Story Dated: Friday, March 20, 2015 08:27
തിരുവനന്തപുരം : ബിജിമോള്‍ എംഎല്‍എയ്‌ക്കെതിരേ കോഴിക്കോട്‌ ഡിസിസി പ്രസിഡന്റ്‌ കെ സി അബുവിനെതിരേ മുഖ്യമന്ത്രി ഉമ്മന്‍ചാണ്ടിയും. കെ സി അബുവിന്റെ പ്രസ്‌താവന കോണ്‍ഗ്രസിന്‌ യോജിച്ചതല്ലെന്ന്‌ മുഖ്യമന്ത്രി വ്യക്‌തമാക്കി. ഇക്കാര്യത്തില്‍ കോണ്‍ഗ്രസ്‌ നേതാക്കള്‍ സംയമനം പാലിക്കണമെന്നും അദ്ദേഹം പറഞ്ഞു. കെപിസിസി പ്രസിഡന്റ്‌ വിഎം സുധീരന്‍ അബുവിനെതിരേ രംഗത്ത്‌ വന്നതിന്‌ തൊട്ടു പിന്നാലെയാണ്‌ മുഖ്യമന്ത്രിയും നിലപാട്‌ വ്യക്‌തമാക്കിയത്‌.
സംഭവം വന്‍ വിവാദത്തിലേക്ക്‌ നീങ്ങിയയോടെ അബു പ്രസ്‌താവന പിന്‍ വലിച്ച്‌ മാപ്പു പറയണമെന്ന്‌ നേരത്തേ വി എം സുധീരന്‍ വ്യക്‌തമാക്കിയിരുന്നു. ഇക്കാര്യം ചെയ്‌തില്ലെങ്കില്‍ നടപടി എടുക്കുമെന്നും പറഞ്ഞിരുന്നു. ഇതിന്‌ പിന്നാലെ പ്രസ്‌താവനയില്‍ അബു പത്രക്കുറിപ്പിലുടെ ഖേദം പ്രകടിപ്പിക്കുകയും ചെയ്‌തിരുന്നു. സഭയില്‍ പ്രശ്‌നം നടക്കുമ്പോള്‍ ഷിബു ബേബി ജോണ്‍ തടയുന്ന സമയത്ത്‌ ബിജിമോള്‍ ആസ്വദിക്കുകയായിരുന്നു.
ഇത്തരം സമയങ്ങളില്‍ സ്‌ത്രീകള്‍ക്കുണ്ടാകുന്ന പരിഭ്രമമോ പേടിയോ ബിജിമോള്‍ക്കുണ്ടായിരുന്നില്ലെന്നും ആയിരുന്നു അബുവിന്റെ പ്രസ്‌താവന. ഷിബു തടഞ്ഞതില്‍ ബിജിമോള്‍ക്ക്‌ പരാതിയുണ്ടാവില്ല. ജമീലാ പ്രകാശം ശിവദാസന്‍ നായര്‍ക്കു പകരം കരിമ്പുപോലുള്ള പി.കെ ബഷീറിനെ കടിക്കാമായിരുന്നില്ലെയെന്നും അബു ചോദിച്ചു. ഇതാണ്‌ പിന്നീട്‌ വിവാദങ്ങള്‍ക്ക്‌ ഇടവച്ചത്‌.
from kerala news edited
via IFTTT
