Story Dated: Friday, March 20, 2015 06:13
തിരുവനന്തപുരം : ഇ.എസ്‌ ബിജിമോള്‍ എം.എല്‍.എ ഡി.ജി.പിയ്‌ക്ക് രേഖാമൂലം പരാതി നല്‍കി. മന്ത്രി ഷിബു ബേബി ജോണിനും കെ.സി അബുവിനും എതിരെയാണ്‌ പരാതി നല്‍കിയിരിക്കുന്നത്‌. അപമാനകരമായ പരാമര്‍ശത്തിന്‌ എം.എ വാഹിദിനെതിരെയും നടപടി ആവശ്യപ്പെട്ടിട്ടുണ്ട്‌.
വനിതാ എം.എല്‍.എമാരായ ബിജിമോള്‍ക്കും ജമീലാ പ്രകാശത്തിനും എതിരെ കെ.സി അബു നടത്തിയ പരസ്യ പ്രസ്‌താവനയാണ്‌ വിവാദങ്ങള്‍ക്ക്‌ ഇടയാക്കിയത്‌. ഷിബു ബേബിജോണ്‍ തടഞ്ഞത്‌ ബിജിമോള്‍ ആസ്വദിക്കുകയായിരുന്നു എന്നും ജമീലാ പ്രകാശം എന്തിനാണ്‌ ശിവദാസന്‍ നായരെ കടിച്ചതെന്നും കരിമ്പുപോലെ ശരീരമുള്ള പി.കെ ബഷീറിനെ കടിച്ചാല്‍ പോരായിരുന്നോ എന്നും അബു ആക്ഷേപിച്ചു.
കെ.സി അബുവിന്റെ പ്രസ്‌താവനയോട്‌ വിയോജിപ്പ്‌ പ്രകടിപ്പിച്ച്‌ രംഗത്തെത്തിയ കെ.പി.സി.സി പ്രസിഡന്റ്‌ വി.എം സുധീരന്‍ പ്രസ്‌താവന പിന്‍വലിച്ച്‌ അബു മാപ്പ്‌ പറയണമെന്നും ആവശ്യപ്പെട്ടിട്ടുണ്ട്‌.
from kerala news edited
via IFTTT
