Story Dated: Sunday, January 11, 2015 02:27
ന്യൂഡല്ഹി: നീതി ആയോഗ് വൈസ് ചെയര്മാനായി അരവിന്ദ് പനഗാരിയ തിങ്കളാഴ്ച സ്ഥാനമേല്ക്കും. ആസൂത്രണകമ്മീഷനെ ഒഴിവാക്കി കേന്ദ്ര സര്ക്കാര് കൊണ്ടു വരുന്ന നീതി ആയോഗിലേയ്ക്ക് വൈസ് ചെയര്മാനെ കൂടാതെ സിഇഒ, രണ്ട് മുഴുവന് സമയ അംഗങ്ങള്, കേന്ദ്രമന്ത്രിമാരായ നാല് എക്സ് ഒഫിഷ്യോ അംഗങ്ങള്, മൂന്ന് പ്രത്യേക ക്ഷണിതാക്കള് എന്നിവരെയാണ് നിയമിച്ചിരിക്കുന്നത്.
വൈസ് ചെയര്മാനായി നിയമിതനായ പനഗാരിയ പ്രമുഖ ഇന്തോ-അമേരിക്കന് സാമ്പത്തിക ശാസ്ത്രജ്ഞനും കൊളംബിയ സര്വകലാശാലയിലെ സാമ്പത്തികശാസ്ത്ര വിഭാഗം പ്രഫസറുമാണ്. ഏഷ്യന് ഡവലപ്മെന്റ് ബാങ്കിലെ ചീഫ് എക്കണോമിസ്റ്റായായിരുന്ന പനഗാരിയ ലോക ബാങ്ക്, ഐഎംഎഫ്, വേള്ഡ് ട്രേഡ് സെന്റര് എന്നിവിടങ്ങളിലും സേവനം ചെയ്തിട്ടുണ്ട്.
from kerala news edited
via IFTTT
