Story Dated: Friday, March 20, 2015 05:59
കാബൂള്‍: ഖുറാന്‍ അഗ്നിക്കിരയാക്കി എന്നാരോപിച്ച്‌ അഫ്‌ഗാന്‍ യുവതിയെ ജനക്കൂട്ടം തല്ലിക്കൊന്ന്‌ മൃതദേഹം ചുട്ടെരിച്ച്‌ നദിയിലെറിഞ്ഞു. തലസ്‌ഥാനമായ കാബൂളില്‍ 27 കാരിയായ ഫര്‍ക്കുണ്ട എന്ന യുവതിയെയാണ്‌ ആയിരക്കണക്കിന്‌ വരുന്ന ജനക്കൂട്ടം തല്ലിക്കൊന്ന്‌ വലിച്ചെറിഞ്ഞത്‌. സാമൂഹ്യസൈറ്റില്‍ ആരോ പോസ്‌റ്റ് ചെയ്‌ത കൊല്ലുന്നതിന്റെ വീഡിയോ ലോക മനസ്സാക്ഷിയെ ഞെട്ടിക്കുകയാണ്‌.
കാബൂളിന്റെ ഹൃദയഭാഗത്തെ ഷാ ഇ ദോ മോസ്‌ക്കിന്‌ സമീപത്ത്‌ വെച്ചായിരുന്നു ഈ ക്രൂരത. അടിയേറ്റ്‌ തളര്‍ന്നു വീണ യുവതിയുടെ തലയില്‍ ഇഷ്‌ടിക കൊണ്ട്‌ ഇടിക്കുന്നതും കൂറ്റന്‍ മരത്തടിക്ക്‌ അടിക്കുന്നതിന്റെയും ദൃശ്യങ്ങളുണ്ട്‌. പെണ്‍കുട്ടിയുടെ മൃതശരീരം നശിപ്പിക്കാന്‍ എടുക്കുമ്പോഴും ആള്‍ക്കാര്‍ ഇടിക്കുകയും തൊഴിക്കുകയും ചെയ്യുന്നുണ്ട്‌. മൃതശരീരം കത്തിച്ച ശേഷം നദിയില്‍ എറിഞ്ഞതായാണ്‌ വിവരം.
ഇസ്‌ളാമിക വിശുദ്ധഗ്രന്ഥമായ ഖുറാന്‍ കത്തിച്ചെന്നാണ്‌ ഇവര്‍ക്കെതിരേ ഉയര്‍ന്ന ആരോപണം. അതേസമയം ദീര്‍ഘകാലമായി മാനസിക അസ്വാസ്‌ഥ്യത്തില്‍ കഴിയുന്ന യുവതിയാണ്‌ ഇവരെന്ന്‌ വീട്ടുകാര്‍ പറഞ്ഞു. നാട്ടുകാര്‍ ഭ്രാന്തു പിടിച്ച അവസ്‌ഥയില്‍ ആയിരുന്നതിനാല്‍ സമീപത്തുണ്ടായിരുന്ന പോലീസുകാര്‍ പ്രശ്‌നത്തില്‍ ഇടപെട്ടില്ല. അമതസമയം ട്വിറ്റര്‍ അക്കൗണ്ട്‌ വെച്ച്‌ നാലുപേരെ അറസ്‌റ്റ് ചെയ്‌തിട്ടുണ്ടെന്നും പോലീസ്‌ പറയുന്നു. സാമൂഹ്യ സൈറ്റുകളില്‍ എത്തിയിട്ടുള്ള സംഭവത്തിന്റെ ഫൂട്ടേജില്‍ ക്രൂരത മൊബൈലില്‍ ചിത്രീകരിക്കുന്നവരേയും കാണാം.
from kerala news edited
via IFTTT
