്രം. രണ്ടുലക്ഷം രൂപയുടെ നിക്ഷേപത്തന്മേൽ ചെലവിനത്തിൽവരുന്ന പരമാവധി ബാധ്യത ഒരു രൂപമാത്രമാണ്. സർക്കാരിനുവേണ്ടി ഈഡെൽവെയ്സ് മ്യൂച്വൽ ഫണ്ടാണ് ബോണ്ട് കൈകാര്യംചെയ്യുക. ആദായം കാലാവധി പൂർത്തിയാകുമ്പോൾ നികുതികിഴിച്ച് 6.87ശതമാനമാകും ആദായം ലഭിക്കുക. ബാങ്ക് നിക്ഷേപത്തെ അപേക്ഷിച്ച് ആകർഷകമാണ് ആദായം. 1000 രൂപയാണ് മിനിമം നിക്ഷേപം. നെറ്റ് ബാങ്കിങ്, യുപിഐ തുടങ്ങിയവ വഴി ഓൺലൈനായി നിക്ഷേപം നടത്താൻ അവസരമുണ്ട്. ഇന്ത്യൻ റെയിൽവെ ഫിനാൻസ് കോർപറേഷൻ, പവർ ഫിനാൻസ് കോർപറേഷൻ, പവർഗ്രിഡ് കോർപറേഷൻ, എൻടിപിസി, നബാർഡ്, എക്സ്പോർട്ട് ഇംപോർട്ട് ബാങ്ക് ഓഫ് ഇന്ത്യ, എൻഎച്ച്പിസി, ന്യൂക്ലിയർ പവർ കോർപറേഷൻ ഓഫ് ഇന്ത്യ തുടങ്ങിയ പൊതുമേഖല സ്ഥാപനങ്ങളുടെ കടപ്പത്രങ്ങളിലാണ് ഇടിഎഫ് നിക്ഷേപം നടത്തുക.

from money rss https://bit.ly/3oeoVSQ
via IFTTT

Wednesday, 1 December 2021

ചുരുങ്ങിയ നിക്ഷേപം 1000 രൂപ: 15 ലക്ഷംരൂപയിലേറെ നേടാം

ജനകീയമായ നിരവധി നിക്ഷേപ പദ്ധതികൾ പോസ്റ്റ് ഓഫീസുകൾ വാഗ്ദാനംചെയ്യുന്നുണ്ട്. വിപണിയുടെ നഷ്ടസാധ്യതകളൊന്നുമില്ലാതെ സർക്കാർ ഗ്യാരണ്ടിയുള്ള നിക്ഷേപ പദ്ധതികളാണ് സ്മോൾ സേവിങ്സ് സ്കീമുകൾ. ബാങ്ക് നിക്ഷേപത്തേക്കാളും താരതമ്യേന ഉയർന്ന പലിശ നിരക്കാണ് പോസ്റ്റ് ഓഫീസ് നിക്ഷേപങ്ങൾക്ക് നൽകുന്നത്. സ്ഥിര നിക്ഷേപ പദ്ധതികൾ തിരഞ്ഞെടുക്കാൻ താൽപര്യപ്പെടുന്നവർക്ക് എന്തുകൊണ്ടും അനുയോജ്യമാണ് ഈ പദ്ധതികൾ. അഞ്ചുവർഷംകൊണ്ട് 15.55 ലക്ഷം രൂപയിലേറെ സമ്പാദിക്കാൻ ലഘു സമ്പാദ്യ പദ്ധതികൾവഴികഴിയും. ജോലിയിൽനിന്ന് വിരമിച്ച നിക്ഷേപകർക്കിടയിൽ ജനകീയമായ പദ്ധതിയാണ് സീനിയർ സിറ്റിസൺസ് സേവിങ്സ് സ്കീം. സുരക്ഷിതമാണെന്നുമാത്രമല്ല, ഉയർന്ന പലിശയാണ് പദ്ധതി വാഗ്ദാനംചെയ്യുന്നത്. പലിശ സീനിയർ സിറ്റിസൺസ് സ്കീമിന് 7.4ശതമാനം പലിശയാണ് നൽകുന്നത്. മൂന്നുമാസത്തിലൊരിക്കലാണ് പലിശ നിരക്ക് പരിഷ്കരിക്കുന്നത്. 15 ലക്ഷം രൂപ നിക്ഷേപിച്ചാൽ മൂന്നുമാസംകൂടമ്പോൾ 27,750 രൂപവീതം പലിശലഭിക്കും. ഇതുപ്രകാരം അഞ്ചുവർഷകാലാവധിയെത്തുമ്പോൾ പലിശയിനത്തിൽമാത്രം 5.55 ലക്ഷം രൂപയാകും ലഭിക്കുക. പരമാവധി 15 ലക്ഷം രൂപയാണ് നിക്ഷേപിക്കാൻ കഴിയുക. പങ്കാളിയുടെ പേരിലും 15 ലക്ഷംകൂടി നിക്ഷേപിക്കാൻ അനുവദിക്കും. പലിശനിരക്കിലെ വ്യതിയാനം നിക്ഷേപ കാലാവധി അഞ്ചുവർഷമാണ് കാലാവധിയെങ്കിലും മൂന്നുവർഷംകൂടി നീട്ടാൻ കഴിയും. പദ്ധതിയിലെ നിക്ഷേപത്തിന് 80സി പ്രകാരം ആദായനികുതിയിളവ് ലഭിക്കും. അടുത്തുള്ള പോസ്റ്റോഫീസിൽപോയി ഫോം പൂരിപ്പിച്ച് രേഖകൾ സഹിതംനൽകി അക്കൗണ്ട് തുടങ്ങാം. പോസ്റ്റോഫീസിനക്കൂടാതെ തിരഞ്ഞെടുത്ത ബാങ്കുകൾവഴിയും അക്കൗണ്ട് ആരംഭിക്കാം. ആർക്കൊക്കെചേരാം? 60വയസ് പൂർത്തിയായ ഇന്ത്യൻ പൗരനായിരിക്കണം. വിആർഎസ് എടുത്തവരാണെങ്കിൽ 55 വയസ്സായാൽമതി. 50വയസ്സിന് താഴെയുള്ള വിമുക്തഭടന്മാർക്കും പദ്ധതിയുടെ ഭാഗമാകാം.

from money rss https://bit.ly/3xJ6Srb
via IFTTT

പെട്രോൾ ജി.എസ്.ടി.യിൽ ഉൾപ്പെടുത്താനാകില്ലെന്ന് ജി.എസ്.ടി. കൗൺസിൽ

കൊച്ചി: പെട്രോളും ഡീസലും ജി.എസ്.ടി.യിൽ ഉൾപ്പെടുത്തുന്നതിലെ ബുദ്ധിമുട്ട് ചൂണ്ടിക്കാട്ടി ജി.എസ്.ടി. കൗൺസിൽ നൽകിയ വിശദീകരണത്തിൽ അതൃപ്തി രേഖപ്പെടുത്തി ഹൈക്കോടതി. കോവിഡ് കാലത്ത് പെട്രോളിയം ഉത്പന്നങ്ങൾ ജി.എസ്.ടി.യിൽ ഉൾപ്പെടുത്തുന്നതിൽ ബുദ്ധിമുട്ടുണ്ടെന്നായിരുന്നു സെൻട്രൽ ബോർഡ് ഓഫ് ഇൻഡയറക്ട് ടാക്സസ് ആൻഡ് കസ്റ്റംസ് അറിയിച്ചത്. തിരുവനന്തപുരത്തെ കേരള പ്രദേശ് ഗാന്ധി ദർശൻവേദി നൽകിയ ഹർജിയിലാണ് വിശദീകരണം. ഇതിലാണ് ചീഫ് ജസ്റ്റിസ് എസ്. മണികുമാറും ജസ്റ്റിസ് ഷാജി പി. ചാലിയും അടങ്ങിയ ഡിവിഷൻ ബെഞ്ച് അതൃപ്തി രേഖപ്പെടുത്തിയത്. പെട്രോളിയം ഉത്പന്നങ്ങൾ ജി.എസ്.ടി.യിൽ ഉൾപ്പെടുത്തുന്ന വിഷയം ജി.എസ്.ടി.കൗൺസിൽ പരിഗണിച്ചിരുന്നുവെന്ന് കേന്ദ്രസർക്കാർ അഭിഭാഷകൻ വിശദീകരിച്ചു. വിശദമായ ചർച്ച ആവശ്യമാണെന്നും അതിനാൽ മഹാമാരിയുടെ കാലത്ത് പെട്രോളിയം ഉത്പന്നങ്ങൾ ജി.എസ്.ടി.യിൽ ഉൾപ്പെടുത്തുന്നതിൽ ബുദ്ധിമുട്ടുണ്ടെന്നുമാണ് അറിയിച്ചത്. ഇതാണ് ഹൈക്കോടതിയുടെ അതൃപ്തിക്ക് കാരണമായത്. Content Highlights : Petrol cannot be included in GST says GST Council

from money rss https://bit.ly/31jk9KL
via IFTTT

സെന്‍സെക്‌സില്‍ 244 പോയന്റ് നേട്ടം: നിഫ്റ്റി 17,250നരികെ |Market Opening

മുംബൈ: സൂചികകളിൽ രണ്ടാമത്തെ ദിവസവും നേട്ടത്തോടെ തുടക്കം. സെൻസെക്സ് 244 പോയന്റ് ഉയർന്ന് 57,929ലും നിഫ്റ്റി 76 പോയന്റ് നേട്ടത്തിൽ 17,243ലുമാണ് വ്യാപാരം നടക്കുന്നത്. ആഗോള വിപണികളിലെ നേട്ടമാണ് രാജ്യത്തെ സൂചികകളിലും പ്രതിഫലിച്ചത്. മഹീന്ദ്ര ആൻഡ് മഹീന്ദ്ര, എച്ച്ഡിഎഫ്സി, ടൈറ്റാൻ, പവർഗ്രിഡ്, ഏഷ്യൻ പെയിന്റ്സ്, എച്ച്സിഎൽ ടെക്, സൺ ഫാർമ, ഭാരതി എയർടെൽ, മാരുതി സുസുകി, ബജാജ് ഓട്ടോ, റിലയൻസ് ഇൻഡസ്ട്രീസ്, ഇൻഡസിൻഡ് ബാങ്ക്, ഇൻഫോസിസ്, എൻടിപിസി, ഡോ.റെഡ്ഡീസ് ലാബ് തുടങ്ങിയ ഓഹരികളാണ് നേട്ടത്തിൽ. ഐടിസി, ബജാജ് ഫിൻസർവ്, എസ്ബിഐ, എച്ച്ഡിഎഫ്സി ബാങ്ക്, ടെക് മഹീന്ദ്ര തുടങ്ങിയ ഓഹരികൾ നഷ്ടത്തിലുമാണ്. ബിഎസ്ഇ മിഡ്ക്യാപ്, സ്മോൾ ക്യാപ് സൂചികകളും നേട്ടത്തിലാണ്. അതേസമയം, നിഫ്റ്റി മെറ്റൽ, ബാങ്ക് സൂചികകൾ സമ്മർദത്തിലാണ്. നിഫ്റ്റി ഓട്ടോ, ഫാർമ സൂചികകളിൽ നഷ്ടത്തിലാണ് വ്യാപാരം നടക്കുന്നത്.

from money rss https://bit.ly/3Ej8vhu
via IFTTT