75 വയസ്സിന് മുകളിലുള്ളവര്‍ക്ക് ആദായനികുതി റിട്ടേണ്‍ വേണ്ട; തര്‍ക്കങ്ങള്‍ പരിശോധിക്കാന്‍ സമിതി

ന്യൂഡൽഹി: കേന്ദ്ര ബജറ്റിൽ മുതിർന്ന പൗരൻമാർക്ക് വരുമാന നികുതിയിൽ പ്രത്യേക ഇളവ്. 75 വയസ്സിന് മുകളിലുള്ളവരെ ആദാനയനികുതി റിട്ടേൺ സമർപ്പിക്കുന്നതിൽ നിന്ന് ഒഴിവാക്കിയതായി ധനമന്ത്രി നിർമലാ സീതാരാമൻ പറഞ്ഞു. പെൻഷൻ, പലിശ എന്നിവയിലൂടെ മാത്രം വരുമാനമുള്ളവർക്കാണ് ഇളവ്. സ്വാതന്ത്ര്യത്തിന്റെ 75-ാം വാർഷികത്തോടനുബന്ധിച്ചാണ് പ്രഖ്യാപനം. നികുതി പുനഃപരിശോധനയ്ക്കുള്ള സമയം മൂന്നു വർഷമാക്കി കുറച്ചു. നേരത്തെ ഇത് ആറ് വർഷമായിരുന്നു. പ്രവാസി ഇന്ത്യക്കാരുടെ ഇരട്ട നികുതി ഒഴിവാക്കിയിട്ടുണ്ട്. ആദായ നികുതിയുമായി ബന്ധപ്പെട്ട തർക്കങ്ങൾ പരിശോധിക്കാൻ പ്രത്യേക സമിതി രൂപവത്കരിക്കുമെന്നും മന്ത്രി പറഞ്ഞു. കാര്യക്ഷമതയും സുതാര്യതയും ഉറപ്പുവരുത്തുന്നതിനാണ് ഇത്. Content Highlights:No income tax return for those over 75; Committee to examine disputes

from money rss https://bit.ly/3ovcNtC
via IFTTT