Story Dated: Sunday, January 11, 2015 02:00
മൈദുഗുരി: നൈജീരിയയില്‍ തിരക്കുള്ള ചന്തയില്‍ ബോകോ ഹറാം തീവ്രവാദികള്‍ നടത്തിയ സ്‌ഫോടനത്തില്‍ 20 പേര്‍ കൊല്ലപ്പെട്ടു. പത്ത്‌ വയസുകാരിയെ ചാവേറാക്കിയായിരുന്നു ആക്രമണം. നിരവധി പേര്‍ക്ക്‌ പരിക്കേറ്റിട്ടുണ്ട്‌. ഇതില്‍ 18 പേരുടെ നില ഗുരുതരമാണ്‌.
മൈദുഗുരിയിലെ മാര്‍ക്കറ്റിലായിരുന്നു സ്‌ഫോടനം. ചന്തയില്‍ സാധനങ്ങള്‍ വാങ്ങുവാന്‍ വന്നവരാണ്‌ സ്‌ഫോടനത്തിന്‌ ഇരകളായത്‌. നിരവധി കടകള്‍ക്കും സ്‌ഫോടനത്തില്‍ കേടുപാടുണ്ടായിട്ടുണ്ട്‌. ബൊക്കൊ ഹറാം തീവ്രവാദികള്‍ ഉപയോഗിച്ചതില്‍ എക്കാലത്തെയും ഏറ്റവും പ്രായം കുറഞ്ഞ ചാവേറാണ്‌ ആക്രമണം നടത്തിയ പെണ്‍കുട്ടി. എന്നാല്‍ മരണത്തെക്കുറിച്ച്‌ പെണ്‍കുട്ടിക്ക്‌ അറിവില്ലായിരുന്നുവെന്ന്‌ സ്‌ഫോടനത്തിന്‌ സാക്ഷികളായവര്‍ പറഞ്ഞു.
അടുത്ത കാലത്തായി കൊച്ചു പെണ്‍കുട്ടികളേയും യുവതികളേയും ചാവേറാക്കുന്നതാണ്‌ ബോക്കോ ഹറാം തീവ്രവാദികളുടെ രീതി. ചാവേറാകാന്‍ പെണ്‍കുട്ടികളെ വ്യാപകമായി ഉപയോഗിക്കുന്ന ഇവര്‍ പെണ്‍കുട്ടികളെ തട്ടിക്കൊണ്ടു വന്ന്‌ ബന്ദികളാക്കാറുണ്ടെന്നും റിപ്പോര്‍ട്ടുകളുണ്ട്‌.
from kerala news edited
via IFTTT
