Story Dated: Friday, March 20, 2015 03:29
കുഴല്‍മന്ദം: തോലനൂര്‍ പൂതമണ്ണില്‍ ശ്രീകുരുംബ ഭഗവതി ക്ഷേത്രസന്നിധിയില്‍ നിന്നും നൂറുകണക്കിന്‌ വെളിച്ചപ്പാടുമാര്‍ ഇന്ന്‌ കൊടുങ്ങല്ലൂര്‍ ഭരണി ഉത്സവത്തിന്‌ യാത്രയാകും. വര്‍ഷാവര്‍ഷം ക്ഷേത്രത്തില്‍ നിന്നും ശിവന്‍ വെളിച്ചപ്പാടിന്റെ നേതൃത്വത്തിലാണ്‌ ഭരണിയുത്സവത്തിനു യാത്രതിരിക്കുന്നത്‌. തമിഴകത്തു നിന്നുള്‍പ്പെടെ നിരവധി ഭക്‌തര്‍ ഇവിടത്തെ ചടങ്ങുകളില്‍ പങ്കെടുത്തു കൊടുങ്ങല്ലൂര്‍ ഭരണിക്ക്‌ വെളിച്ചപ്പാട്‌ സംഘത്തെ അനുഗമിക്കുന്നത്‌ പതിവാണ്‌. പൂതമണ്ണ്‌ ക്ഷേത്രത്തില്‍ ഇന്ന്‌ രാവിലെ അഞ്ചിന്‌ ഉത്സവചടങ്ങുകള്‍ക്ക്‌ തുടക്കമാകും. ഉച്ചക്ക്‌ ഒന്നര മുതല്‍ രണ്ടു വരെ ഭരണിപ്പാട്ട്‌. വൈകീട്ട്‌ മൂന്നിന്‌ ആന, പഞ്ചവാദ്യം, ശിങ്കാരിമേളം, പൂതന്‍ തറ, പൂക്കാവടി എന്നിവയുടെ അകമ്പടിയോടെയാണ്‌ വെളിച്ചപ്പാട്‌ സംഘം ഭരണിയാത്രയ്‌ക്കു തുടക്കംകുറിക്കും.
from kerala news edited
via IFTTT
