അനില്‍ അംബാനിയുടെ അക്കൗണ്ടുകള്‍ 'തട്ടിപ്പ്' വിഭാഗത്തില്‍പ്പെടുത്തി എസ്ബിഐ

അനിൽ അംബാനിയുടെ അക്കൗണ്ടുകൾ എസ്ബിഐ തട്ടിപ്പ് വിഭാഗത്തിൽപ്പെടുത്തി. ഡൽഹി ഹൈക്കോടതിയിൽ ബാങ്ക്തന്നെ അറിയിച്ചതാണിക്കാര്യം. അനിൽ അംബാനിയുടെ ഉടമസ്ഥതയിലുള്ള റിലയൻസ് കമ്യൂണിക്കേഷൻ, റിലയൻസ് ടെലികോം, റിലയൻസ് ഇൻഫ്രടെൽ തുടങ്ങിയ കമ്പനികളുടെ അക്കൗണ്ടുകളും ഇതോടെ ഈവിഭാഗത്തിലായി. അനിൽ അംബാനിക്കും കമ്പനികൾക്കുമെതിരെയുള്ള സിബിഐ അന്വേഷണത്തിന് ഇതോടെ സാധ്യതയേറി. റിസർവ് ബാങ്കിലന്റെ 2016ലെ സർക്കുലർ പ്രകാരം അക്കൗണ്ടുകൾ തട്ടിപ്പ് വിഭാഗത്തിൽപ്പെടുത്തുന്നതിനെതിരെ റിലയൻസ് കമ്യൂണിക്കേഷന്റെ മുൻ ഡയറക്ടർ പുനിത് ഗാർഗ് ഹൈക്കോടതിയെ സമീപിച്ചിരുന്നു. ഹർജിക്കാരുടെ വാദംകേൾക്കാതെ അക്കൗണ്ടുകൾ തട്ടിപ്പായി പ്രഖ്യാപിക്കുന്നത് നീതിക്ക് നിരക്കുന്നതല്ലെന്നായിരുന്നു അദ്ദേഹത്തിന്റെ വാദം. അനിൽ അംബാനിയുടെ കമ്പനികളുടെ അക്കൗണ്ടുകളിലെ ഇടപാടുകളുടെ ഓഡിറ്റിങിൽ ക്രമക്കേട് കണ്ടെത്തിയതായി എസ്ബിഐ കോടതിയെ അറിയിച്ചിരുന്നു. ഇതുപ്രകാരം അക്കൗണ്ടുകൾ ഫ്രോഡ്വിഭാഗത്തിൽപ്പെടുത്തി റിസർവ് ബാങ്കിന്റെ വിവരമറിയിച്ചതായി ബാങ്ക് കോടതിയിൽ വ്യക്തമാക്കി. ഒരുകോടി രൂപയിലേറെ ബാങ്കിന് ലഭിക്കാനുണ്ടെങ്കിൽ സിബിഐയായിരിക്കും അന്വേഷിക്കുക. Accounts of Anil Ambanis Reliance Companies Declared Fraud

from money rss https://bit.ly/2XkiLCg
via IFTTT