സൗജന്യ പാചകവാതകം ഒരു കോടി ജനങ്ങള്‍ക്കു കൂടി

ന്യൂഡൽഹി: കേന്ദ്രസർക്കാരിന്റെ സൗജന്യ പാചകവാതകവിതരണ പദ്ധതിയായ ഉജ്ജ്വലയുടെ പ്രയോജനം കൂടുതൽ പേരിലേക്ക് വ്യാപിപ്പിക്കുമെന്ന് ധനമന്ത്രി നിർമലാ സീതാരാമൻ. ഒരു കോടി പേർക്ക് കൂടി പദ്ധതിയുടെ ആനുകൂല്യം ലഭ്യമാക്കാനാണ് ലക്ഷ്യമിടുന്നതെന്ന് ബജറ്റവതരണവേളയിൽ മന്ത്രി വ്യക്തമാക്കി. കോവിഡ് വ്യാപനത്തിനിടയിലും പ്രത്യേകിച്ച് ലോക്ഡൗൺ കാലത്ത് പാചകവാതകമുൾപ്പെടെ ഇന്ധനവിതരണത്തിൽ തടസ്സം നേരിട്ടില്ലെന്ന കാര്യം നിർമലാ സീതാരാമൻ എടുത്തു പറഞ്ഞു. വാഹനങ്ങൾക്കുള്ള സിഎൻജി വിതരണവും കുഴൽവഴിയുള്ള പാചകവാതകവിതരണവും നൂറിലധികം ജില്ലകളിലേക്ക് കൂടി വ്യാപിപിക്കുമെന്ന് അവർ അറിയിച്ചു. വാതകോപയോഗം അടിസ്ഥാനമാക്കിയുള്ള സമ്പദ്ഘടനയുടെ വികസനം ഉറപ്പു വരുത്താൻ കുഴലുകളിലൂടെയുള്ള വാതകവിതരണം ക്രമീകരിക്കുന്നതിനായുള്ള ട്രാൻസ്പോർട്ട് സിസ്റ്റം ഓപ്പറേറ്റർ (ടിഎസ്ഒ) നിലവിൽ വരുമെന്നും ധനമന്ത്രി പ്രഖ്യാപിച്ചു. Content Highlights: Ujjwala scheme to be extended to 1 cr more beneficiaries,Union Budget 2021

from money rss https://bit.ly/2YKTXo1
via IFTTT