ഉത്പന്നങ്ങള്‍ വിറ്റഴിക്കാന്‍ വന്‍ വിലക്കിഴിവ് പ്രഖ്യാപിച്ച് പ്രമുഖ ഇലക്ട്രോണിക് ബ്രാന്‍ഡുകള്‍

രാജ്യത്തെ മുൻനിരയിലുള്ള സ്മാർട്ട് ഫോൺ, ഇലക്ട്രോണിക് ബ്രാൻഡുകൾ 50 ശതമാനംവരെ വിലക്കിഴിവ് നൽകി ഉത്പന്നങ്ങൾവിറ്റഴിക്കാൻ തയ്യാറെടുക്കുന്നു. സാംസങ്, എൽജി, ഷവോമി, പാനസോണിക്, ടിസിഎൽ, റിയൽമി, തോംസൺ, വിവോ, ബിപിഎൽ, കൊടാക് തുടങ്ങിയ ബ്രാൻഡുകളാണ് പ്രീമിയം ഉത്പന്നങ്ങൾക്കുൾപ്പടെ വിലക്കിഴിവ് പ്രഖ്യാപിച്ചിട്ടുള്ളത്. കോവിഡ് വ്യാപനത്തെതുടർന്ന് കുറച്ച് മാസങ്ങളായി തളർച്ചയിലായ വ്യാപാരം തിരിച്ചുപിടിക്കുകയാണ് കമ്പനികളുടെ ലക്ഷ്യം. ഉത്സവ സീസണ് മുന്നോടിയായി ഇ-കൊമേഴ്സ് സ്ഥാപനങ്ങളായ ആമസോൺ, ഫ്ളിപ്കാർട്ട് എന്നിവ ഇതിനകം വിലക്കിഴിവ് വില്പനയുമായി രംഗത്തുവന്നിട്ടുണ്ട്. ജിയോമാർട്ടും ഇലക്ട്രോണിക് ഉത്പന്നങ്ങൾക്ക് ഉത്സവ ഓഫറുമായെത്തും. അതിനുപുറമെ ഓഫ്ലൈൻ സ്റ്റോറുകളിലൂടെയും വിലക്കിഴിവ് വിൽപന നടത്താനാണ് കമ്പനികൾ തയ്യാറെടുക്കുന്നത്. സ്മാർട്ട്ഫോൺ, റഫ്രിജറേറ്റർ, വാഷിങ് മെഷീൻ, ടെലിവിഷൻ. എയർ കണ്ടീഷണർ തുടങ്ങിയ ഡിമാന്റുകൂടിയ ഉത്പന്നങ്ങൾക്കാകും കൂടുതൽ വിലക്കിഴിവ്. ലഭ്യതക്കുറവ് അനുഭവപ്പെടുന്ന ടെലിവിഷൻ സെറ്റ് വിപണിയിൽ പതിവുള്ളതിനേക്കാൾ 10 മുതൽ 20ശതമാനംവരെ വിലക്കിഴിവാകും ലഭിക്കുകയെന്ന് ഈ മേഖലയിൽനിന്നുള്ളവർ പറയുന്നു. ദീർഘകാല ഇഎംഐ സൗകര്യം, കുറഞ്ഞ പ്രതിമാസ തിരിച്ചടവ്, കാഷ് ബാക്ക് ഓഫർ, ദീർഘിപ്പിച്ച വാറന്റി എന്നിവയും ലഭിക്കും. Leading electronic brands to offer big discounts

from money rss https://bit.ly/36K55qe
via IFTTT