ധനമന്ത്രി ബജറ്റ് അവതരിപ്പിക്കുന്നു; പ്രതിസന്ധികള്‍ നേരിടാന്‍ ബജറ്റ് മുന്നോട്ടുവെക്കുന്നതെന്തൊക്കെ?

ന്യൂഡൽഹി: കേന്ദ്ര ബജറ്റ്ധനമന്ത്രി നിർമലാ സീതാരാമൻ പാർലമെന്റിൽ അവതരിപ്പിക്കുന്നു.കോവിഡ് മഹാമാരി സൃഷ്ടിച്ച മുൻപെങ്ങുമില്ലാത്ത പ്രതിസന്ധികളെ തുടർന്ന്മാന്ദ്യത്തിലായ സമ്പദ്വ്യവസ്ഥയുടെ തിരിച്ചുവരവിന് ഉത്തേജനം നൽകുന്ന പ്രഖ്യാപനങ്ങൾ ബജറ്റിൽ ഉണ്ടാകുമെന്നാണ് പ്രതീക്ഷിക്കപ്പെടുന്നത്. സാമ്പത്തികമാന്ദ്യം ഗ്രസിച്ചു തുടങ്ങിയ ഘട്ടത്തിലാണ് രാജ്യത്തെ കോവിഡ് ബാധിച്ചത്. 2019-20-ൽ മൊത്ത ആഭ്യന്തര ഉത്പാദനം നാലു ശതമാനമായി കുറഞ്ഞു. നിക്ഷേപരംഗത്തും കനത്ത ഇടിവ് ഉണ്ടായി. കോവിഡ് കാരണമുണ്ടായ സാമ്പത്തികപ്രതിസന്ധി നിയന്ത്രിക്കാൻ രണ്ട് സാമ്പത്തിക പാക്കേജുകൾ കേന്ദ്രം പ്രഖ്യാപിച്ചിരുന്നു. ഇതിന്റെ തുടർച്ചയായ പ്രഖ്യാപനങ്ങൾ പ്രഖ്യാപനങ്ങൾ ബജറ്റിൽ ഉണ്ടാകും.കാർഷിക മേഖലയ്ക്ക് ഊന്നൽ നൽകുന്ന സമീപനവും ബജറ്റിലുണ്ടായേക്കും. 2021-22 സാമ്പത്തിക വർഷത്തെ യഥാർഥ വളർച്ച(ജിഡിപി)11ശതമാനമാകുമെന്നാണ് ബജറ്റിനു മുന്നോടിയായി തയ്യാറാക്കിയ സാമ്പത്തികസർവേ ചൂണ്ടിക്കാട്ടിയത്. കോവിഡ് പ്രതിസന്ധികൾക്കിടയിലും കാർഷികമേഖലയിൽ 3.4 ശതമാനം വളർച്ചയുണ്ടായെന്നും സർവെ വ്യക്തമാക്കുന്നു. മൊറട്ടോറിയം അവസാനിച്ചാൽ ബാങ്കുകളുടെ ആസ്തി-ഗുണനിലവാര അവലോകനം നടത്തണമെന്നും സർവെ നിർദേശിച്ചിരുന്നു. വായ്പകൾ വീണ്ടെടുക്കുന്നതിനുള്ള നിയമവ്യവസ്ഥകൾ ശക്തിപ്പെടുത്തേണ്ടതിന്റെ ആവശ്യകതയും സർവെ ചൂണ്ടിക്കാണിച്ചിരുന്നു. പേപ്പർ രഹിത ബജറ്റാണ് ഇത്തവണത്തേത് എന്നതാണ് സവിശേഷത. ഇതിനായി ടാബുമായാണ് ധനമന്ത്രി നിർമല സീതാരാമൻ പാർലമെന്റിലെത്തിയത്. എംപിമാർക്ക് ബജറ്റിന്റെ സോഫ്റ്റ് കോപ്പികളാണ് നൽകുക. കോവിഡിന്റെ പശ്ചാത്തലത്തിലാണ് പേപ്പർ രഹിത ബജറ്റ് അവതരിപ്പിക്കാൻ തീരുമാനിച്ചത്.ബജറ്റ് രേഖകൾ ലഭ്യമാക്കുന്നതിനായി മൊബൈൽ ആപ്പും തയ്യാറാക്കിയിട്ടുണ്ട്. Content Highlights:Finance minister Nirmala Sitharaman Union Budget 2021

from money rss https://bit.ly/3j352dl
via IFTTT