Story Dated: Friday, March 20, 2015 03:57
ന്യൂഡല്‍ഹി: സ്‌ത്രീകളുടെ സുരക്ഷ ഉറപ്പു വരുത്താന്‍ ഡല്‍ഹി പോലീസ്‌ ആരംഭിച്ച ആപ്ലിക്കേഷനായ ഹിമ്മത്‌ ആപ്പ്‌ ഇനി ഐഫോണുകളിലും ലഭ്യമാകും. ആപ്പിളിന്റെ ആപ്പ്‌ സ്‌റ്റേറില്‍ നിന്നും ഹിമ്മത്‌ ആപ്പ്‌ ആവശ്യകാര്‍ക്ക്‌ ഡൗണ്‍ലോഡ്‌ ചെയ്യാമെന്ന്‌ ഇന്നലെ പോലീസ്‌ അറിയിച്ചു.
കഴിഞ്ഞ ജനുവരി ഒന്നിന്‌ ആരംഭിച്ച്‌ ആപ്ലിക്കേഷന്‍ ഇതുവരെ 35,080 പേര്‍ ഡൗണ്‍ലോഡ്‌ ചെയ്‌തതു ആപ്പിലൂടെ ഇതുവരെ 2,000ല്‍ അധികം സന്ദേശങ്ങള്‍ ലഭിച്ചുവെന്നും ദ്യോഗസ്‌ഥര്‍ പറഞ്ഞു. ഇതില്‍ 1,500ല്‍ പരം സന്ദേശങ്ങളും ഡല്‍ഹിയില്‍ നിന്നാണെന്നും ഇവര്‍ അറിയിച്ചു. ഹിമ്മത്‌ ആപ്പില്‍ കോളിംഗ്‌ സൗകര്യം ആരംഭിച്ചതായും പോലീസ്‌ അറിയിച്ചു.
8800001091 എന്ന നമ്പറില്‍ ഹിമ്മത്‌ വാട്‌സ് ആപ്പ്‌ ഗ്രൂപ്പും പോലീസ്‌ ആരംഭിച്ചിട്ടുണ്ട്‌. ഇതുവരെ 11,000 മെസേജുകള്‍ ഗ്രൂപ്പിലും ലഭിച്ചിട്ടുണ്ടെന്നും പോലീസ്‌ പറഞ്ഞു. മുമ്പ്‌ ആന്‍ഡ്രോയിഡ്‌ ഫോണുകളില്‍ മാത്രമാണ്‌ ഹിമ്മത്‌ ആപ്പ്‌ സൗകര്യം ലഭിച്ചിരുന്നത്‌.
from kerala news edited
via IFTTT
