Story Dated: Friday, March 20, 2015 05:58
തിരുവനന്തപുരം : വനിതാ എം.എല്‍.എമാര്‍ക്കെതിരെ അപകീര്‍ത്തികരമായ രീതിയില്‍ പരസ്യപ്രസ്‌താവന നടത്തിയ കോഴിക്കോട്‌ ഡി.സി.സി പ്രസിഡന്റ്‌ കെ.സി അബുവിനെതിരെ കെ.പി.സി.സി ജനറല്‍ സെക്രട്ടറി ലതിക സുഭാഷ്‌ രംഗത്തെത്തി. സ്‌ത്രീത്വത്തെ അപമാനിക്കുന്ന പ്രസ്‌താവനയാണ്‌ അബുവിന്റെ ഭാഗത്തു നിന്നും ഉണ്ടായത്‌. വനിതാ എം.എല്‍.എമാരെ കുറിച്ചുള്ള പ്രസ്‌താവന പിന്‍വലിച്ച്‌ കെ.സി അബു പരസ്യമായി മാപ്പ്‌ പറയണമെന്നും ലതികാ സുഭാഷ്‌ ആവശ്യപ്പെട്ടു.
അബുവിനെ തള്ളി കെ.പി.സി.സി പ്രസിഡന്റ്‌ വി.എം സുധീരനും രംഗത്തെത്തിയിരുന്നു. അബു പ്രസ്‌താവന പിന്‍വലിച്ച്‌ മാപ്പു പറഞ്ഞില്ലെങ്കില്‍ അച്ചടക്ക നടപടി നേരിടേണ്ടി വരുമെന്നും സുധീരന്‍ പറഞ്ഞിരുന്നു.
അതേസമയം, താന്‍ പറഞ്ഞതിലെ ഒരു ഭാഗം മാത്രം അടര്‍ത്തിയെടുത്ത്‌ വിവാദം ഉണ്ടാക്കുകയാണെന്നും പ്രതിഷേധത്തിനിടെ പ്രതികരിച്ചപ്പോള്‍ ജമീല പ്രകാശത്തിന്റെ മുഖത്ത്‌ ഉണ്ടായ ഭാവമല്ല ബിജി മോളുടെ മുഖത്ത്‌ കണ്ടത്‌ എന്നാണ്‌ താന്‍ ഉദ്ദേശിച്ചതെന്നും കെ.സി അബു പ്രതികരിച്ചു.
from kerala news edited
via IFTTT
