Story Dated: Friday, March 20, 2015 07:29
കോഴിക്കോട്‌: വനിത എം.എല്‍.എമാര്‍ക്കെതിരെ വിവാദ പ്രസ്‌താവന നടത്തിയ കോഴിക്കോട്‌ ഡി.സി.സി. പ്രസിഡന്റ്‌ കെ.സി.അബു മാപ്പു പറഞ്ഞു. വിവാദ പ്രസ്‌താവന പിന്‍ വലിച്ചു മാപ്പു പറയുന്നു എന്ന്‌ പത്രക്കുറിപ്പിലൂടെയാണ്‌ അബു അറിയിച്ചത്‌.
മന്ത്രി ഷിബു ബേബി ജോണ്‍ തടയുന്ന സമയത്ത്‌ ബിജിമോള്‍ ആസ്വദിക്കുകയായിരുന്നു. ഇത്തരം സമയങ്ങളില്‍ സ്‌ത്രീകള്‍ക്കുണ്ടാകുന്ന പരിഭ്രമമോ പേടിയോ ബിജിമോള്‍ക്കുണ്ടായിരുന്നില്ലെന്നും ആയിരുന്നു അബുവിന്റെ പ്രസ്‌താവന. സംഭവം വിവാദമായതോടെ മാപ്പു പറയണമെന്ന്‌ കെ.പി.സി.സി പ്രസിഡന്റ്‌ വി.എം സുധീരന്‍ ആവശ്യപ്പെട്ടു. ഇതിനെ തുടര്‍ന്നാണ്‌ അബു പ്രസ്‌താവന പിന്‍വലിച്ച്‌ മാപ്പു പറഞ്ഞത്‌. മാപ്പു പറയാത്ത പക്ഷം അച്ചടക്ക നടപടിയുണ്ടാകുമെന്നും സുധീരന്‍ പത്രസമ്മേളനത്തില്‍ പറഞ്ഞിരുന്നു.
ഷിബു തടഞ്ഞതില്‍ ബിജിമോള്‍ക്ക്‌ പരാതിയുണ്ടാവില്ല. ജമീലാ പ്രകാശം ശിവദാസന്‍ നായര്‍ക്കു പകരം കരിമ്പുപോലുള്ള പി.കെ ബഷീറിനെ കടിക്കാമായിരുന്നില്ലെയെന്നും അബു ചോദിച്ചു. ഇതാണ്‌ പിന്നീട്‌ വിവാദങ്ങള്‍ക്ക്‌ ഇടവച്ചത്‌. ഇതില്‍ കുപിതരായ ഇടതുപക്ഷ സംഘടനകള്‍ അബുവിന്റെ വീട്ടിലേക്കും, ഓഫീസിലേക്കും നടത്തിയ മാര്‍ച്ച്‌ അക്രമാസക്‌തമായിരുന്നു. അതേ സമയം വിവാദ പ്രസ്‌താവനയ്‌ക്കെതിരെ ബിജിമോള്‍ എം.എല്‍.എ. ഡി.ജി.പിയ്‌ക്ക് പരാതി നല്‍കി.
from kerala news edited
via IFTTT
