Story Dated: Friday, March 20, 2015 08:10
സാനാ: യെമനില് മൂന്നിടത്തായി നടന്ന ബോംബാക്രമണങ്ങളില് 77 പേര് മരിച്ചു. 121 പേര്ക്ക് പരിക്കേറ്റിട്ടുണ്ട്. യെമന് തലസ്ഥാനമായ സാനയില് വെള്ളിയാഴ്ച നമസ്ക്കാരത്തിനായി എത്തിയവര്ക്ക് നേരെയായിരുന്നു ആക്രമണം. ദക്ഷിണ സനയിലെ ബാദര് മോസ്ക്കിലായിരുന്നു സ്ഫോടനങ്ങള്. മോസ്കിനുള്ളില് ആദ്യ സ്ഫോടനം നടന്നതിന് തൊട്ടുപിന്നാലെ ഗേറ്റിലും സ്ഫോടനമുണ്ടായി.
ഷിയാ വിഭാഗത്തില് പെട്ടവരെ ലക്ഷ്യമിട്ടുള്ളതായിരുന്നു ആക്രമണം. മൂന്നാമത്തേത് ചാവേര് സ്ഫോടനം ആയിരുന്നു. വടക്കന് സനായിലെ മോസ്കിനുള്ളിലായിരുന്നു സംഭവിച്ചത്. സ്ഫോടനത്തെ തുടര്ന്ന് വിശ്വാസികള് ചിതറിയോടി. പരിക്കേറ്റവരെ ഉടന് സമീപത്തെ ആശുപത്രിയില് പ്രവേശിപ്പിച്ചു. ഈ വര്ഷം നടക്കുന്ന രണ്ടാമത്തെ സ്ഫോടനമാണ് ഇത്. ജനുവരിയില് ഒരു കാര്ബോംബ് സ്ഫോടനത്തില് കൊല്ലപ്പെട്ടത് 40 പേരായിരുന്നു.
ആക്രമണത്തിന് പിന്നില് അല് കെ്വായ്ദ തീവ്രവാദികളാണെന്ന് യെമനിലെ ഉന്നത സുരക്ഷാ ഉദ്യോഗസ്ഥര് ആരോപിച്ചെങ്കിലും ജിഹാദി ഗ്രൂപ്പ് നേതൃത്വം ആരോപണം നിഷേധിച്ചിട്ടുണ്ട്. സനായില് അധികാരം കയ്യാളുന്ന ഷിയാ വിഭാഗം അക്കാര്യം മറ്റിടങ്ങളിലേക്കും വ്യാപിപ്പിക്കാന് നടത്തുന്ന ശ്രമങ്ങളെ ശക്തമായി സുന്നി വിഭാഗം എതിര്ക്കുന്നുണ്ട്.
from kerala news edited
via IFTTT
തിരുവനന്തപുരം: കേരള ഫിലിം പ്രൊഡ്യൂസേഴ്സ് അസോസിയേഷന് 2014ലെ മികച്ച നടന്മാരായി ഫഹദ് ഫാസിലിനെയും ദുല്ക്കര് സല്മാനെയും തിരഞ്ഞെടുത്തു. നസ്രിയ നസീം മികച്ച നടിയായി. മികച്ച ചിത്രമായി രഞ്ജിത്ത് സംവിധാനംചെയ്ത 'ഞാന്' തിരഞ്ഞെടുക്കപ്പെട്ടു. ഈ ചിത്രത്തിലൂടെ രഞ്ജിത്ത് മികച്ച സംവിധായകനുള്ള പുരസ്കാരം നേടി.
