ഫാര്‍മ ഓഹരികള്‍ കുതിച്ചു: സെന്‍സെക്‌സ് 622 പോയന്റ് നേട്ടത്തില്‍ ക്ലോസ് ചെയ്തു

മുംബൈ: തുടർച്ചയായി രണ്ടാമത്തെ ദിവസവും ഓഹരി വിപണി നേട്ടത്തിൽ ക്ലോസ് ചെയ്തു. ഫാർമ, ഓട്ടോ, ബാങ്കിങ് ഓഹരികളുടെ ബലത്തിൽ നിഫ്റ്റി 9050ന് മുകളിലെത്തി. സെൻസെക്സ് 622.44 പോയന്റ് ഉയർന്ന് 30,818.61ലും നിഫ്റ്റി 187.45 പോയന്റ് നേട്ടത്തിൽ 9066.55ലുമാണ് വ്യാപാരം അവസാനിപ്പിച്ചത്. ഏഷ്യൻ വിപണികളിലെ നേട്ടമാണ് രാജ്യത്തെ സൂചികകളിലും പ്രതിഫലിച്ചത്. ബിഎസ്ഇയിലെ 1277 കമ്പനികളുടെ ഓഹരികൾ നേട്ടത്തിലും 1004 ഓഹരികൾ നഷ്ടത്തിലുമായിരുന്നു. 169 ഓഹരികൾക്ക് മാറ്റമില്ല. ശ്രീ സിമെന്റ്സ്, ഡോ.റെഡ്ഡീസ് ലാബ്, എച്ച്ഡിഎഫ്സി, എംആന്റ്എം, ബിപിസിഎൽ, ഗെയിൽ, യുപിഎൽ, ഗ്രാസിം, എൽആന്റ്ടി, സിപ്ല തുടങ്ങിയ ഓഹരികളാണ് നേട്ടമുണ്ടാക്കിയത്. ഭാരതി ഇൻഫ്രടെൽ, ഇൻഡസിന്റ് ബാങ്ക്, ഹീറോ മോട്ടോർകോർപ്, വേദാന്ത, ഭാരതി എയർടെൽ, കോൾ ഇന്ത്യ, ഏഷ്യൻ പെയിന്റ്സ് തുടങ്ങിയ ഓഹരികൾ നഷ്ടത്തിലുമായിരുന്നു. എല്ലാ വിഭാഗങ്ങളിലെ സൂചികകളും നേട്ടത്തിലായിരുന്നു. ഫാർമ നാലുശതമാനം ഉയർന്നു. വാഹനം, ഊർജം, ബാങ്ക് സൂചികകളും നേട്ടമുണ്ടാക്കി. ബിഎസ്ഇ മിഡക്യാപ്, സ്മോൾ ക്യാപ് സൂചികകൾ ഒരുശതമാനത്തിലേറെ ഉയർന്നു.

from money rss https://bit.ly/3e4F3ys
via IFTTT